11.05.2006

納悶的 野 日 歐慈



為左遷就「冬季嘉年華」,今年的wild day out提早個多月舉行,由於天氣未夠凍,四周又沒有聖旦燈飾包圍,觀眾又比往年小,氣氛絕不對不及以往幾年!

不過似乎想改善都無機會,塊地批左,今年應該真係最後一次。再証明見好即收的道理,梗硬再搞,個尾通常都都會『爛』



我為左睇三個人,第一個,Kay tse,但對不起,因交通問題,到場時已剛剛唱完,原本話有part阿kay、關淑怡、范曉宣同台互jam,後來不知什麼原因下取消,可惜!錯過左就未必有下次。

第二個係睇張繼聰,論才華,唱得、彈得、寫得、作得、演得、講得.....就係因為外型爭d,呢個世界,靚仔係比平庸的人懶,但成功機會率遠遠比平庸人高,不過一日未蓋棺,比賽未完,最後勝利未必一定係屬於靚仔一族。



努力呀!仲有好多個回合!


由細到大都頂唔順boy band,但我頂唔順東西通常就會紅,所以我一生都頂唔順自己,可惜呢個原來係真相....boy band幾合一體,執到佢油頭粉面,行出黎擺下PO,跳下舞,打下側手翻,搵一輪錢,分拆個人發展,然後好多年之後復合再出,所以歷史話左我地知,呢門生意好好做,不過始終做唔到我生意!

近年d韓國、台灣boy band真係把鬼,個個MK 古惑仔咁款,偏偏就大紅,其實由劉華天若有情開始,到伊健、小春做浩南、山雞大收,當中已經有無數電影証實左「古惑仔feel」一向有市場,你覺得cheap,不知幾多人愛到要生要死,我都係要生要死,真,每次不幸睇到佢地演出,如果閂唔切電視,走唔切,我真係會跪地抑天長叫「俾我死左去好過啦~~」

如果有隊boy band可以叫「5566」、咁不如叫「9527」、「1697」啦!

呢隊飛輪海一出場,我已經想跑過去對面金鐘廊避一避,走唔切,見到一班leung爆鄉下仔側身擺PO,微微眼,霎熟狗頭咁樣,伸出左手同歌迷say HI,可能飲得啤酒多,我真係衝左入廁所嘔!

嘔完出黎,表演未完,但就轉左形式,由有型變成搞笑,現場表演唱歌跳線,大型戶外show第一次見,睇show咁多年未見過,跟住佢地話check check 音樂有咩問題,唔駛check啦,係得一個問題,咪就係你幾件粉蛋羅!仲要清唱當還番俾觀眾,你走啦!

我想過入後台睇下佢地會唔會大發雷霆,但不竟一個剛嘔完的人,身體真係幾虛,唔想再反胃又嘔!


你地無錯,係大氣侯供求所需,繼續跳舞,繼續跳線~~!








我入黎其實最主要係為左睇佢!謝謝妳,小宣身體力行,以重型搖滾樂加簡單歌詞,高超的歌技,配合的造型,提醒大家我地係睇緊「Rock Show」,好正!









見佢重新玩過「失敗的男人」,由可愛light jazz,變成高壓式搖滾,仍然可以 繼續玩聲,小宣,妳是屬於音樂的,妳是DIVA`~!
其他的演出,如果唔係當睇ROCK SHOW,其實係可以,不過作為香港主場,壓軸次次係外來歌手,真係有D黯然,不過如果今年係最後一次,呢個歷史無得改變了!

95 comments:

Anonymous said...

",其實由劉華天若有情開始"

dear beach, this is so true! this led to aaron kwok selling everything on HIS bike. very heavy brain-washing that i still remember:P

i don't mind idol groups that CAN sing. candies, peanuts:P

Anonymous said...

其實好多台灣artists比間經理人公司mould佢地出黎ge...佢地要紅...就要俾人mould架啦...
慘得在有人吼咁解...等如同你講「我咁樣都紅wor...你吹乒乓咩=3=」

anyway....大家需要唔同..正如時下小妹妹唔明點解你唔鍾意姐...

Anonymous said...

unkle beach,

你形容boy band個part真係好好笑..

其實除左台灣, 而家好多HK年青的歌手都唔識唱歌, 佢地都係靠個樣紅。名就唔點喇, 費時話邊個....總之, 自從d有實力的歌手, 死的死, 結婚的結婚去, 走的走...識唱的, 通常樣都唔係好偶像派, 公司唔會花錢去力捧。淨番d有d樣不過唔識唱的人, 真係唔知仲有咩人識唱歌。


呢個樂壇, 得一個字----灰!

Anonymous said...

There is not "Star" in this generation anymore. The standard of being a idiot..sorry "idol" is very low. Lets say compare "SMAP" to 飛輪海. I don't think any company would sign these MK people looking guys 10 years ago. For girls, the best representative is 蔡依林. She just has a fake tits and a "Sex Doll's" month. Singing very bad!

契丹人

Anonymous said...

e..從d相睇黎我同你企個位差唔多咋wor

唉..我仲以為成場得我同我幾個friend想佢地幾個快d走
當全場都睇佢地幾條友睇到都鬼咁high既時候..我地就暗暗地想佢地快d走
[大聲d都驚比側面d o靚妹打]
不停咁希望佢地走左下個係范曉萱..

kay佢唱左2首個咋都係..仲要係起英師傅果part出黎..我都以為佢之後會再出嫁..點知冇..冇埋jam歌果part真係好可惜!

我黎最想睇係kay.louis.盧巧音同范曉萱
點知kay同candy都係唱左2/3首就走
好唔夠喉

Anonymous said...

一日有人支持, 一日佢都有市場價值呀灘叔... 我冇特別抗拒 boy band, 亦都唔係有邊隊特別鍾意... 但佢地的確好賣嘛... 要尊重人地揀 o既野唷! (不過佢地係 wild day out 出現又係幾錯 o既)

我都好鍾意張繼 lone 呀... 覺得佢好叻, 好似乜野都識咁. 好難搵到一個咁全面 o既藝人. 唔明佢點解好似紅唔起咁... 好戥佢覺得唔抵..

kay 我都睇好佢呢! 我覺得佢一定會紅到去天后級位置.

小萱就真係唔駛講啦.... 無論佢以乜野形象出黎, 甚至乎當時o既小魔女形象, 我都係鍾意... 是 perfect 的.

Anonymous said...

哈哈哈哈哈~~~~睇返相d位置.....琴日我地應該幾近架喎......

不過真係好悶.....點解唔睇埋陶吉吉先走呀 ????

