7.21.2010

其實



其實最先呢個並唔係「撈碧刁」的封面,影呢幅相係因為我好鍾意威士忌JOHNNY WALKER個KEEP WALKING標誌,好想影番一幅,然後影完之後,我直情覺得我比JOHNNY WALKER更加勁,於是我同朋友講「呢張相就係我要出果支酒標誌 《灘椰只走,KEEP MOVING》,我覺得好勁好勁,「灘爺只走」咪等同KEEP MOVING,「灘椰子酒」就同棵椰樹有晒關係,點知我朋友聽完一次又一次都話無FEEL,仲話威士忌已經過時,何況椰子酒,我本來想同佢再拗,點知佢突然出奇招 「呢幅相咪就係封面囉!」我心裡其實好想認同,但又依然想果幅相做到《灘椰只走》個LOGO,所以我就話「係可以,但睇下呢個景仲有冇其他選擇」



呢張太MOOD喇!好似著草等落船咁......




呢張就直情係跳崖前果刻咁......

「HA?!係得咁多張?!」

咁最後咪變成呢個封面,初時出版社好質疑,因為一來見唔清楚我個樣,二來個天好灰暗,三來我頭髮亂左,四來佢地根本就唔鍾意,『信我!呢個封面好!至少其他書唔會有,試丫!就算錯左都撈碧刁!』結果係點唔駛再講啦!些些~` 我真的很喜歡這個封面!
但又其實.......

待續



各位老友,你帶書來書展亦可以找我簽名,但照樣都要排隊;給阿BO及其他無時間來的老友們,你們可以把書放到電台,留EMAIL,我簽好EMAIL你來電台取!些些~`

11 comments:

Anonymous said...

灘叔, 時完我笑咗!!!
鍾意你 keep moving~~
哈哈哈~

Sonia

said...

呀呀UNCLEBEACH
果然睇左幾張而家選用既封面最刁 ;)
好靚:D 好match你xd

哎呀我好驚書展趕唔到黎因為1430係演藝睇劇;0
見唔到你我會想喊./\.
上電台係咪冇free hug同影相架;0
唔得架喎我等左咁耐.vv.
唉唉好擔心

bo said...

Thanks! ngmabel@yahoo.com

all the best! Bo

Anonymous said...

咁你記住請 reception 飲茶啦!

小桃 said...

我問晒澳門全部書店......都搵吾到....
點算好ar...Smart Beach.. >"<

Marvin said...

我好質疑出版社對封面的第一項質疑!哈哈

SIU AU said...

其實我好中意你個封面 好特別!
有我最中意既藍藍天空<--雖然顏色係調出尼的=P

PS 灘叔你對讀者真係好好
幾乎係有求必應!勁愛你
我要快D整返好相機 到時要同你影相^^

Sophia Ch. said...

我喜歡你呢個封面啊,簡簡單單,頭髮亂了就亂了,沒所謂的,人家就是喜歡那份真實嘛對不對。

錯左都撈碧刁。這個態度需要努力學習,人生在世就是錯左都撈碧刁,不要事事執著。學習中。

Anonymous said...

買完睇完笑完!!!
thank you 灘叔!!

audreybrenda said...

hahahha, 你這幾幅相的旁白好好笑
你真是一個'快樂人', 自己快樂亦令人快樂
些些^^

Unknown said...

寄去電台再加回郵信封得唔得呀?