其實最先呢個並唔係「撈碧刁」的封面，影呢幅相係因為我好鍾意威士忌JOHNNY WALKER個KEEP WALKING標誌，好想影番一幅，然後影完之後，我直情覺得我比JOHNNY WALKER更加勁，於是我同朋友講「呢張相就係我要出果支酒標誌 《灘椰只走，KEEP MOVING》，我覺得好勁好勁，「灘爺只走」咪等同KEEP MOVING，「灘椰子酒」就同棵椰樹有晒關係，點知我朋友聽完一次又一次都話無FEEL，仲話威士忌已經過時，何況椰子酒，我本來想同佢再拗，點知佢突然出奇招 「呢幅相咪就係封面囉！」我心裡其實好想認同，但又依然想果幅相做到《灘椰只走》個LOGO，所以我就話「係可以，但睇下呢個景仲有冇其他選擇」
呢張太MOOD喇！好似著草等落船咁......
呢張就直情係跳崖前果刻咁......
「HA？！係得咁多張？！」
咁最後咪變成呢個封面，初時出版社好質疑，因為一來見唔清楚我個樣，二來個天好灰暗，三來我頭髮亂左，四來佢地根本就唔鍾意，『信我！呢個封面好！至少其他書唔會有，試丫！就算錯左都撈碧刁！』結果係點唔駛再講啦！些些~` 我真的很喜歡這個封面！
但又其實.......
待續
各位老友，你帶書來書展亦可以找我簽名，但照樣都要排隊；給阿BO及其他無時間來的老友們，你們可以把書放到電台，留EMAIL，我簽好EMAIL你來電台取！些些~`
11 comments:
灘叔, 時完我笑咗!!!
鍾意你 keep moving~~
哈哈哈~
Sonia
呀呀UNCLEBEACH
果然睇左幾張而家選用既封面最刁 ;)
好靚:D 好match你xd
哎呀我好驚書展趕唔到黎因為1430係演藝睇劇;0
見唔到你我會想喊./\.
上電台係咪冇free hug同影相架;0
唔得架喎我等左咁耐.vv.
唉唉好擔心
Thanks! ngmabel@yahoo.com
all the best! Bo
咁你記住請 reception 飲茶啦!
我問晒澳門全部書店......都搵吾到....
點算好ar...Smart Beach.. >"<
我好質疑出版社對封面的第一項質疑！哈哈
其實我好中意你個封面 好特別!
有我最中意既藍藍天空<--雖然顏色係調出尼的=P
PS 灘叔你對讀者真係好好
幾乎係有求必應!勁愛你
我要快D整返好相機 到時要同你影相^^
我喜歡你呢個封面啊，簡簡單單，頭髮亂了就亂了，沒所謂的，人家就是喜歡那份真實嘛對不對。
錯左都撈碧刁。這個態度需要努力學習，人生在世就是錯左都撈碧刁，不要事事執著。學習中。
買完睇完笑完!!!
thank you 灘叔!!
hahahha, 你這幾幅相的旁白好好笑
你真是一個'快樂人', 自己快樂亦令人快樂
些些^^
寄去電台再加回郵信封得唔得呀？
Post a Comment