Anonymous said...

請鄒凱光先生,了解多D 5566個名係咩意思,先話人!!!我冇惡意...只係唔想自己個偶像無lala俾人話,重有5566唔係靠樣紅!!佢地係靠努力,先有咁的成績,最後我非常欣賞鄒凱光先生是個直言的人。

Anonymous said...

其實你講的東西我都有1點認同。
我不太喜歡飛輪海,我也不知道為甚麼他們會紅…
他們唱歌又不是特別好,樣子又不見得是帥…

但我覺得你有點偏激…不好意思…
可能是你1直都不喜歡boy band的關係吧~
我想你不是有意這樣說5566,
可能你不清楚他們名字的由來,
其實是有意思的啦,並不是隨便亂取的。
我暫時不多談,如果你想知道,我可以下次告訴你~ ^^
我想你可以花多1點時間去了解5566,
到時你應該會對他們有新的認識~
他們每個人都經過過很艱苦的時間,
不論是組團前或是組團後。
boy band也有值得你欣賞的地方的~
不過當然你不接受我也沒辦法啦,
我只希望你可以嘗試去了解,
可能你會有不1樣的看法~
希望你不要怪我說那麼多吧~ hee~ ^^

Anonymous said...

不同年代有不同的市場,demand & supply啫。
想當年都有依家睇番好娘的小虎隊啦,嗰時少女的我都幾鍾意孫明光呀。
我覺得咁多年來最正最有實力的男子組始終係草蜢。又係燦爛的八十年代!

Anonymous said...

你形容飛輪海形容得好好!!感謝!!=]
但係點解你企咁後既??*w*

Anonymous said...

咦...灘叔你有睇wild day out呀,
有無睇Kolor呀,香港band黎架,正架
嗱嗱嗱,你有睇到張繼聰實有睇到Kolor架喎,呢關淑怡前一隊呀,ok架佢地

不過話時話,香港真係有隊地下band叫"9527"架

你無入後台睇人地有無大發雷霆唔緊要,
我你話聽我係後面既所見所聞"佢地"出場前"有人"指住張海報鬧到"佢地"7個1皮.完全當佢地透明,好好笑仲要距離唔遠喎

栗子 said...

希望下年仲有得睇啦 ~~ 咁我先有機會睇 ~~
好想感受一次 wild day out 呀 ~~

其實每人都有自己喜好既 ~~
我都麻麻地鍾意 boyband ~~
尤其係只係得個樣果d ~~

Anonymous said...

女仔醜樣少少就會俾人話
男仔好樣少少都會俾人話

Anonymous said...

mk有市場?.......
其實伊健真係mk先祖
因為佢做型,本來就係古惑仔
之後仲要做到大佬
令現職古惑仔既人,更加鐘意呢個做型
因為係發夢都想做大佬
傳下傳下,就覺得咁叫型.....
髮型....顏色....手勢...小動作
裝飾品.....嘔....
但偏偏有女仔覺得呢d正
做人真係好矛盾
溫柔得體有學識既女仔.配事業有成 努力向上既男士
而出黎玩的wet妹,有前有後"即晚玩得"
但就鐘意群埋d古惑仔......
攪到中間平庸果d.都唔知做咩好....
高不成,低不就......
係電台上說話ok
估唔到返到屋企,都會有踩人既時候bor
呵呵呵~~~~~
年年都有小萱架啦,但唔細啦真係
年年宣傳片,都仲係用返幾年前最紅果陣
果陣真係猛人一班係到,成班人係台下尖叫狂呼 搖搖,年年睇宣傳片
都仲係用幾年前最紅果段,真係不禁覺得
一年不如一年

Anonymous said...

我都有睇wild day out呀~~飛輪海o個度跳線真係噓到爆....
其實成個show都麻麻地....企到腳仔軟

Anonymous said...

台灣有最廢o既Boy Band/偶像,衣著打扮唱歌無樣得,不過如你所說,市場需求,就係有人受.妹妹仔鐘意偶像某情度上同麻甩佬鐘意AV一樣,有幻想嘛.
不過台灣亦有唱作兼佳o既歌手,有足夠o既市場比佢地focus o係唱歌度,唔洗搞埋d奇奇怪怪野.
即係,人地台灣市場起碼可以容納both high-end and low-end o既歌手,香港呢?已經好耐無聽HK o既歌,歌手爛不特止,歌曲製作更爛,聽到打冷顫.當然亦有d有heart有實力o既新晉歌手啦,不過亦如你所說,無樣,唔紅,個市場仍然比d爛歌爛人dominate..唉....

Anonymous said...

COFFEECAT:
其實又未至於灰
我覺得近年樂壇真係好過之前架喇
而家D人開始識用耳仔聽歌
KAY、王菀之都唔少人鍾意
張繼聰我都覺得好唔錯
係D曲式太類似喇~~
我覺得可以試下D唔同類型既野

Anonymous said...

Dear Bro Uncle (you’re not much older than I am, better call you Bro),

I come here for quite some time. 1st time to leave a message, coz really have to express myself about the wild day out.

1st year at it with my friend. We arrived just in time for Kay. She was good. But she only sang 2-3 songs. All the singers we wanted to hear only sang 2-3 songs, like Kay, Louis, Candy, etc. Luckily, Taya, Mavis, FIR and David were there.

The most disappointing thing was (well, apart from boy band MMO but the tape跳線), some 80-90s singer was not professional at all. She didn’t memorize the lyrics of her own songs; she missed the entries of songs; and she claimed that having mistakes were some “specialties” one could only see in live shows. OMG! Come on~ I believe the above mentioned should be a singer’s responsibility. 有實力,也要努力。Her behaviour was harsh on the musicians who played for her; the singer who came after her and the audience.

Anonymous said...

海滩,你对张继聪的评价讲得好对!周5听到你的节目,张继聪讲的故事,真是好感人啊,听到我喊!!虽然故事是有点遗憾,但是正是这点遗憾,使故事变得感人!!张继聪,加油啊!!!

Anonymous said...

小虎隊!! haha the death of me...

nothing you can do about it. teenage hormones make the capitalist world go around...

Anonymous said...

如果有隊boy band可以叫「5566」、咁不如叫「9527」、「1697」啦!

呢句真係笑爆嘴囉...XD

Anonymous said...

According to wikipedia, "5566的歌迷層主要集中在國中與小學生".灘叔, I think there are quite a lot of teenager and children read your blog.

Taiwanese R&B boy band, Tension, none of them look good. But they have "實力".

契丹人

Anonymous said...

So sorry this happened to you, 重記得你舊年响節目話好正好好玩...

