9.01.2006

特別日子



黃偉文的「紀念日」是寫情侶之間如何在平淡的拍拖生活添上一點色彩與意義!「平淡之中找一些特別日期,慮著特別日期更加的想你!」,熱戀中揮發的甜美想像力! 這是極主動的行為,至於被動的是怎樣呢?
我永遠記得我三表舅父結婚紀念日,但其實我一生基本上見過佢唔夠三次,記得原因係佢地揀十二月二十四晚擺酒,地點仲要係凱撤酒樓(名好似記錯,不過你地都唔識架啦!)即係而家彌敦道CYBER個位,你諗下平安夜散席十一點,行出黎條街d會多人成點?!不過後生最鐘意人多,最鐘意逼,果次好好玩,所以每年平安夜,我都會想起呢件事,想起三表舅父!
我有個親戚死忌係無線台慶,我未必記得邊日台慶,但如果睇到,我就會記起呢個親戚!
從前的同事個仔是八九年六月四出世,直到而家我一眼都無見過佢,但到六四,母忘的還有佢呢位已經十六歲的青年!
有一個從前我曾經心儀過,姓香叫cynthia的人,每年今日我都會想起佢,因為佢係九月一日生日,就算唔記得今日係九月一,但一有人提起開學日,佢就自然會走出來!
其實這些事情微不足道,變得難忘是因為那天是個重要日子!十年前我有個朋友生日那天被情人提出分手!如此殘酷令她至令仍耿耿於懷!最近佢終於釋懷,原來當日的情人跟本連那可天是她生日也不知道!
每日都可以是特別日子,每日都可以是另一日的平凡日子,在特別日子裡小小的平凡事也會變得很特別,可是平淡日子裡的突發事,並非件件也是甜味!如果甜是來自苦,我希望每天都平平淡淡地渡過!但在特別日子,我最想起妳!
happy bday!香小姐

15 comments:

Anonymous said...

係啦....好奇怪....特別日子

Anonymous said...

成日記起初戀開始o個個日子,一到o個個月份就覺得好似有野要做咁,明明已經冇意思架啦

反而初戀分手o個一日就諗唔起,直頭大約幾多月都完全唔記得=__________=可能因為一d都唔傷心

Anonymous said...

UNKLE,
直覺上覺得 那位'香小姐 ',其實是還未得到'手'的,
因為還有很多空間給你去想個夠,
當距離少了,
知道她的缺點,
知道她的惡習,
甚至是怪辟,
可能走都走唔切呢!
可能好剛才那位 FANS 咁,連分手係邊日都唔記得! 唉 !!

Anonymous said...

講起日子,我覺得生日呢個日子好令人尷尬......唔知哩,梗係覺得好老尷@@

Anonymous said...

Today is the 7th anniversary of my bf and me too... n_n

Anonymous said...

我都係89年6月4日出世ga!!

Anonymous said...

有個親戚死忌係無線台慶???多可憐呀>0<"不過我12月26生日~~南亞的大災難....死了很多人哦~~

Anonymous said...

我永遠都唔會忘記我初戀男朋友既生日日期,
因為曾經我所有既密碼都係用佢^^
宜家梗係轉晒啦!!但係仲年年都會keep住同佢講happy birthday既~~

Anonymous said...

原本灘叔都好深情架!

Anonymous said...

唔怪之得會迷失...原來特別日子來臨...

Anonymous said...

好想知道灘叔曾經心儀o既女仔係點o既樣...
Anyway,impressive writing once again : )

Meoo...ow

Anonymous said...

睇完呢篇好有感覺,觸動了我的思潮。每天對我來說都是非常平淡,返工、休息。
但是知道今天的日期,想起了是誰的生日、想起了某年曾跟他做過甚麼、去過那裡,我便墮進了回憶的空間裹,久久不願出來。

Brenda.66 said...

我以為女仔先會對D特別日子睇得好重要.
unkle beach, 佑唔到你...都禁重情!
但係有D日子, 忘記了會令你開心d ^_^

Anonymous said...

呢篇blog幾得意...
就好似我結婚果日係我一個好朋友生日
佢一定會記得我結婚紀念日...哈哈哈~

Anonymous said...

我的腦海裡也充滿好多好多紀念日。

有時會覺得這些日子是包袱, 但回心一想, 其實有這些回憶, 生活才多采, 才更有味道。