11.17.2006

盧摩亞



摩亞跟父親清廚感情很淡,並不是摩亞不孝順,而是父親永遠跟他談話,總是一句起,兩句止,摩亞講多半句,父親便會直斥其名字「盧摩亞!」

母親對摩亞的關心,來自她跟本不想放任何時間落父親身上,十七歲生日的晚上,摩亞在大嶼山,將第一次給了隔離班的麥淑芬,劇情有點像房祖名,薛凱琪在早熟那一幕。

那一晚,摩亞決定要改變自己,發誓不會重滔父親覆徹,不要做 盧清廚 !

摩亞一覺醒來,淑芬告之有了身孕,劇情跟早熟一模一樣,但二人沒決定要把生命留下,籌夠錢,往醫院的途中,摩亞與淑芬吹水 「我覺得係女黎」 「係女叫咩名丫?」 「一人一個字丫」 「摩亞個亞字」 「我梗係用個芬字啦!「咁叫阿芬啦!」 「單字一個芬,我地叫就叫佢阿芬!」

十個月之後,家裡面多了一位成員,我個妹,父親替她改了一個名字「盧芬」,但一直沒有叫過阿芬,
我只叫她阿妹,但有時我真懷疑阿芬是我個妹定我個女!

十八歲後,我終於可以搬出去住,之後我就晚晚飲酒,帶女帶仔返屋企,金融投資實在太易搵到好多錢,摩亞不但可以夜夜笙歌,更可以養育全家!

摩亞買了一個千多呎的單位給父母,籍此與父親傾過最長的一段對話 「你退休就嘆下世界,同媽咪鍾意去邊就去邊,錢問我!」 父親望著摩亞,良久不語,木無表情,深吸呼後,終於開腔 「講個秘密你知.....我唔鍾意你媽咪!」 摩亞沒半點驚訝 「我知好耐.....做咩要講出黎」

摩亞發現父親退休後,節目比後生仔還要多,相反母親仍然留在家中發呆;有一次,摩亞在父親的電話單內,發現一個父親經常打給某個電話號碼,號碼陌生,聽筒傳來女子的聲音更陌生,但她是什麼角色,心照不宣

摩亞二十八歲某天,「你出面係咪有女人?!」 父親想了很久,問了摩亞 一條問題「你可以永遠照顧阿媽嘛?」 摩亞深呼吸點頭,摩亞看著父親轉身離去,臨行前問他「你可唔可同阿媽講聲」
父親沒有回答摩亞,最後母親亦都以「突然唔見左個老公」作為對外間,父親離去的回覆

父親死之前,摩亞曾主動約他出來飲茶,還誠邀父親的女友一起出來,但是終還是父親一人出來,多年沒見,父親依然改變不大,不苟言笑,難得依然感覺年輕,這就是摩亞對父親最後一個的印象!

摩亞以為母親與妹妹不肯出席父親葬禮,想不到二人一手一腳籌劃整件事,一絲不苟,親人是上天安排 就算沒有了感情,親人應盡的責任,亦仍然會履行!
葬禮前,摩亞收到父親女友的來電,第二次聽她的聲音,竟然有一份親切感
「我可以黎葬禮嗎?」

摩亞覺得是可以的,但尊重下,仍然要問母親的意見,母親不加思索 「可以!」 三小時後母親再跟我說「你同佢講,佢可以企埋過黎家屬謝禮果邊」

原來事情可以如此簡單,靈堂上,父親的女友介紹自己為「陳小姐」,離去時,摩亞送陳小姐去撘車,陳小姐把她與清廚最後拍的一輯相給摩亞看......

父親的離去,葬禮上,摩亞沒流過半滴眼淚,但看著這輯相,摩亞哭成淚人....這二十八年來,摩亞見過父親最開心的時刻,就是在這輯相內,摩亞驀然發現,原來父親從前在家是多麼難受,是誰負了誰? 重要嗎?
重要的是摩亞知道父親死之前,終於可以改變到,終於都有開心過!

