10.13.2006

基本上,所有家務我都認為是厭惡性工作,我係怕到就算有其他人幫我執屋,我都要出街,我聽見吸塵機聲會煩燥不安,我會恐慌書房俾人執到整整齊齊,我會搵唔到野,所以我好怕執屋!不會我一直努力克服,因為間屋唔執,係可以好似「狗咬狗」內,那個垃圾山咁...有人問我,我就會講,但是無人來!我係因為間屋亂,而觸發我上網,才發現世上原來有一個地方同我間屋差唔多恐佈,就是在柬埔寨的垃圾山!嚴重到咁就真係要改變自己去遷就!所以我會身體力行,多D自己執屋,至小執自己間書房丫!但有一樣更厭惡的家務,我真係面對唔到,提起都驚~~~

試想想,世界上有邊個好人好者會定時羅D衫出黎燙,都係諗起要著先會去燙,咁有兩個可能性,A係之前果晚臨訓醒起未燙衫,沖晒涼仲要燙到成身汗,已經好眼訓,又熱又燥,然後諗 著上身轉頭就皺晒啦!燙乜X丫!

相對起,B比A大鑊十倍!臨出門口先諗到著邊件衫,唔著無安全感,但件衫皺過老婆婆塊面,一邊除埋晒D衫褲,一邊身水身汗燙,希望遲十五分到,快手沖多個涼,但越急越慢,然後就責怪自己麻鬼煩,咪又係普通一件恤衫,搞到遲到又辛苦,有好睇左幾多呢?!但係我試過中途放棄,無著想著果件衫出街,成日無晒自信,唔敢望女仔,男仔就更加要垂頭行過,做什麼唔順利,都會歸疚因為無著想著果件衫!所以邊鬧邊都係繼續燙!

A/B情況我都試過,我憎燙衫,但我鍾意著恤衫,我一見到D洗完唔駛燙恤衫,我就開心到見一件買一件,但係有好多靚恤衫,係真係要燙先係件靚恤衫!擁有佢就要供養佢!
但我份人真係好麻煩!自己唔想做,有人肯幫,仲要揀呢個,指定果個,我唔可以俾D恤衫工人燙,唔係怕佢燙爛件衫,係我唔想佢俾第個摸,除左我,仲有一個人可以摸佢!


就是圖片中這個狀似女人黑影人!有人認為咁做好不孝,當黑影人是工人;老人家你唔「駛」下佢,佢覺得你唔緊佢架!你俾小小野佢幫手做,佢一方面可以消磨時間,另一方法身體力行証明自己仲做到!緊要架!只要唔係駛死人果種,D輕可野俾佢地幫下手,係一個好好同老人家親子活動!



佢好似跳舞一樣,手腳靈活快速,要捕觸佢一舉一動,要好集中,當妳集中看著她表演,視線會不其然從個SCREEN移到前面的真人身上,這就是呢個親子活動最動人一刻,同時亦都是不禁神傷的時侯,看著她的汗濕透衣衫,一袋性感油物咁款,呢D SHOW就係睇得一場就小一場!再望過去負責陪呢性感油物黎男保鏢,神態自若,一眼並沒有關七,雙眼都是看著電視,廣告時間就會去撩下七哥傾幾句,永遠唔會干擾她表演,型到爆!


晚上係節目曾小姐講果十樣「珍惜」,其實好老土,不過呢一刻,我一百個巴仙認同! 在需要珍惜之前就開始珍惜,早一點發掘他們的好處去欣賞!「最心痛是,愛得太遲,有些心意,不可等某個日子」

我服左妳黑影人,件恤衫值幾千銀,都係因為佢個設計係成件衫都係皺!妳可以幫我燙到咁直!呢D表演唔係睇一場小一場! 跟本無下一場啦!我下次仲俾佢燙?!「最心痛是,說得太遲,有些恤衫,不可亂燙架媽子」

20 comments:

Money said...

