4.15.2006

傾城之戀


『一個炸彈跌落唻,炸死左你,我個故個故事就完;炸死我,你o既故仲有好多!』

軍車的斗上,萬天戰火下,流蘇倚范柳原,淡淡的說出了這番話
死對流蘇唻講未必係最慘,只要死o既時侯仲係范身邊就夠了,終於一場戰事,造就二人平淡的走在一起

這就是 『傾城之戀』

其實張愛玲o既書,我只看過「傾城之戀」、「金鎖記」(係傾書內另一故事)、「半生綠」
但對我影響最大的,只有傾城之戀
「我唔明白自己,但你要明白我!」
「你今日著得好似一個藥樽,妳就係醫我o既藥!」
當年我見到呢d對白,四圍拎去媾女 啦
「小姐!我唔知點解咁想攬妳,錫妳,但妳要知點解,唔好抗拒俾我攬下,錫下...」
「如果今晚妳唔同我同我去街,妳o既愛情故事就小一個,我就繼續仲好多...」
佢地唔似得流蘇咁垂住頭,等我可以好似范生咁同佢講「你o既特色就係鐘意垂頭!」佢地通常只會大大聲『死 x開啦!講乜春呀』
無人識得欣 賞我,無人覺得我係范生,講花心,我有絕對去到佢o既級數, 係佢地唔識貨
直到邵氏終於搵許鞍華拍傾城之戀,當見到周潤發演范生,繆騫人演流蘇,我心裡面再無出現過另一位柳生同流蘇,世上仲有人可以嗎?
( 講開流蘇,我真係唔多頂得順發家下「留鬚」,簡直偶像幻滅)
最近上演的舞台劇,梁家輝演范柳原,蘇玉華演流蘇,朋友說,現時的家輝演,真的老了點,但佢話蘇小姐ok喎
sorry!點ok,點好,都唔會好過繆騫人,呢個係人氣質問題
至於柳生,除了當年的發哥外,家下有邊個可以演!?
(佢連花柳原都演埋《精裝追女仔》
我 發過一個惡夢,周杰倫同張柏芝做傾城之戀,我訓醒抹走d冷汗,
想起N年前 CR2搞過廣播劇叫0作
「傾唔成之戀」
岩晒!

3 comments:

蟲蟲 said...

仲以為香港冇炸彈,點知早排深水埗地底下先發現有好多!最近漏煤氣都可以炸到O甘恐怖!仲有零三年的沙士...
范柳原歎道:「這一炸,炸斷了多少故事的尾巴!」
沙士不知道令幾多故事斷左尾!...
所以原來每一笪地方都有傾城之戀!每一個人都可以係范柳原同白流蘇,深水埗O既范柳原覺得佢女友係白流蘇就得!氣質O既O野因人而異O既!

Anonymous said...

贊成

Apollo said...

I haven't really read these books, but i think i watched this film when i was young. At that age, you won't really understand but i think now i can. maybe next time when i come back to HK I will try to find this VCD and watch again to enjoy - enjoy the movie and at the same time enjoy my life.......