3.10.2008

嘩`~



都話最怕「大俠放完假」,d放完假返工o既人,經過re-charge後,煥然一新,渾身是勁,那份朝氣像千斤錘壓向那些無法放假的人身上....無情力是最大力,打得最痛的!

叉足電的林公子在咪前咪後都叫我放假,我由舊年已經開始有咁打算,但我並不是早上返完電台就可以收工去行街,下午還有不同的劇本會,就算電台請到假,都不代表我可以真正放假,就當我連劇本會都可以請到假,我完全想不到可以去那裡,既然要想,就即是沒地方想去,要浪費咁多腦汁想去邊,不如留力度劇本,所以我一直最鍾意出埠工幹,不用花心機、精神去想,一齊已有人安排,工作後留低玩兩日,呢d我才稱之為「放假」,否則.....

但林公子果句「俾聽眾放下假!」 實在將我心裡深處的痛挖了出來!於是我就用了一個上午去想,我想去邊?可以去邊? 於是腦袋空白了一個上午,終於我打電話俾好友「喂!你俾一個地方我,我一聽見會「嘩!」一聲o既!」 朋友想了想..「聽完`哦`一聲同聽完`小小`聲都有,`嘩`一聲你諗到話番我知!」 收線`~

而我一直仍然在想,有那裡是不用多介紹,我一聽到就「嘩!」一聲想去的地方,但當然腦海仍然一片空白,各位,如果你覺得好認識我,不防提供一個我會「嘩!」的地方給我,救救小海灘 吧~~

31 comments:

Mingle said...

灘, 你真係一個好認真既人 ^^

計算士 said...

灘叔, 雖然比你"小"的機會有99%, 不過都想提議你去阿根廷:

現場睇英超,OUT. 現場睇小保加列基美南美足球狂熱,IN. 話唔定會見埋馬勒當拿呢.

捕捉HAPPY TOGETHER的場景, 看大瀑布, 睇TANGO.

講多一句, 我日日有聽你做節目. 我想如果你休息一下再做, 可以升高一個層次. 等你!

Scarred V said...

唔駛出埠唔駛飛﹐芝麻灣呀﹐不過唔知普通人去唔去到。
我個鬼佬老闆探完監後﹐話個沙灘好靚。
你都知鬼佬只係鍾意陽光與海灘﹐佢都話靚﹐我相信真係靚。

Anonymous said...

south africa

Elaine Ma Ma said...

最緊要有冇人陪你去(當然唔係求其一個)...去泰國都可以好好玩架...(我都就飛...嘻!)

bo said...

如果我係男仔, 如果我係 in your stage of life,
我會睇一次「愛人同志」或「隻鐲」, 跟住去越南食碗牛肉河

3 (avis) said...

日本囉
近近地, 唔遠, 又叫做出下埠
又唔駛咁用力咁攰
你都係想出走叉下電行下姐
我覺得東京係ok架喎
熟丫嘛, 想出街果日咪去南青山代代木兜個round, 唔想出去就灘響酒店/民宿totally switch off, 再唔係搭火車去個短trip住返一兩日深山親親大自然都得架~~

Anonymous said...

其實,我又真係會建議你去澳門。一定唔係哇一聲。不過,去睇澳門唔係睇威尼斯人,係睇就黎會因為賭場而消失的澳門。其實澳門的慣性收視都係香港媒體,澳門又有好多大學教授係香港人,我地日日朝九晚五返住工返住學咁聽電台睇電視睇住香港黎的阿sir係咁講講講講講講澳門點點點。尤其是聽光明頂又好中意講澳門社會其實點點點點,澳門人都無點出過聲。

澳門唔係咁ga澳門真係唔係咁ga,在北區廿幾三十層屋邨天台睇橙色日落其實好毛管棟,a座同b座之間夾著一塊接唔實ge鐵皮,望得到落去地面,好睇過旅遊塔。

如果你夠得閒過澳門hae,介紹你睇本書,毛詠仙的"澳門朋友帶我遊澳門",裡面那個,先係真正的馬交。

Anthea said...

林公子今朝真係好鬼勁,我聽住收音機都俾佢個股"朝氣"震傷...唉!我好想放假...

Anonymous said...

入場睇打比!

Alfie

玩泥沙 said...

