9.08.2006

入戲



寫劇本最痛苦係未入戲,寫乜都覺得唔對勁,到自己入到戲,角色會教番你點寫佢。韋家輝先生曾經同我講過,寫大時代最後果幾集,係唔駛諗,個角色自己話佢知係點! 好恨達到的一種境界!
寫喜戲寫到上身時,會笑到眼淚水出,個腦快過對手;寫愛情片寫到入戲時,個身會好熱,有時會抖震,仲有果排我會對身邊的女伴特別好。好耐無寫過鬼片,終於寫到呢個時刻,我唔敢去廚房斟水飲,天光先會離開書房!房內所有反光的東西都用衫遮住!好痛苦但又需要呢種狀態!寫左咁耐先知道原來粵語流行曲係好岩寫鬼片,我而家就聽緊梅艷芳 心債!
老友~~`你係咪陪緊我呀~~`

14 comments:

Anonymous said...

期待你的"鬼古"戲~~

Anonymous said...

我係陪緊你呀灘灘, haha
我係度聽緊你地節目o既 archieve
一邊聽, 一邊玩 d 推理遊戲
呢個係我最 enjoy o既一刻呢
因為個腦係唔駛諗任何煩野
集中精神去玩
輕輕鬆鬆咁聽
好舒服呢.

Anonymous said...

灘灘, 估唔到你係訪問艾粒時都可以笑得咁暢懷呢... 我初頭估你會好憎佢地添.... 因為艾粒... 鍾意佢地o既人會明佢地想表達 d 乜. 但如果一開始已經唔鍾意的話, 就一定會勁憎....

我都會去睇艾粒呢... 本來以為最後o個場, 但結果.... 都係要加一加場先安樂... 唉! 化啦我.

天光啦, 聽埋你地同梁炳個訪問 lu. 要訓覺啦. 你都早 d 覺覺豬啦

Brenda.66 said...

I always listen to archieve.
It make me laught when I am down, it keep me smile when I need one.

Keep it up!

I will always supports all three of you, even "ah Tin" is not always that good. She can do it.

PS. will "sam cool" visit this blog, I want to ask her something?

Anonymous said...

o甘其實你做編劇的,有無試過,編完一個劇之後, 在現實中會唔會抽離唔到o個劇裡面個環境?如果係...要唔要用好多時間去更正返?

Anonymous said...

有無覺得自己似鬼域的李心潔?
有無聽我等着你回來去再推高個mood?
你住荃灣半山周圍好多樹木喎! 尤其蕉樹!

Anonymous said...

作為一個讀者, 我都有過一次同樣的經歷,
在好多年前, 看著倪匡的其中一本科幻小說, 個心跳得好緊要, 好驚好驚! 最後要合上本書, 抖夠一分鐘才再打開本書,當中的情節已經忘記了, 甚至連書名都記不起, 但是那種感覺仍然瀝瀝在目, 然而同樣的感覺不再出現了, 只因時,地,人都不同了.........

DOUBLECHIN™ said...

呀, 我前日都心血來潮聽左...恐怖熱線archive...跟住, 有人msn我: 今日又七月十四, 早d返屋企喇...

驚晒...

送你歌詞兩句~
紅恤衫的魔影 藍天空的風景
所有主角逼我在填命
怎麼你陰森的一雙眼凝望我我只好蒙著眼睛

kekeke...

Anonymous said...

你聽返D舊歌已經驚到0甘﹐如果你一條友去K房唱返以前D歌﹐會見到D MTV拍到如同鬼片一樣 XDD

見到樓上講倪匡小說﹐我以前都好迷﹐睇好多﹐但大部份真係唔記得講咩﹐只係記得好exciting﹐係好好既entertainment。。。
而中學時因為圍內幾個女同學鐘意見書﹐所以我地開始自己寫愛情/武俠小說﹐跟住交換睇。。。不過我記得我寫不完chapter 2就放棄左﹐而其他同學點我就唔知lu﹐反正我也只看過她們的頭一兩個chapter就是了﹗

海灘﹐其實你以前鐘意過咩書﹖金庸﹖亦舒﹖(記得3姑會睇XPP)不如下次開個post講下﹖

Anonymous said...

很好奇灘叔寫狗咬狗寫到入戲時是否正吃著狗肉?哈哈~~

ps. 可否轉告三姑, 請佢唔好再o係節目入面爆d 劇情出黎. 如果唔係佢, 我相信我年中會睇多好多部戲, 因為套套戲都俾佢講晒我仲洗鬼睇咩?

Anonymous said...

灘叔,我叫朋友二號,第一次睇你個blog,你又响半夜寫劇本,究竟係唔係夜晚寫才特別有feel

Anonymous said...

總認為外國鬼片不及亞洲鬼片恐怖。

小時候還有膽看鬼片, 現在, 連森小那些無聊鬼故也沒有膽聽。

Anonymous said...

有時夜晚睇恐怖小說,真係驚到訓吾著,但係過2分鐘又要打番本書睇!!

Anonymous said...

我都好怕睇+聽鬼片鬼故,次次睇+聽完都好驚,仲會心跳加速tim!但果種感覺又好exciting wor~ 哈哈!睇完呢篇dairy同樓上一樣都覺得你好似鬼域既李心潔,灘叔,加油呀!