4.24.2006

人言可畏


某日開會,瑪莉叫我寫blog,佢話以我而家知名度,應該有人想睇,我話係因為d人鐘意聽君如,帶挈埋我,我邊有咁多fans,何況要我日日好似專欄咁寫,但無錢,我邊有咁好恆心同耐力,瑪莉話呢個咪訓練耐力同恆心的好機會!
就因為呢句話,我開始寫blog,都算人言可畏!
瑪莉本身亦有blog,但只供圍內朋友使用,從未公開,而我亦無打算公開個blog,你搵到係你同我有緣,直至某日,瑪莉問准我把我的blog公開給她的朋友,但作為一個編劇,我個徒弟,瑪莉用左一個既有創意又好賤的方法去介紹我個blog,佢用我講過的話,扮係我講來反串反串我,我睇見即扮反面reply佢,但當佢還未想到點回,繼續玩我地呢個「私人遊戲」,佢呢段blog被發現仲公開理,瑪莉為怕夜長夢多,立刻把那段blog delete,但竟然有人已經save左,仲掟左上咁個討論區,以「有邊個唔鐘意鄒海灘」為題的回覆中,內容是我乘君如不在博上位,但被自己人踢爆,百密一疏;瑪莉此時才醒起在網上是「無秘密」、「私人活動」也隨時有人會硬要加入,瑪莉內疚非常,佢今晚shut down埋個blog
一個私底下玩笑,被拿來作公開攻擊工具,瑪莉深深感到什麼人言可畏。
阮玲玉自殺,留下「人言可畏」四個字;軟硬當年戲言九鐵廣告有鬼,被人無限炒作,軟硬在電台上沒解釋,只說「人言可畏」,家下網上討論文化比傳媒胡亂炒作更放肆,傳媒還顧慮會被告,你可曾聽過有人上網胡亂批評或對某人某事出言不遜會收到律師信,怕咩講,講完就走,無需負責,一百個人同時鬧緊你,可以係同一個人,無限變身,變成無限人言,如果你信團結就是力量,咁人言就真係好可畏!無打算再研究網上批評討論文化,這些水過鴨背的BS,一覺醒來就另有新天地.,就當是訓練EQ的好方法!
瑪莉!如果咁樣唔開心,不是証明了人言可畏,是妳太削了!

18 comments:

瑪莉 said...

唔開心係內疚自己一時疏忽而傷害左你!除左對唔住都唔知可以講乜!

加飛 said...

唉, 叫佢下次小心d lo.
fans 呢D野可遇不可求既... 你知D人睇戲好少o會因為導演or編劇而入場.就好似睇av唔睇多男主角一樣.

不過, 我諗你都有人支持既, 起碼有你徒弟, 你屋企人, 你既朋友, 同埋我呢個路人甲.

加油呀! 希望"他她他"因為你越來越多人聽, 都希望有更多光大佬作品. Bye Bye

bone said...

海灘,你個人好有"心"!呢個世界越來越少o剌....加油!

bone said...

海灘,你寫o野好有"心",呢個世界越來越少這種人喇!加油!

娜娜子 said...

說是人言可畏倒不如向好的方向想想。

多人喜歡您了,就自然會惹人眼紅吧。

Beachie,你紅了!
遲d可能有Anti - Uncle Beach 架啦,咁樣你仲有NOISE呀!

其實唔洗成個Site shut down既,Xanga有Protected Post既Function 全部Set晒protected 得自己d friend睇到~街外人睇唔到~

灣仔聰 said...

海灘,好欣賞你既才華,若果有一日你有個fans係街撞到你,話想同你去飲杯野,做個朋友,你會點呀?

Anonymous said...

海灘...add oil ar...you have fans ga ^^ coz i think you have heart la...i am one of your fans le...support u ga!!!

你的聽眾 said...

我其實係去過你講嘅討論區, 都有睇過裡面嘅內容, 雖然你好嬲網上冇晒私人, 但我好多謝嗰個post, 因為我可以同自己晚晚都聽佢做節目嘅節目主持人溝通到, 我好開心呀~~ 我尋晚仲喺度諗你會唔會睇到我嘅留言...

老實講, 我真係因為呢個節目先認識你, 對於你所講嘅嘢, 雖然我係一個好平凡嘅人, 但都好明白, 對於「有邊個唔鐘意鄒海灘」呢個post, 我都有替你不值~~ 不過我知你唔會介意嘅~~

Mayim said...

