11.18.2006

盧威




盧威曾經出現,但從來沒有存在過....

清廚年輕時唯一的改變,就是結識了葉楣,赤貧小情人,拍拖節目,只有撘幾銀巴士,到偏遠的沙灘漫步,賞月。

星空下,情意綿綿,二人的初吻,在海浪與晚風掩護下,暗渡陳倉...

盧威就在這一吻後出現過...

「我地會唔會有將來?」

年少的清廚為求再多一吻,答得爽快直接

「我追妳係為左我地將來!」

葉楣全身被這句話溶化,兩唇淹沒於稀疏的汗毛中,無法自拔,像化身為電視劇女主角般,鄭裕玲被周潤發吻得死活來.....這個時侯,劇情一定是這樣發展,dodo把發哥推開,然後要發哥海誓山盟....

「我地會生幾多個?」

「幾多個都得架..」
清廚敷衍了事,忙把葉楣的唇再帶進汗毛森林中,但一如電視劇橋段,葉楣用手頂著清廚胸口

「答我一個問題先.咩呀.....生仔叫咩名?」

「生仔?!盧威!」

「盧威~~好好聽呀!」

葉楣開心得腎上線急昇,抱住清廚熱吻....

盧威的身份是過客,但比過客更無地位,更無身份,但清廚可曾記起,對於兒女,你是盧威,如果清廚記性好些,他的故事又會是怎樣呢?

8 comments:

Anonymous said...

哈哈哈!

Anonymous said...

哈哈,好得!呢幾個故事好得! :)
除咗聽你講嘢,我都鍾意睇你寫嘢唔係淨係睇你寫O既卜,都鍾意睇你寫响電影到O既故事!

Anonymous said...

亞爺叫no problem丫不如
盧普彬

Anonymous said...

no way都出埋?!

Cathy said...

生命中的另一個過客,
譚桃清(Time to change)

只可惜這個過客畢竟只是一個過客,
遇上盧清廚只會成為"盧譚桃清"(No time to change)

Anonymous said...

灘叔,你正經起上黎,其實都好型

JONO said...

灘爺﹐正呀﹐原創故事﹐你係呢到試下反應再出書丫定點架。請問﹗

係呀﹐忽然奇想﹐我覺得你外型好SALES格呀﹐好似我以前D同事禁款﹐不過你以前都真係一個SALES﹐不過係SELL橋比D老細。所以如果你可以同JIM SIR分別飾演兩組人既SALES阿頭﹐做百貨公司鬥黎鬥去。然後搞出一D笑料﹐應該唔錯。

總好過D戲套套都講D主角做廣告﹐保險﹐出版社﹐設計師啦﹐做過太多次喇。現實生活唔係禁多人做呢D職業架遮。

撐你呀灘爺。

Anonymous said...

盧威的角色好有莊周夢蝶feel。
剎那間的生命,好比短暫的人生相對浩瀚無盡的宇宙。
好宿命論。