葬禮後,摩亞決定要學今親 清廚 ,改變自己人生

11 comments:

Anonymous said...

an interesting story :)

Joanne Wu said...

連戴故事?
加一個角色:盧威

no more no fun no way

Anonymous said...

睇到呢段我有點胡塗起來....
摩亞一覺醒來,淑芬告之有了身孕,劇情跟早熟一模一樣,但二人沒決定要把生命留下,籌夠錢,往醫院的途中,摩亞與淑芬吹水 「我覺得係女黎」 「係女叫咩名丫?」 「一人一個字丫」 「摩亞個亞字」 「我梗係用個芬字啦!「咁叫阿芬啦!」 「單字一個芬,我地叫就叫佢阿芬!」

十個月之後,家裡面多了一位成員,我個妹,父親替她改了一個名字「盧芬」,但一直沒有叫過阿芬,
我只叫她阿妹,但有時我真懷疑阿芬是我個妹定我個女!

到底點解佢唔諗住生,但又改名,點解又會覺得個妹係佢個女@@?

Anonymous said...

海灘
我有好大感受,因已發生在我身上,幸運是父親仍健康快樂地活著.
記得當時知道他要離開這家庭時,我只有22歲,第一反應是喊!到現在還記得他當時在門口對住我喊o個樣.(原來見到家人係自己面前喊係好傷心..)
而我媽係一個好硬正的家庭主婦,她用o左7日時間去傷心,然後用二年時間去面對事實,再用以後日子享受她的主婦人生(到現在她比我還要忙及開心).
其實我並不恨我爸,因為我深信當感情走了就要完結,不論當時人年齡是多少,所以我同好友說:竟然我爸認為自己找到幸福,作為仔女何必在...唉!只能說三角關係,一定要有人退出,只是退出的人是她. 所以我媽就決斷地作出了結啦!
唔好意思!寫o左咁長.

Anonymous said...

摩亞哭會唔會都有因為母親? 父親最後都搵得返自己既快樂, 但係母親將成世人的青春幸福心血都俾左個屋企, 對佢黎講佢既人生都係no fun, 但係佢無嘈嘈吵吵, 好偉大. 會唔會考慮安排佢遇到個男朋友?


好睇 *clap clap* 快d出書啦你~ 我到時一定幫襯 ^o^

bratrice said...

好像是黎堅惠說的,太多人自小立志,「我不要跟我我父母一樣!」,十多年後,才會知道,要不是過猶不及,就是原來一模一樣。其實時代進步,但每個人成長要面對的問題都差不多吧。

我喜歡這篇小說。或是半自傳。

Anonymous said...

終於睇完個故事,睇完一個人的一生。
留下一個反思的空間俾我。
對於我這類平凡人來嚟講,盧清廚已是一生會
走的路。或者性格使然,清廚真係要付出好大的勇氣。
不甘心的人看會覺得我太安於現狀、無大志。
但我只想喺我能力範圍內去作出清廚。
可能我前世修的業,令我今世可以不用大上大落,平穩過一生。

Anonymous said...

同我諗既野一樣
個老豆係想一個人飛走
離開個家
養到個28歲先走
真係什麼責任都做好哂
明明已經唔鐘意個老婆
但都仲係顧住頭家

Anonymous said...

仲有冇續集架?

Anonymous said...

28歲那年剛同我好友去完旅行,過關後佢話唔想咁早返屋企,我地喺機場搵左間餐廳坐,佢第一句就話佢老豆走左,正正同"盧清廚"一樣(不過未死),我當堂"o"咀,唔知可以講d咩,只係暗地裡好佩服我呢個好友,成個旅程冇任何異像,返黎先訴說她的苦況,我只覺得點解d人咁不負責任,唔鍾意就唔好一齊la,仔大女大攪d咁嘅嘢,呢d所謂"養育之恩"真係"忽喬蘇o麥"

Anonymous said...

你個故仔令我想推薦一套電影給大家睇
〔男人四十〕