3.30.2008

忘了.忘不了



最近我開始久不久就丟走d儲左好耐o既物件,如果有「有心人」喜愛的話,我就會送晒俾佢地,就好似儲左好耐d火機,今年GATHERING全部送晒俾我班「老友」,最近開始送書,送CD,衫如果仲新就羅去阿WING(妹妹妹妹)個二手店賣....

我咁做一來係想屋企再簡潔d,二來要學習捨棄,不要以「儲左好耐唔捨得丟」做籍口,放晒d物件放係度,其實根本呢世都唔會望一眼 !

而每次「丟野」,最恨心丟去的,就是舊相片,那些面容,那些過去的色顏,每次重看總令人尷尬難堪,但我發現,當你丟去(撕碎)一張相片,那一張相就永遠留係你心裡面...

「如果不是仍在心,就不用去忘記~`」


有些事、景、人,我仍然很掛念




我以為自己已經忘記,原來曾經染到個頭咁「肉酸」,這是上次到 蘇梅 full moon party的其中一個上午,一大班人出海,臨上船,有人會為你拍照,回程時「已」製成瓷碟,你唔買個樣就永留係蘇梅,即是 你係蘇梅多左個「骨灰龕」

那一次是我人生其中一次最好玩,但唔會再發生o既旅程!我全程一幅相都無影,之後亦沒有問朋友取回一幅相,一切在我心裡面,永遠不會忘記...

奇怪的是,我幾時有將呢隻碟放入書櫃到!呢次我真係忘記,無法想起~~








呢張相就更加無法想起係幾時影,更加無法記起,我幾時試過,同可以留到咁長頭髮!後面伸晒利果個就係ANNCHOI,呢張相應該有十 五六年歷史,嘩!好驚~~



驚開就繼續落去,下面呢張無十八,都有十九年前,唔係我二十一歲,就二十二歲生日,正所謂「果日要開工,生日係片廠過!」 你睇睇果時我同ANNCHOI個樣掂到,仲有「怪獸哥哥嚴秋華」,如果你同樣講緊呢句說話,我請你食餅,咁梗係食老餅啦~`




梗掂都係,再返去早多幾年,應該有二十一、二年歷史,我努力去想,我應該是在「ESPRIT」年代渡過我的十八歲生日,而呢班一定係當時同事,所以呢張相聲該係二十一、二年前影

我又唔記得乜我曾經會 攝 件衫入褲,仲要攝到咁入,咁實,仲好似有條吊帶係度,呢位哥仔,你其實想點?!

我一直以為忘記了呢幾位當時SO CALL傾得埋O既「好朋友」,但呢一刻我放這幅相上來,動機好清楚,Johhny、Kent Wong、Dora鄭惠芳,你或你的朋友見到相,留個字給我吧!





十八歲生日係同Esprit的朋友過,咁下面果張又係幾多歲生日呢?


我真係無辦法想得起,睇條褲高腰到咁,闊到咁,睇D人D髮型,十五?定十六歲?係咁上下啦,張相我丟左,登上黎只希望相中人話我知,點解同係邊度有件咁奇怪O既事發生過~~


最後一張,我無辦法記起發生過的相,位置應該是什麼「XXX渡假村」,以前一班少男,係去呢D地方玩,呢方面我是記得,但我無辦法想起,我個腰包是什麼意思,還有在旁的手巾仔,是否同性戀者吸引同性的暗號,這個埋藏左二十五年有多的謎團,有邊位可以幫我解開~`



把相傳給ANNCHOI的時侯,佢大力(佢幾時都係大力)建議我今年搞番D野,入行二十年,同四十歲人喎,我的答案是「睇到時有冇MOOD先啦.....又一事無成,有乜好回顧?!」 阿ANN叫我熱情D,試下「真開放」,佢話至小都搞個「童年時」相展,呢個我有興趣,但更有興趣是聯同其他的人一齊搞,收集最值得展示出來的「童年照」,一齊搞個相展! 如果你面對到最前,仲肯拿出來給其他人看及笑,請第一時間報名




21 comments:

櫻記士多*Ada* said...