Anonymous said...

「陳浩南」同「細細粒」先係MK既鼻祖
鄭伊健做其他角色都唔MK。
AnGela*

Anonymous said...

其實9527點解?

Anonymous said...

-唔係導彈女-
SORRY,都係崇洋累事,
亞灘提到呢幾對band,實情冇聽過,
定係我眼中,band只有1隊,
無錯係jamiroquai,
出單曲+精選,一定要買.

Anonymous said...

9527 is stephen chow's slave number in one of his movies, "tong bark fu"

Anonymous said...

好嬲呀,噚晚好地地打咗襟文比你,竟然個網有問題,完全留唔到囉!

其實我都好鍾意小萱架,佢唔係單憑外表得,佢真係有才華架!記得幾年前睇佢個人演唱會之後更加鍾意佢 :D 真係羡慕你又可以去睇Wilday Out - 雖然你講過入商台都係貪呢啲..哈哈..不過其實我都叫做响商台受過training一小段時間,無可否認又真係幾好吖:D

拜杜喴,我諗你都咪揾"借"口話啲蛋散表演而影響到你喇,可能啤酒已經都係唔啱你飲(i assume Wilday Out mainly sold"生列",如果唔係點會飲到嘔呢..都係飲番你個石上的乾馬天尼...話時話我都好似未飲過石上的乾馬天尼因為如果成班朋友去玩,我有時會飲淨威士忌,如果唔係飲single malt或者係靚的話就加幾滴水等味道smooth d,我以前都試過响屋企學溝vodka lime但係硬係都係唔夠Bars嗰啲溝得好...anyway...bye for now

Anonymous said...

我想你可能不太了解飛輪海,飛輪海的唱功未必比上其他歌手,但請你不要否定他們對音樂的熱愛,他們也十分努力,你知道數年前汪東城的爸爸過身後,他雖然要日夜工作維持他和媽媽的生計,但他也沒有放棄過音樂,他前後被唱片公司放棄過幾次,他也默默等待,繼續做一些設計工作,好好珍惜工作的機會,即使他從前拍廣告的收入比出唱片還要多,他還是堅持他音樂理想,即使是帥哥也可以愛音樂的,他們的才華可能比別人小,當晚的表現也可能使你失望了,但是你也知道有時是否唱現場是唱片公司決定的,他們也已經清唱一次(可能你認為他們唱得不好,便不應該再唱)來補償觀眾了,所以請你不要侮辱他們為”粉蛋”,對不起,留言有點長,如果你看了的話,我很感謝你,希望你願意先多留意一隊boy band,再去評論,再次謝謝你看了這篇留言

Anonymous said...

「韓國、台灣boy band真係把鬼,個個MK 古惑仔咁款,偏偏就大紅...」
+
「粉蛋...」
=
YEAH!!
灘叔講boy band講中哂我心聲!! X]

Anonymous said...

我也不大喜歡那些boyband.
你完全說中了我的心聲.
令人嘆息的是我身邊仍有不少朋友同學.
喜歡什麼 飛輪海 5566 東方神起 等.
(淨係聽到個名都"裸"我命!)
本人身為女孩子.
也不明白她們的心理.
真係好"鄧"有實力的男歌手唔抵!

Cathy said...

HK singers are having the same pattern & HK music are having the similar rhythm, music from other countries have much more variety, dun like HK music so much =(

Anonymous said...

為甚麼你們覺得boy band是不好的呢?
我自問是1個奇怪的人,
很難去喜歡1個偶像,特別是團體。
以前的我喜歡的偶像,都是隨波逐流,
所以時間並不長久。
在香港,我已經沒有喜歡的幕前偶像,
只喜歡1位幕後的創作人,已經喜歡他差不多7年了;
但欣賞還是有的。
直至我暑假的時候開始接觸台灣的電視節目,
認識了台灣的藝人,慢慢就喜歡上5566。
我對於自己喜歡幕前的藝人已經感到奇怪,
還是喜歡上團體,有點不敢相信…
當然,在團體之中1定會有某1個人你是特別喜歡,
我也不例外;
但儘管如此,我也喜歡整個5566。
從他們出道不被看好﹑1直被罵,
他們都沒有氣餒,反之把自己的工作做得更好,
這個精神是值得我們欣賞的。
可能你們會覺得他們紅得莫名其妙,
但如果他們不努力的話,不能到現在也紅。
當然,他們可以紅除了是他們本身的努力跟實力之外,
也要有天時﹑地利﹑人和的配合。
演藝圈本來就是需要這幾方面的幫助,
不論你有沒有實力。
沒實力卻有好的時機配合也能紅,
相反有實力卻得不到天時﹑地利﹑人和的幫助,想紅也難,
這個情況在香港常常看得到。
我說了那麼多,只是希望不喜歡boy band的人,
可以先去了解1下,不要完全不知道他們的事就說他們不好。
我知道每1個人都會有人喜歡,有人不喜歡,
但如果只是因為你不喜歡boy band就抹殺他人的努力,
那很不公平。
我想說就暫時是這麼多,
如果不喜歡我說的話,看了就算吧~ ^^

Anonymous said...

hi~~

like others...i was attracted by the 5566 comments..that's why im here.

well...
i seriously think that you should look deeper into 5566, in order to GENERALIZE YOUR IDEA OF IDOL GROUP. personally, i believe that the management company, Jungiery, is different than others. Their artists are really really well trained. for example, they have "competitions" every month, trying to improve their acting, singing, hosting skills. Though i don't know much about Farenheit, and i can't say much about their singing... i STRONGLY encourage you to go on YOUTUBE and search 5566, j-stars, WQYL, etc. from those shows, you might have a deeper understanding of Jungiery stars (which apparently, they have SO many groups, like 183 club..you probably have heard of it?!) you will see their EFFORT to entertain their audience and their DETERMINATION to do well in their entertainment circle!! so, enough said, please please please give it a try...and don't disregard all the boybands just simply cuz of merely one or two groups! OH, BY THE WAY, taiwan artists gives me a feel that they have more talent than hong kong singers, as much as i don't want to admit (cuz i am truly a "hongkongnese". hehe.

PS. i wonder if you really read what i wrote, especially its all in english. =.=

Anonymous said...

其實我好喜歡5566哦...你不要這樣嗎....
他們有他們的好....我都喜歡劉德華哦...
他們其實好努力的哦....飛輪海只是剛剛出道....不要找5566和他們俾呀....
[霎熟狗頭]??不要這樣說吧...
看到自己的fans...他們開心嗎....
剛出道...就是這樣吧....不過我只是路過...{吹吹水}而已...哈~

Anonymous said...