阿媽做家務通常都真係超有效率,仲要係快靚正﹗..."近"﹗

好多時都會嫌阿爸阿媽好煩、但那邊廂又知道"...子欲養而親不在"(touchwood~!)所以都係個句...."好好珍惜﹗"

唔好怪我膚淺+坦白,唔講真係唔知件恤衫值幾千銀﹗(如果相中個件就係你講個件貴衫)算啦...就當係:(名師+伯有)x crossover = 獨一無二超直版温暖牌恤衫

Anonymous said...

same thing happened to me before.. lucky that my skirt is not that expensive.. funny scenerio~*

scarred v said...

你嗰度好開揚呀。新樓盤在你看來是那麼矮,但我在地面看是那麼高的一幅牆。
記得中學時每個星期日都要燙校裙,對我來說不算是苦差,尤其聽住歌的話。
現在就超懶,皺到死的Tee都照着出街,當睇唔到。自我安慰豪邁啦。
睇你媽咪黑影都幾後生喎。

小朱飛刀 said...

灘叔 , 當你第日幫埋你最鐘意既人燙衫時, 你就會開始愛上燙衫 !

Anonymous said...

你好呀!海灘 ^^
你件衫可以試下當佢係一條繩咁打一個結.
之後唔好理佢一排.佢可能會回復之前咁皺.
我試個係得既^^ 希望幫到你啦 v^0^

菜肉包 said...

點解家務多數係女人做ga???

Bo said...

灘叔,

你可以去電器舖買一個細細個嗰D Hand Held Steamer,急起上黎件衫 steam 兩野就著得, 男人之家燙乜鬼衫丫! 要燙嗰D覩恤衫就攞去洗衣舖「洗燙」丫麻!

快D攞個女人反嚟服侍你啦!

Christie said...

睇完﹐ 有種衝動想喊。
因為我深深地明白呢鍾感受。

我都俾媽子﹐
洗壞過無數件衫。
一條格仔羊毛頸巾﹐ 洗到縮至原來長度既三份一。
仲要俾個老死嬲﹐
話佢送俾我既生日禮物我根本從來都唔戴。

點解D阿媽永遠都認為﹐
D衫一定要用“水”洗過﹐ 先叫乾淨﹖
講極都唔明。
最慘係﹐ 佢係我阿媽﹐
根本冇得鬧。

Anonymous said...

你已經好幸福啦, 咁大個仔仲有亞媽幫你熨衫, 我好細個已經要自己熨衫啦, 因為我亞媽條腰唔好, 唔企得咁耐。

林戚 said...

我係一個普通人,只要我聽住收音機做功課,做家務就會好滿足…

Anonymous said...

--唔無導彈女--
你咁大個仔睇住亞媽幫你熨衫,
佢熨到身水身汗唔好比我估中,
緊係無開冷氣啦,

Anonymous said...

hey, 要唔要娶我呀?
由細到大全家d衫都係我燙,我燙衫好得架.
阿媽唔鍾意做家務,全部都係我做,係咪娶得過呢? kakakakakakakaka



不過有人娶o左我lu. kakakakakaka

Anonymous said...

海灘。
聽你系節目噶風格,吾知同你本身性格系咪一樣,
你打算keep單身噶狀態到幾時啊?

leftleg said...

this is so sweet.
rarely see you writing about your own family members here : )

Anonymous said...

hahaha...親子關系...咁既excuse你都諗到..你得架喇~

亞粉 said...

HEY, 灘!
睇黎你條豪邁既粗眉應該係你爸爸俾你架播!

l3onnie said...

Uncle Beach...
this post... makes me homesick..
no matter how careless my parents are .... they treat me the best in their way...
and that always defrost my heart.

Anonymous said...

hey Beach,

ure excuse for not doing chores is so funny. But part of it is touching gae.

m...the easiest way to iron a shirt is to iron it when it is taken fresh out of the washing machine.(when it is a bit wet) Then hang it and let it dry. It works everytime for me!

Anonymous said...

我爸爸都試過將我一件個皺布衫燙到平左﹐仲要大左兩個碼﹗件新衫我著過一次就無左啦。都唔知嬲好唔嬲好。

kuromi said...

燙衫的確你苦事 ! 我都好憎 ! 但我無你咁幸福.......我唯有堆到一大堆要燙, 頂唔順就抽一個weekend用幾個鐘去燙 ! 哈哈, 你單皺恤衫事件, 好多年前我都有過同樣經歷 !