人言可畏啊……
的確如是呢!
儘管明白那些只係“水過鴨背”,但要真正做到“看開”,完全唔care,真係好難!
其實不但公衆人物,每個人的生活裏面都縈繞住好多流言蜚語,當中主角或你或我!
照計大家都知道咩係“己所不慾勿施於人”,但現實卻係相反!
難道真係“物傷其類”?!有時會覺得,人這種動物真係醜陋!
於是,好多人會好似你咁講:“咁樣唔開心,是妳太削了!”
講得無錯!
不過,有時我會覺得,錯的明明唔係我,點解要反省反而係我呢?!抑或,咁樣諗會好過一D?!
這個世界真係……

布 said...

唔好話邊個帶挈邊個!
總之"她他她"缺一不可!
海灘,你要繼續努力呀!

Redcherry said...

海灘,
無限量支持你寫你自己的Blog. 真心講句, 未聽「她他她」之前, 我真係唔認識鄒凱光, 但係過去聽你做節目的6個月裡面, 我覺得你好有才華, 好有自己的style。完全同三姑無關。
現在你終於有一個機會去給你盡情表演, 你應該好好珍惜。
作為你的忠實fans, 我一定會用盡力去支持你!!!~ ^^
wow, 個晚你病o左無做節目, 嚇得我以為倫到你放產假tim Hehheeee ^^ 好彩你而家都番o左來!

玲玉 said...

估唔到人言可畏呢句o野講左o甘多年都係o甘o岩數!
估唔到網上個世界都係o甘,假情假意o既多,真係幾可畏架!
所以你個妹妹當係上左一堂寶貴的課o羅!你都係呀,靠把口搵食,得罪人多,稱呼人少!小心d好!…但我又鍾意聽你講d澤界d o既o野wor!嘻…

支持海灘!支持海灘個徒弟!

Anonymous said...

add oil la~~ I think u r great ga!! Don't be upset what other people said ar~~

宏 said...

uncle 灘 你有時講d野 真係好有 heart 架
我都學唔小野.... 其實唔好話帶挈...因為你真係得麻...其實你同三姑, 阿田都真係一個good combination.. 超好笑,, 有時講d
哲學野都好goood. 加油呀!! 我support你

EL said...

算啦,
咁其實你都唔係好差gei,
有人追聽你節目有咩咁出奇呢?
呢個世界有林海峰,有吳君如,有杜汶澤都可以有你ga,
A君的蜜糖,可以係B君的毒藥
你唔好以為商台傻啦,你地冇人吼,佢地會請你!?

雪倫 said...

海灘, 其實你未做"她他她"之前已聽過你個大名呢~
正因為你嚮節目提過有自己既blog, 所以出於好奇search黎睇睇~ 亦因為呢個post我亦有感而發~
我係讀computer science的, 所以對"玩" search engine略有認識,
有次試過search資料做功課, 但search到我一對男女同學既blog, 睇到d自己也難以相信既事 - 男同學曾喜歡我而冇表白 + 那女同學與呢位男同學一齊後發現佢曾鍾意我, 嚮blog講d蠻難聽既說話~
所以somehow internet已成為有些人存放秘密和公開攻擊人既工具, "若要人不知, 唔好0甘低b", 以後要小心d唔好擺私人blog上網啊~
希望海灘唔好因為人們嚮網上胡亂批評而唔開心~ 瑪莉亦唔好自責喇~

仲有, 海灘我撐你架, 你寫既野好impressive~
尤其睇到你寫過: "如果你問我做人為了什麼,我會答你是為了生存,或者你會覺得我灰,但生存的而且確是繼續做人的基本需要"
我亦問緊自己做人為了什麼....

lo b said...

無所謂啦~d人係鍾意你既就自然明...對於果d極度無聊冇話題講既人,你咪當俾d娛樂佢地,豪俾佢地啦...不竟,要講人地既野先叫有d"細藝"既人都幾悲

聽眾一名...我知道我睇你blog係關心

Apollo said...

you really like to use the word
"削".

i agree with you that at our age we should already trained up with high EQ. But maybe Mary is still too young.

anyway, you;re right that in certain extent you "gain" your fame by Sandra. but when i listen to your show every night, some time i do feel frustrate about her. For example, the night that the beauty cook, Shadow (if i remember correctly), explaining about the electronic weighing, she looks like an idiot....

amongst 3 of you each have different role. Sandra take the lead for laughing but i do find out the "depth" from you. and now i started to read your blog, i dig deeper and deeper into your "depth". i hope you would understand what i mean.