我只想講! 同感! 而我比你更注重一點!
我會叫嗰啲仔仔做 "BOY GROUP"
"BAND"在我心中是比較 "神聖" 的!

Anonymous said...

我係個無當wild day out 係band show 而又第一次去睇o既觀眾,覺得唔錯。其實只要全場都感染到氣氛,已經足夠,唔係咩?

好失望阿kay只係英師傅o既嘉賓上o既嘉賓同埋佢無同張繼聰同台演出,但佢真係唱得好好。
張繼聰我諗都算係入夜之後第一個高潮位。灘叔你同唔同意。

此外...見到o個隊飛輪海...都真係令我啞口無言...
仲有...或者我比較年青...本身對八九十年代歌手無咁溺愛,頂唔住 關淑怡o個種氣焰,甚至係反感。

未知你o既意見係點

Anonymous said...

其實我覺得飛輪海幾好,無你講到甘差囉。
甘依家香港容衲到+majority 都係依d你所謂既’boy band’ 啦,你吹咩?183,飛輪海,f4,sun boyz,個通通都係啦。唔通你話佢個個都係粉蛋啦喎。何況我覺得飛輪海好other ’boy band" 好多囉。at least 佢有實力。
我都有去睇wildayout,佢既performace atleast 好過 關淑怡囉我覺得。關淑怡係到扮大牌,d人已經叫佢收聲,佢唱’明年今日’ last 個句,全世界都o益’再見!!BYE BYE!!"我唔信你get唔到我講咩囉。
何今次wildayout 都係focus係飛輪海,全 世界一半人都係去睇佢啦。就算佢d 歌有幾難聽,仍然有甘多人支持佢,你吹咩。
我覺得你唔應該甘武斷就話佢係粉蛋囉。你甘叻話其他人係粉蛋,你自己整隊你所謂既"boy band"出哩睇下呀。你自己未做到既野,你唔應該去話其他人囉。何粉蛋依個詞都帶有侮辱性,試下我甘樣話你係粉蛋丫,睇你點。就算你唔要面,我都要面。
甘樣話人完全係丟自己既面子。好羞家。

Anonymous said...

blog是一個寫自己感受的地方...
冇錯丫..!
但係單憑人地第一次ge表演你就咁講..
仲要係講埋曬d咩"去嘔"~"粉蛋"呢d咁
有"意思"ge字,好似過火左小小..!!
做你幕後ge真係唔同d!!!!
寫ge野都可以咁meaningful!!
但係你忘記了尊重2個字"!!
每個人都會有佢鐘意ge偶像~*

Anonymous said...

粉蛋呢個名唔可以亂咁講!!!
人地都只係黎呢到演出者!!!
可能你唔太認識佢地同了解佢地!!!
清唱已經係好好架喇!!
你話人之前諗下自己喇!!
我好想問你一句!!
唔通你又覺得香港既歌手真係好好咩!!
我自己都唔覺得喇!!!
飛輪海都係第一次黎香港!!
你咁樣有損自己既外形象咋!!

Anonymous said...

我想說的是~你就算不喜歡飛輪海or其他男子組合~你都不應該用這些難聽的說話去說他們~
你又不是他們本人,你又知人地沒有俾心機去做音樂~

Anonymous said...

我想講你真係有點過份遍激囉
你需然唔鐘意D BOY BAND
但係都唔洗咁樣話人呀
人地都係出黎慍食姐
你自己都算係一位藝人如果有人咁樣話你我諗你一定唔會好受
睇見篇野真係好反感

Anonymous said...

usually when ppl critic about boyband it's bcuz of jealousy... honestly speaking, boyband like BSB, ppl like to make critism about them too... but the point is they're still famous till now... ^o^

i think you shud respect other ppl's idol and do not make critism like this...

BY THE WAY, FAHRENHEIT is really a cool "BOYBAND" whether you agree it or not.... =p oh yea, dun be so envy for their succesful career path....^&^

Anonymous said...

你好無知AR叔

對飛輪海唔熟悉GE人冇資格批評佢

你憑咩野

你估你老就大哂呀

你冇資格AR

Anonymous said...

all boys groups are canned food, UNHEALTHY~

Anonymous said...

是呀
飛輪海就算再沒有實力,
但都總有一大班fans支持他們,
更何況他們唱得,跳得???
總比你好吧???
寫了那麼多個劇本,
到了現在也不是有太多人認識...
我真的是可憐你呀!!!!
沒有好好的去了解飛輪海的人,
沒有資格去批評他們!!!

Anonymous said...

all boys groups are canned food, not my cup of tea~

Anonymous said...

唔好意思,,
我覺得你唔應該咁樣講任何一個人OR團體!
你冇資格!
如果係唔岩你心意既,,
都只可以話你唔係你受既個種,,唔係你會支持,,去為佢地加油既野!
點解你要咁講人..
人地都有努力有付出..冇人一出黎就係天皇巨星掛..
我只係不值俾你話既BOY BAND!

Anonymous said...

鄒凱光,,
你正一"粉蛋",,
你"霎熟狗頭",,
你"娘爆",,
你正一"鄉下仔",,
你正一"MK仔",,
我而家咁話你,你有咩感覺呀??
如果你話走唔切就唔走GE話..我相信呢個係借口囉..走唔切都可以繼續走架囉..
""每次不幸睇到佢地演出,如果閂唔切電視,走唔切,我真係會跪地抑天長叫「俾我死左去好過啦~~」""<---係你自己講架,,又唔見你實行??你唔去死???
正一柒仔囉你~

Anonymous said...

你識唔識尊重下人架!
駛唔駛咁話人呀
有資格咩你!!!!

Anonymous said...

你唔like就冇去wdo啦..
去完重要踩人"
好冇品囉,
重有話人之前,照下自己先啦"

Anonymous said...

hey!阿叔..你有資格話人咩?話人粉蛋..
咁你自己又系咩阿!? 粉皮阿叔@@?
咦?! 你識唱歌咩?? 你可2話人d乜野?!
5該...節省少少啦=) 5好笑大人個口!!
無謂笑裂人個口啦.. =D
霎熟狗頭?? 形容你好似貼切d囉!
睇到你d相我就真系好想嘔囉!!
超!! 自己飲完酒嘔5好賴落人地度啦!
身體虛去咩wild day out丫!!
留番系屋企好過啦粉皮阿叔! =)


5好怪我話你囉!! 因為系你話人先咖囉!!=)

Anonymous said...