灘叔:原來你與Ann Choi認識咁耐架喇!
搞童年相展好啊!咁有趣...的確少年會拍啲現在打死都唔會拍嘅相,公開一齊分享回憶也是好事!!

3 (avis) said...

好爆/好笑的童年照? 大把!
show返出黎唔止一次俾人問:「你係咪整過容? 但你係唔係整容失敗?」
有時有d artist出黎大大力話自己冇整過容, 我真係信架...... 人有過去, 而且過去亦真係可以有好大分別架......

我真係想報名喎~

Anonymous said...

好有少年十五廿時feel啊!
青蔥歲月的總令人無限懷緬﹐因為那些臉孔已在我們的世界裡消逝了﹐就算再逄已不是以前的我和他們。
我們都走過至娘爆的八十年代。

Anonymous said...

我係唔捨得掉相的(其他物件也可以不要),一張相唔會好阻定吧. 張張都OK丫 :>
我最喜愛的舊照是一張小學全班旅行照,旅行中曾經落過一陣細雨,我地每個同學個個都全身濕晒,但係每個人都笑得勁開心咁就比人影左勒.班主任問我點解我係最邊邊位差小小就影唔到我,想鬧我之際又見我張相笑得咁開心先無比佢話咋..
WendyH

Anonymous said...

不如你再留過嗰個one length髮型吖..潮喎haha :p

Anonymous said...

灘叔,你個樣同以前一樣都係冇變過.
我開始懷疑你一出世就有副黑框眼鏡...

Melody said...

坦白講..我做錯左..我唔應該o係公司睇呢個post...

"焗蟹"係真係好難頂的!!! 但我又唔想嚇親後面位美少女...以為前面呢個嬸三姑上身..

10000000000000 萬個想笑呀依家!!!

Anonymous said...

-helenato-

將d相丟左佢,太side啦!
等閒個陣,
逐d逐d咁post出黎,
比個機會我哋笑下開心下嘛.

Anonymous said...

candy=D
unklebeach想問你有冇leslie'金枝玉葉I'VCD?
市面上得返II咋..我真心搵左好耐!!
OR你有冇見過邊度有?
thanks ya cool guy!

Anonymous said...

見到你而家d相, 我係十分好奇廿年後我見返自己d相會係點諗, 係大笑, 睇到嘩嘩聲, 定係覺得不堪入目? 樣樣有d啩~

Anonymous said...

-helenato-

"我哋"
係指"班灘友"啊!

Anonymous said...

我都試過想貼啲舊相搵番啲朋友相認,但好驚佢哋見到之後介意,最終唔敢=p

Anonymous said...

hahahaXD
同我睇我爹娘d相一樣~
都係好有八十年代feel!

o個幅o係渡假村影o既相最好笑~
我媽宜家仲會將個腰包揹到咁高ga~

雖然攝到件衫咁高好老土,
不過我相信遲d又會興番攝衫,
因為潮流係循環的.
所以唔好咁快丟哂d相,
等遲d可以拎番出黎對比o下ma!

Anonymous said...

雖說有捨才有得,但片片的回憶,還是會令人感動,這時真的是一個無憂年代;還好現在亦稱得上是幸福,真是無限的感因!

Anonymous said...

replying to Brian. "yes, especially when looking at how the way you SQUATTED in the pic" haha!

CellCell said...

wahahhaaa~ 好正呀 d 相~
灘灘叔~ 你真勇~!

dap said...

今日原本好唔開心,但見到灘叔你D相真係好好
笑,已經將唔開心掉到垃圾筒,多謝你,灘叔!

Anonymous said...

最唔鐘意第一張現代照,好造作

Anonymous said...

都唔知係咪我個妹睇咗你個blog,佢突然揾番好多塵年舊照出嚟笑一餐..哈哈~

Anonymous said...

unkle beach!!!!
我今日係荃灣撞到你ar!!!!
我望住你呆左,,黎唔切反應叫你tim!!! hahaha~~~~~~

Anonymous said...

個腰包look好正呀!!!