我覺得你既然係做創作0既,出埠去同平日唔同0既地方可以有多d靈感刺激倒日夜重覆0既生活嘛。

如果你鐘意陽光0既話,去希臘Island Hopping啦,諗倒都梳乎。
如果你都係要城市d0既,去法國hae同嘆丫!

你要多d享受生活啊。唔好太辛苦自己,treat your body like a temple =]

Anonymous said...

灘叔,
不如試下去南北極嗎?
呢個choice 嘩唔嘩?爆唔爆呀?
哈哈...

作為聽眾,我唔想你放假住呀!

櫻記士多*Ada* said...

近近地台灣囉...都叫出埠啊嘛!再唔係浮羅交怡喇陽光與海灘,遠啲去日本...可能仍然有雪架!再唔係15號跟我一齊去張家界喇風景區比對眼享受吓!
PS:嘅然你已不斷作出改進,又何需理會那些在留言區批評你的人呢!
撐你撐到天腳低!

慧美 said...

做野啦,請勿妄想!

小紅 said...

埃及...近距離欣賞下個獅身人...聽埋燕姿隻《綠光》, 感覺好似幾好~~

Anonymous said...

I'd always want to go to South America for some reason. And if you like football you should go when their seasons are underway, so you could experience Argentinian and Brazilian football matches LIVE. And it's hot all year, go to the beaches and let your eyes have some treats. :p

Otherwise Canada, so bored you'd scream out "WAHHH!" to hear echoes in no time. :)

Victor

brian hui said...

好啦,好啦,星期五晚帶你去台北行書局,食下0野、飲0下酒,五、六晚可以住汽車旅館(間間都好有特色0下,唔係色情果種),星期日晚返。

不過,機票食宿你出,哈哈!

冬媽 said...

UK loh, Brighton beach loh! cheap tkt offer now!not "wow", o yeh loh!
灘叔-it is true, you need a holiday! Of course, I don't want lah!

Melody said...

哈..我諗起一個我想去既地方..就係美國既HOUSTON...

有一日睇到個BLOG..介紹原來HOUSTON 有個CSI 既博物館...入面有好認真既案件模擬玩...好過癮..CSI粉絲既我...一見到真係嘩嘩聲...

我依家就想去...

Anonymous said...

-helenato-

乜你個腦唔係周時浮游"現實"同"幻想"之間?
平時都咁忙,仲話去旅行?
不如去"亞貓地攤",
探下你d貓小姐,算啦!

zuzan said...

一年之中點都要放下假既!

我覺得與"觀光""遊玩"唔同,你呢個情況係需要d可以將大腦關機,乜都唔駛諗唔駛安排的地方...其實又即係, 邊度都得lor!haha!

所以我都建議去浮羅交怡/布吉/蘇梅果類地方, 近近地去長州關埋房門望住海灘避世兩天亦有類似效果。

alal said...

去亞菲上次去果度, 佢會比行程你架啦, 不用煩!!

Ms dai said...

就 MY PLACE 啦!!!!
hahahahha

Anonymous said...

Cambodia / India la~~~~

Candy said...

去訓覺吧la..
發夢果時想去邊都得啦~~
又唔洗$$
XD

Chi-Wai said...

TO be honest, there's a lot of places you can visit, but I think your biggest problem is to take a HOLIDAY from your BRAIN.

You're stuck in using your head too much, i don't think you can slow down enough to enjoy a holiday.

Good Luck la.

Siu Wai said...

我都話阿根廷,三十幾個鐘飛機,瞓一覺,醒!嘩!未到,再瞓,再醒,再嘩一聲,都仲未到…但是值得的。望住個Iguazu Fall, 那大自然的偉大會令你感動得流涙, 又一路聽住Cucurrucucu Paloma, 不枉此生,今生無悔,包你寫個超級無敵勁劇本

Anonymous said...

http://www.itravelkaki.com/placedesc.php?place=209

'因为海龟喜在这一带产卵,马达京岛沿岸都有很多海龟蛋...'

賀少 said...

我仲記得M記句口號呀
果陣如果夠快讀完
可以有獎品定係食品架
個廣告仲有我中學同學份~"~

不過老麥d野
都係少食多滋味

Anonymous said...

雖然我好鍾意阿jan~但其實我都喜歡鄒叔叔你ga!所以唔好唔開心啦~每個人都有自己的風格~唔需要刻意改變自己ga wor!唔好成日諗住放假啦~唔好偷懶wor!有人會好失望ga=〕

Benny said...

plan 緊去西藏
你啱唔啱?