我真系好想問你憑咩話人?
人地又得罪你d咩?!
5566這個名字的意思你5明我5怪你既..
不竟你是不喜歡他們的。
但你只從歌星,樣子等等就下定論?!
也太不合理吧?"
藝人的努力也許我地做 fans 的不知道
但你也是身為藝人,難道你不知藝人的辛苦?
每個做歌手的人也有潛力所在,
佢地同樣為音樂所想,有1份熱情所在。
你又何必甘講人..

Anonymous said...

呀叔,,說話就吾係咁講
你吾鐘意飛輪海都吾洗咁講野呀
我就覺得佢地都幾好,,
你睇下香港果D先講啦,,
仲話人地咩[粉蛋],,又話咩想嘔咁
你知吾知你D咁GA說話好侮辱人囉!!
我覺得你一D都吾識得尊重人
仲有`我覺得你冇咁GA資格去話人囉,,
枉你仲係一位藝人,,
飛輪海出道冇耐,,金次係第一次尼HK
新人尼講我覺得佢地好好囉,,
唱歌又吾算太差,,至少都好過HK果D先啦
岩岩出道GA人係冇經驗,好多野都吾識嫁啦
就係要慢慢學先會做得好囉
吾通你一出世就識做戲咩 ??
你簡直係到影響緊娛樂圈 ,,
話人係粉蛋,,你自己先係呀
好心你檢討下自己GA言行先話人啦,,
你仲未有咁GA資格呀,,大叔 ***

Anonymous said...

"每次不幸睇到佢地演出,如果閂唔切電視,走唔切,我真係會跪地抑天長叫「俾我死左去好過啦~~」"


粉皮阿叔..等我比d suggestion你=)
如果下次走5切呢..直接死左佢吧啦!!
無謂浪費你老人家d時間=D

Anonymous said...

我覺得飛輪海既臨場反應好好lo
佢地會去清唱 . . 更加顯示到佢地有實力
如果你咁叻咁有資格批抨人既話當時就上台對住咁多觀眾清唱la


而且我覺得粉蛋比較適用於形容你呢D唔識尊重人既大叔

Anonymous said...

大叔,你貴庚呀你
識唔識尊重人呀你
你唔鐘意咪自己閃開囉
咁不屑你又睇埋落去?
駛唔駛講d咁難聽既說話呀
人地係紅喎 吹呀

Anonymous said...

洗唔洗咁多Comment呀。

好一群盲目既Fans。

灘,支持你,
力撐言論自由!



粉蛋?! 係咪腸粉加蛋散?!
聽落都幾好味喎。

娜娜娜~

Anonymous said...

先生...有番咁上下年紀唔知呢排d人喜歡乜野我唔怪你
但係妒忌都唔洗妒忌得咁出面啦
唔好俾我估中你自己回覆你自己囉
講真...香港樂壇已經好唔掂
雖然係就係有人有實力
但係做得歌手個樣點都要有番咁上下啦
作詞又作得越黎越唔得
我相信大家都唔會否認
唔可以話本地歌手冇fans
但係你睇下邊有香港係紅既歌手去唱WDO呀
醒下啦先生
唔好為反對而反對

Anonymous said...

o華!!好一堆匿名留言,由留言時間之接近可估計出留言者極可能係同一堆人(fans?)或更什係同一個人,從留言內容/言詞亦可得知留言者o既年齡/心理年齡.
講真,人地個blog,鐘意寫乜咪寫乜o羅,使唔使甘大反應甘激動呀?呢個世界所有野都有正反兩面o既意見,鐘意偶像唔至于要盲目到甘都接受唔到.要盲目到甘惡意人身攻擊呀嘛?o羊"收皮","去死"etc , 唔好甘幼稚啦.
最好笑係話灘叔妒忌.....如果一個人活到40歲仲要去妒忌一班20歲做馬"嬲"戲o既花o靚o既話,都幾悲o下.
匿名的"粉絲"們,快來對號入座吧,哈哈哈

Anonymous said...

其實大家不要大激動…
我明白當你的偶像被別人說不是,你是會想替自己的偶像辯護,
但也不用罵起來…
我希望大家可以互相尊重對方。
他罵你的偶像,你就要罵回去,
也不見得你懂得尊重別人。
1個不懂得尊重別人的人是沒有資格叫別人尊重你。
我不是幫鄒先生說話,他不欣賞的boy band正是我所喜歡的。
我看了也不太開心,所以我明白你們的心情。
可是你看到我有罵回去嗎?
這裡畢竟是鄒先生的私人blog,他要說甚麼大家都管不了;
當然你在此留言也可以寫下你的意見或感想。
其實他大可以不把那些攻擊他的留言post出來,為甚麼他還是post出來呢?
我想他也想給大家1個發言的機會。
我不喜歡飛輪海,但我也覺得他的言論有點過火了…
希望大家不要再為這件事再罵下去了,
因為沒有意思。
我也希望大家可以平心靜氣的說出自己心裡的話,
但不要太偏激~ ^^

順帶解釋1下5566名稱的由來:
5=5個人---孫協志 王仁甫 王紹偉 許孟哲 彭康育(小刀)
小刀因為有腰傷在身,在發第1張專輯之後就去美國治療,在康復的階段;
亦因此暫時離開了5566,還未知道他會不會歸隊。

6=演藝圈的6個領域
孫德榮總經理(孫總)將演藝圈大概劃分6個領域:
唱片 戲劇 主持 舞台 廣告 電影
他希望5566能在這6個領域有好的發展。

5566這個名字是有意思的,不是隨便亂取。
請別再把7788 8899給搬出來了~

Anonymous said...

欲加之罪 何患無詞
盲目既Fans們
灘叔講既係公道話

就算你地話到呢班人點叻點叻都好,
佢地o係呢個圈子既台上表演,佢地既歌,佢地既所謂既綜藝節目,偶像劇等等...
真係好垃圾囉,d歌加幾句數白欖,又話叫做Rap,好心佢地啦,佢地真係好行貨。
係,佢地係紅,但係紅得有無道理先?!
呢五個人,最靚仔都係得果個許孟哲,
雖然,係各花入各眼,但係,大佬呀,
講真句丫,睇下佢幾其餘果幾個既尊容先丫,真係好唔掂丫嘛,仲可以o係呢個娛樂圈道賴死唔走,仲話係咩亞洲天團,真係笑大人個口。

灘叔,我嫌你講得未夠盡呀!
真係大快人心!

支持你!

Anonymous said...

WA.....celia牙"咪以為自己講d野好有道理啦*你都識講人地個blog like寫乜就寫乜,咁比得我地留cm,like講乜就講乜嫁啦"
你係咁叻,未去做心理學家囉~kind kind地"

Anonymous said...

