11.29.2006

看七哥...




我一直相信人類是被另一群更高智慧的生物操縱,是【天父】、【上帝】、【神】、【佛】、【魔】、【外星人】 ? 我會統稱為【編劇】

人生有很多經歷都是莫明奇妙,點解會遇上他/她,緣份是編劇安排的,點解會有如此遭遇,巧合是編劇安排的...每次我看見新聞,有些人離奇死亡,就知道替那死者寫劇本的編劇水準極差,無法好好完結他們的故事,唯有草草收筆,Sigh~~!

七哥每日的奇怪遭遇,例如醒過來不知身處何歷,正想尋找真相,又發現其實邊度都無去過,一直在原位;又或者牠每天遇上奇怪難明的遭遇、錯折,全都是我這位編劇手筆。

做人做龜都一樣,劇本要你有路就向前,跟足劇本去演,這是本份,至於你部劇好不好看,成不成功,關鍵在於導演與編劇的發揮,當然如果你演得出色,可以感動到他們,願意為你加戲,令你遇上不同人物與遭遇,把你的角色增值,提昇....你演的一定是場人生好戲!

9 comments:

Pessimist said...

非常認同~

Christie said...

Mmm﹐ 不太認同做人要跟一個既定劇本。
這樣似乎太被動了。

現實係﹐ 在好多關口﹐ 抉擇是自己做的﹐
所以隨後而來的機遇﹐ 可以話係“自作自受”。

做戲﹐ 如果自己做決定﹐ 擅自改劇本﹐
可能會俾拍檔﹐ 導演鬧吧。

喱* said...

好明顯7哥既遭遇係出自unkle beach既手畢既...成隻手都影左出黎...

不過我唸unkle beach你見到7哥掙扎到咬牙切齒,青根都標晒出黎個樣...唔會幫佢寫個好爛既故事既...

但小心...有意外lei會事
可能,有時連'編劇'都未必控制or預計得到... :p

qt芝士 said...

總覺得人生是「整定」。

屬於你的, 不主動爭取也會自動埋身 ; 不屬你的, 如何努力爭取也是心機白費。

區別在於, 有付出過, 心理上有安慰 ; 守株待兔, 一面守, 會一面自責無能。

賀少 said...

講得岩
人生既劇本千變萬化
每做1個決定 就影響下一筆
就好似畫鬼腳一樣!!
既然個天要你演出
就要接受
當你未出世時
上天已經幫你安排好角色 對白 劇本
爸爸媽媽誰來演 又或者有冇兄弟姐妹
正所謂劇本都黎左,唔撈咪等死囉
不過呢個世界上
有好多人都無靈魂地演自己的角色

joey said...

我好鍾意龜架~但成日都養死佢~
我覺得你她勁呀~
可以養(7哥)~
可唔可以教我點養呀~

ash said...

我覺得

人生裡的種種挫折 , 機遇 , 遇到的人 , 事 , 甚至乎意外

其實都是編劇的刻意安排

因此事情是好或壞
也只能用編劇自已的尺去量度

Anonymous said...

灘叔,我卒之鼓起勇氣打 comment... 我叫阿七,d fds 真係咁叫我,估唔到同你隻龜撞名。。。祝佢添福添壽啦。
七哥被「編」,但亦有自主權。
迷惘的只因自己太信命,亦因自己不信命。
希望我不會七下七下地過。。。

Emilie said...

Matt,

Your turtle is really cute, he is so natural with the poses. I don't really understand all the posting in chinese but the picture itself had captured my attention already. Well done and lets take more turt pictures when possible.

Emilie