10.25.2006

Kowloon boy

小時侯去九龍仔,為左睇球員練波,青少年時侯去九龍仔,為左去踢波,少年時侯去九龍仔,為左去拍拖,人到中年,上次去九龍仔係拍戲睇景,終於懷緬一番之後,場景其實不適合,今次去九龍仔,係為左食飯!


朋友介紹去呢度食飯好耐,其實以前老闆娘係坑口開鋪時,我已經不時特登駕車去食,食完就落西貢食滿記,呢d編排,除要有車外,仲要有閒情,同埋真係好食!
無論在坑口還是現在九龍仔,好味的水準是可以保持的!「豉油雞」、「魷魚膠餅」、「浸蜆」等等等等...(對不起,我是不會叫鋪頭的拿手菜,所以無特別介紹)你自己去試啦!

我得一個意見,你地去開幫我講,就係d送大碟d,十個人叫十二碟送都唔夠食,終於食左兩隻雞,幾碟菜都好似未夠喉!
有時兩個人食飯同,就希望有d細細碟,一人幾啖就食完菜式,今晚我今覺呢度可能好岩兩個人食飯,包可以叫得多,樣樣試小小!

















有車去當然比較妤適,泊車四蚊一個鐘,但就算無車,始終位置不算偏僻,去九龍塘、旺角撘的士去都是幾十圓,當然你去九龍城或樂富行去都可以,天氣開始轉涼,感覺也不錯!

至於價錢方面,如果你食過好味,你會覺得合理!

13 comments:

Anonymous said...

好好味!!!!

200,001 said...

海灘:有無地址提供呀?我住九龍城架,有時間可以試下呀嗎!!

scarred v said...

有無試過中環蛇王芳? 都好味抵食呀。

Christie said...

過份﹗ 攪到我鬼咁肚餓﹗ 凌晨兩點幾啊﹐ 依家﹐ 叫我去邊樹搵野食啊﹗

chumsbank said...

三姐老店在田下灣村,另一間晌九龍仔泳池旁。
但網上食評話那兒坐得極不舒服 , 服務又差 , 味精又重喎。
灘叔你係投數王,點睇?
http://www.openrice.com/big5/sr2.htm?shopid=14052

Anonymous said...

三姐老店在田下灣村,另一間晌九龍仔泳池旁。
但網上食評話那兒坐得極不舒服 , 服務又差 , 味精又重喎。
灘叔你係投數王,點睇?
http://www.openrice.com/big5/sr2.htm?shopid=14052

Anonymous said...

灘叔,聽完您推介
我決定今個星期日去買那本[無料呻吟]。

今天已經星期三,
再工作兩天又可以抖一抖喇…
繼續加油!

祝您聽日快樂:-D

栗子 said...

Wowo ~~ d 菜好吸引呀 ~~~
等我都要去試試先 ~~~ 番來之後 ~~

撐你的人 said...

...灘叔...我住0係九龍仔..都唔知呢度係邊..近邊架

栗子 said...

最後果張相係唔係小朋友望住個甜品??
佢好得意呀 ~~

小仙子 said...

嘩~~睇相就覺得好正啊~

小仙子 said...

剩係睇相都覺得好正!

pvc said...

生炒骨上面嗰碟係咪芋頭臘味煲?嘩,好想食呵..不過荷蘭唔多覺有囉,可能要去唐人街至有得食..噢,但係我個佬(係鬼佬)佢唔食臘味呢..anyway.

我想講係,點解你影到啲相咁搞笑,好似偷影同枱嗰家人咁,尤其係好似硬係要等人哋個媽媽同個女咬耳仔時至影咁,好似啲變態佬咁囉..哈哈,sorry,同係開玩笑渣 :) 最後碟果盤..咁係咪淨係下半部(插响冰內)至夠凍囉..見光嗰部份咪冇咁正囉!? well,又或者係我睇錯嗰啲唔係冰,係...西米撈!? :p