匿名者:

我們56fans並沒有在這裡大吵大鬧,
甚至沒有說1句話攻擊鄒先生,
為甚麼你反而說56的不是?
如果你是因為有人罵鄒先生而要罵回去,
請你搞清楚,現在罵鄒先生的是飛輪海的fans,並不是56的fans。
你不喜歡是你的事,但可否尊重1下別人?
你有了解過56嗎?你又知道他們紅得沒有道理?
我謝謝你稱讚孟哲是帥哥。
是否樣子好就=有實力?
樣子不好就=沒實力?
如果你是個只看外表而不管實力的人,我沒話講,
我不會怪你,只能怪這個社會把你變成1個膚淺的人;
更何況外貌是很主觀的東西,音樂也是。
就算朱玲玲被譽為最漂亮的香港小姐,也會有人覺得她不漂亮;
就算是音樂之父巴赫,亦會有人不欣賞他寫的曲。
你可以說出你的想法,但不是批評。
想法是中肯的,但批評是貶義。
之前我已經說了很多,我不想再多說些甚麼。
我希望大家可以尊重別人,尊重自己,
別再罵了~

Anonymous said...

要人尊重你,首先要尊重別人。
覺不覺得很奇怪,為什麼56的fans
不來罵鄒先生,
而飛fans卻這麼多,
鄒先生的論言在我們的fans club都有張貼出來,
但我們一致應為沒有需要罵任何人,
我們覺得你可能不熟悉台灣的團體,
所以有些誤會。
這裡是私人地方,是鄒先生的blog,
他只是說出心裡所想的,如果因他是個公眾人物,
就連這一點點空間都沒有的話,就太可憐了。
我們可以發表自己的意見,但罵戰就會變得沒有意義。
我只想讓鄒先生知道,5566的成功得來不易,
也不是靠一時的幸運,帥帥的外表,
是他們的努力,希望鄒先生可以多了解他們。

Anonymous said...

要人尊重你,首先要尊重別人。
覺不覺得很奇怪,為什麼56的fans
不來罵鄒先生,
而飛fans卻這麼多,
鄒先生的論言在我們的fans club都有張貼出來,
但我們一致應為沒有需要罵任何人,
我們覺得你可能不熟悉台灣的團體,
所以有些誤會。
這裡是私人地方,是鄒先生的blog,
他只是說出心裡所想的,如果因他是個公眾人物,
就連這一點點空間都沒有的話,就太可憐了。
我們可以發表自己的意見,但罵戰就會變得沒有意義。
我只想讓鄒先生知道,5566的成功得來不易,
也不是靠一時的幸運,帥帥的外表,
是他們的努力,希望鄒先生可以多了解他們。

Anonymous said...

香港文化不嬲水平低, 都見怪不怪

Anonymous said...

灘叔我撐你呀..呢個係灘叔個blog...
佢只不過係自己個blog度發表自己既感想...
仲要比一d不知名既fans上黎狂插....
好~你地話[飛] 好努力,好有實力...
咁今次wild day out 佢地比左d咩表現比我地呢班香港人睇?
就係播帶+ 咪咀..咪完咀仲要賴音響..咩清唱當賠罪~
我呸..呢d算有實力既表現咩?
唔該話人之前諗下你地個偶像點解比人罵~~

Anonymous said...

很大口氣啊,鄒凱光先生
如果你那麼好
一早就可以去做歌星了~
不只是一個連人家都不認識的DJ
真的覺得你很可笑
香港有你這個人
實在太可悲了

Anonymous said...

就算你係真係5中2牙
你都5洗咁講ga~
又5見我話我見到你個樣想嘔???
都5知你有冇搞錯lor~~
諗下自己身份sin啦!!
話人~
你自己好好咩????
5係好覺lor~

Anonymous said...

回樓上既man....
我想講Dancing有少少咪嘴係正常...
仲有好多Fans都聽到,
係打底音樂之外,佢地係有唱...
因為佢地miss左一個member...
在唱果個member部分係聽到3個人既聲...
佢地既performance未必係最好..
伍係佢地既努力..
佢地為左train舞...
係拍完戲12點仲去train...
吾係吹水..

Anonymous said...

你個樣衰怪,你咁勁你唔上台唱,淨係係度行黎行去,死怪物,唔怪得你一世做蛋散。

Anonymous said...

=.=哇..你都好冇品WO..
LEUNG爆鄉下仔= =..
你個樣好好咩下@.@!?
我諗佢地其中1個都好過你-_-"
我都唔想咁話你-.=
但唔該你話人個陣..望清楚自己個樣,諗下比人話個個心情係點..
你咁做未免太過份..

Anonymous said...

我覺得你真係好唔識尊重人囉=]
你唔鐘意佢地 可以唔去睇
你咁樣做只會影響你自己人格
上面個位,WDO個日你又知飛輪海賴音響?!
你上台唱嫁?!人地清唱總好過冇唱=]
你又知佢地冇實力?!
咁係因為你冇好好留意佢地
麻煩你睇睇自己有冇實力先好話人啦!

Anonymous said...

反正你自己都打一個不付責任既文章
我都黎留番一個不付責任既comment
從來對鄒生冇咩特別感覺
但睇完你篇野
我對你真係好失望
雖然衣度係你既私人地方
你有你既言論自由
但係我想講
好明顯地你並唔熟悉台灣文化
冇錯
無可否認大多數組合都係用樣黎做賣點
但你應該明白有時公司既決定係唔到佢地話事
佢地背後有幾努力你有親眼見過咩?
你都做過新人
我諗你應該好明白新人會受到咩既批評
唔該你要批評人之前做下功課先
唔好好似隻癲狗咁響度亂吠

「所以歷史話左我地知,呢門生意好好做,不過始終做唔到我生意!
」←慶幸的是原來你仲有自知之明
冇錯,即使佢地只賣個樣,慘得過有咁多人受呀!衣樣係你衣世都唔會試得到既滋味!

「作為香港主場,壓軸次次係外來歌手,真係有D黯然」←唔洗黯然丫!你有本事搵到咁多好過外來歌手既香港歌手,主辦商又洗乜要咁麻煩請外援呢?!

身為公眾人物
面係人地俾
假係你自己丟

Rosanna

Anonymous said...

我唔會去浪費時間去鬧你..-_-
但係我淨係想講一句::

你咁講只係代表你冇修養*
加上你係一個公眾人物..
咁做會令人覺得你好冇品@,@
好貶低你自己`!!

Anonymous said...

我唔想去浪費時間去鬧你..
但係我只想講一句::

你咁講只係代表你好冇修養=_=

Anonymous said...

嗯...樓上果位MAN生講ge野我部份認同..佢都係發表自己ge個人感想,但你要知道,佢係公眾人物,開個blog just純粹sharing佢自己ge生活..真正ge思想?唔好意思請摺埋,因為佢係公眾人物,講ge每一樣野隨時都會俾人插,人地插佢係佢ge自由,你理得d咩姐?做得公眾人物預左要慎言慎行..喺香港..真正ge感受發表左出黎唔狂插搞到你印象大跌ge事件經常都發生..
而且我想講...鄒凱光先生ge措詞過份粗俗囉!有自己性格?摺埋啦!呢d唔係叫有性格,係叫冇文化!
想講句..
我唔係飛輪海ge fans,而且我聽過佢地清唱..都ok..
做人唔好要求過高..
人地係佢fans,甘鄒凱光先生係講到佢地一棟都冇wor..俾人甘講你偶像吖!你會唔會都有甘ge反應呀..
好心你啦..
掛住維謢個灘叔!
是非黑白識分嗎?
唔好一面倒得唔得呀?
仲有...
佢地起碼好過好多香港ge歌手囉!
甩咀走音咪嘴忘記歌詞等等對樂壇ge侮辱佢地做盡囉...
起碼d台灣ge..有樣先囉..
香港!?
樣!?
哈....真係鮮見囉..
依家仲有新人有樣有實力架咩?
起碼佢地已經有個樣先..
我地現今香港少女ge審美準則d呀伯輩ge人係唔知架喇...
哼..
我中一生黎架喳..
我鍾意蹉跎歲月鬧屎你地又得..
你地?
歲月催人老..
冇樣又冇身..
學咩人影相呀..
摺埋啦~

Anonymous said...

而家時代唔同左,
上一輩ge人可能唔太鍾意現代ge歌手,
可能覺得而家好多歌手都係賣樣,
就算真係賣樣,人地都一家有付出囉,
一個組合能夠成功,我諗唔係一朝一夕可以做到掛?
我覺得你用詞字眼太粗俗,
而且唔係好識得尊重d藝人,
希望你唔好淨係睇一次ge表現就作出批評,
如果你能夠了解佢地多d,
maybe會對佢地有改觀

Anonymous said...

請你注意你的用詞!!!

甚麼「霎熟狗頭」、「粉蛋」..
你真係好無家教呀!!!
你到底識唔識咩係「尊重」架
就算你幾唔鐘意人地都好
你憑咩野咁樣話人!?????

你嘔係你既事
唔該唔好姓賴!!!
如果佢地真係可以令到你嘔既話
我懷疑你身體真係好有問題!!

仲有你講到人地咁差
有大把歌手都差過佢地喇
咁你個口咪要日日都係咁嘔~好唔得閒
如果人地真係咁差..
你覺得佢地會紅到咁咩!!???

我唔理你有幾唔鐘意佢地都好
但係你咁講佢地..我覺得你真係好無口品
你身為一個DJ..身為一個公眾人物
你對你講過既野唔該付返責任

Anonymous said...

呢位celia ,,

飛輪海GA FANS叫呢位大叔收皮呀,食屎GA人生攻擊''我覺得冇咩問題囉!! 吾該你睇清楚係邊個用咁粗俗GA說話尼話人先呀!! 係呢位阿叔人生攻擊飛輪海先囉,,仲有吾好扮晒尊家啦!! 飛宥海GA FANS只係支持緊佢地GA偶像,,!! 如果你阿媽OR你鐘意GA人比人咁罵法你又會有咩反應呀 !! 你都識話佢講咩係佢GA自由..咁我地講咩夠係我地GA自由!! 講野冇D邏輯 !!

Anonymous said...

~~ 5566 個名有得罪你咩!>???

Anonymous said...

收皮啦你~想博出名呀?
未到你呀~
唔底得人地紅就係度嘈生哂~
有病睇E生啦你~白痴仔

Anonymous said...

做咩要叫人做"粉蛋"je,佢地係人黎架囉...唔係"粉蛋"你唔係咁無家教呀嘛...人地都有呀爸呀媽生架...咁樣話人唔使理人感受架.

Anonymous said...

海灘﹐我覺得你無講錯﹗有乜理由會自己個 group 做Fahrenheit = 華氏?! 最憎就係亂改名。 anywayz, 我唔覺你有錯囉﹗係﹐可能人身攻擊係唔好﹐但依個係你的私人 blog! you can say WHATEVER you want~! it's none of any's business! i just dun understand why people would people scold you and blame you and stuff ...

People, pls bare in mind that this is just like any other blog you can find on da web, da owner of the blog can say whatever he/she wants ... 我深信每個人係自己個 blog 度都講過人地0既壞話。咁依個人地都係講自己0既感受嗟﹐有乜唔0岩呢?!

Anonymous said...

你們這些飛輪海的fans,可不可以理智1點﹑冷靜1點?
我覺得鄒先生的言語是有點過火,
但你們也好不到哪裡去吧?
你們要別人尊重你,但又不去尊重別人,
你們有資格去說這句話嗎?
每1個人都會有人喜歡有人不喜歡,
他只是發表他自己的感想而已。
你不喜歡他說的話,你可以看了就算;
如果你想回應,請你用1個尊重的口吻。
你們這樣做只會顯得你們更沒修養﹑更低俗而已。
你們只是想到有人罵你們的偶像,你就要替他抱打不平,
於是就罵回去;
可是你們有沒有想過,你們這樣的行為會影響到你們的偶像?
很多人會想飛輪海的fans沒有教養﹑不懂得尊重別人;
還有飛輪海不懂得教自己的fans﹑也管不了他們,
任由他們亂來。
你想你的偶像被別人這樣說嗎?
你們需要知道,不單是他們自己的言行影響自己,
fans的言行也會影響他們。
你們想飛輪海有更多東西被別人說嗎?
如果你們真是為飛輪海好的話,
請你們別再罵了。
真正為偶像好是在聽到他被別人誤解﹑被別人罵,
會替他說話(是平心靜氣的說,還有尊重別人),
並不是逞一時之強罵回去。
就算被你罵贏了又怎樣呢?
你們有甚麼得著呢?
大家就會覺得你的偶像是好的嗎?不見得;
大家就會認同你嗎?也不見得。
大家只會覺得你們1點文化修養都沒有,
尤其是罵髒話的,顯得更低俗。
所以你們為飛輪海著想的話,就請停止吧~

Anonymous said...

不如唔係再爭拗啦...我琴日先喺度鬧完灘叔黎..今日睇返d cm又真係因為自己當時太過慶而講野有d粗俗...再睇都覺得瘀...我諗灘叔都知道呢d事ge...人係有改錯ge心...我希望灘叔知道自己做錯過咩啦..順便想同灘叔講聲"對唔住,琴日我d cm太粗俗,唔知有冇傷度你ge心..希望你能忘記"
其實我覺得再拗都冇用...雙方各執一詞..雙方都有各自的道理..再嘈都係得不到結論姐..而且都過左甘多日囉...
昨天的事是昨天,今天的事是今天..
再執著都係冇用...

Anonymous said...

我想問你有沒有尊重過歌手??
你不了解飛輪海,,我不介意,,
亦都不期望你會去了解他們,,
但我想告訴你,,他們是付出了很多。
汪東城先生他因太拼,,而住院了。
你有沒有理過他們的感受??
如果有人這樣說你,,
你的反應會很開心嗎??
我不介意你表達對飛輪海的意見。
[[但請你用詞不要太過激烈!!]]亞綸說過的。
如果你覺得我說的話不對,,我在這裡說聲抱歉。
拜託,,但我不希望下次再見到你這樣批評飛輪海!!
你這樣,,人們只會覺得香港人是那麼不尊重人的嗎??

Anonymous said...

啊生!你話人地leung爆鄉下仔霎熟狗頭
你自己又好得去邊...
你冇鏡都搵水照下自己副尊容
人地起碼好樣過你
有得睇下
你講d野都低低地ge
跳線又關個樣事ge
咁我睇你一出台講野
成個台拆左都似!
5566人地叫咩名又關你事
你都幾八婆下
仲八過d師奶
我淨係知你 [1679]
[5354]姐!
嘔嘔嘔 咁鐘意嘔番屋企嘔la!!

Anonymous said...

講真,雖然話各花入各眼!但你好似連人地一d名既意思係咩意思就亂講,好似唔似係一個成年人會講既說話!你唔鍾意唔代表人地都唔鍾意,只係覺得你講野有d無禮貌同有d侮辱性既用語!

Anonymous said...

亞叔 你份人都幾冇品 =)

Anonymous said...

阿生..
你講D野都幾離譜架WO,,
人地紅得起牙..大把人中意飛輪海啦,,你吹脹牙?? 你吹吾脹架嘛..
甘你吾知頭吾知路就吾好系度亂甘批評台灣D團體LO,, 吾該!!!!!!!
你甘樣講只會令到人地鬧爆你LO,,
收下皮先啦..阿先生,,吾該!!!!!!!!!

Anonymous said...

雖然篇日誌係過左好耐但我真係睇到好唔順眼..

樓上批評緊飛輪海個名既由來既果位人兄,
佢地要取名為FAHRENHEIT係有原因既,
係根據四個人唔同的特色同男生樣本而命名,
唔該你響話人之前做好功課睇緊資料先,
免得比人鬧得不明不白..

樓上又有位話我地要先尊重人既果位人兄,
我想講,我相信鄒先生寫BLOG都係想俾人睇,
寫得呢段野,俾得人睇,就預左要俾人話,
我又想講,一切都係鄒先生佢寫呢段日誌而引起既,
係因為佢寫既野太偏激兼且唔尊重人,
所以先會有人咁大反應而鬧佢,
最開初唔識尊重人果個係鄒先生,
你果句「1個不懂得尊重別人的人是沒有資格叫別人尊重你」,
我覺得你同左鄒先生講先會岩D..

一個組合起個名都係有意思既,
正如你一個人既名都係,
就算係阿一阿二都可以好有意思,
更何況一個組合,要俾人記得佢地,個隊名係好重要,
公司幫佢地改名做飛輪海FAHRENHEIT有佢地既意思,
改名做5566亦都有佢地既意思,
要尊重佢地唔該亦都要尊重佢地既隊名,
5566唔係亂改GA,佢地有佢地既意思,
唔該唔好亂講其他野...

飛輪海響組合當中都算係有樣有實力喇,
當然佢地仍然未能夠好似D天團咁咁勁咁完美,
但係佢地真係會努力,會比心機做好每一次既演出,
將所有檔期排到密密麻麻,部份工作之餘仲要顧學業,
咁搏為咩?咪為左有朝一日受人認同囉!
佢地唱歌係OK GA,起碼唱LIVE唔會成日走哂音甩哂咀,
相反睇下香港某D組合,話係偶像團體,就真係得個樣,唱歌又唔多掂,
飛輪海而家會咁紅咁受歡迎,唔單只係因為佢地個樣,
仲係因為佢地真係有實力,先撇開唱歌唔講,
多才多藝,學歷高,當今女生唔只係中意樣GA,
都係中意D叻既男仔GA..
講番唱歌,佢地D聲仲未算完美,仲需要多加磨練,
但係佢地唔會原地踏步,佢地真係會努力為求進步,
為觀眾帶黎一個每次見面都會進步既飛輪海..
佢地會尊重舞步表現,好落力咁綵排,
十二月黎香港去大埔唱兩首歌,
響台下準備既時候都會針對舞台設計四個圍埋研究走位研究動作,
都係為左帶俾觀眾一個好既表現...
拍劇受傷練舞受傷,但係仍然堅持每一次既見面同演出,
就算知道自己傷勢會變嚴重但係都堅持落去,
如今咁敬業既偶像團體,仲有邊個?

我唔係想鬧邊個,我只係睇唔過眼,
唔想有人俾人鬧,俾人踩都冇人理,
無論係飛輪海既FANS又好,5566既FANS又好,邊個既FANS都好,
大家都只係唔想自己既偶像俾人用D咁偏激既字句鬧,
大家都只係想保護自己所中意所愛既野..

如果你地對我呢篇野睇唔過眼既,
我唔介意你地話我,
我只係想發表意見..

Anonymous said...

鄒生,,
我不鍾意"非"輪海,,
不鍾意5566,,
更加不是太LIKE 183CLUB,,
BUT...

我不會這樣說他們,,

你用粗魯的用詞,,
這是發表自己的言論嗎?
你用誇張的手法,,
這是運用小學生作文技巧,,
你是溫故知新嗎?

有位暱名人士說你只是沒有修養,,
我非常讚同,,
你有必要用這麼粗鄙的語氣,,
這麼粗魯的字眼嗎?
你這樣跟"坦率"的"長毛"有啥分別?
好聽點就是"坦率",,
正確來說就是沒禮貌...
有失詩文唷!

我不是幫BOY BAND的FANZ*
只是發表我的心情!