好鐘意「About a Boy」，編劇Peter Hedges係我三大編劇偶像其中一位，作品唔算多，但部部佳作！「what's eating Gilbert Grape」
Dicarpio 至今最佳演出，我覺得佢呢世都演唔番！一個小鎮故事，淡淡哀愁，Peter Hedges個世界d人物既怪旦又人性，果個三百磅阿媽，白痴弟弟，主角又同有夫之婦有染，最後把屋燒毀，這段成長記憶跟本不堪回想！還有Juliette lewis！ Where are you now？
Peter Hedges第一次做埋導演，用超低成本拍左呢部「Pieces of April」，果時仲未係tom cruise老婆的katie holmes做女主角，又係呢世都演唔番角色，用一班咁怪人物黎講親情，我流眼淚，除左因為感動，還有因為對Peter Hedges的仰慕而產生的驚惶所至！
講番「About a Boy」，改篇自NIck Hornby同名小涗，男主角hugh grant做一個唔駛做，老豆淨落大把俾佢有錢仔，皆因佢老豆作過一隻聖旦歌，年年實會播，佢淨係收版稅已經可以渣AUDI，住靚屋！其他節目梗係媾女啦！佢尃媾失婚婦人，佢覺得係最易入手，我覺得係媾到無得好媾，玩到無得好玩所至！然後佢同一個來自好差家庭環境小孩溫馨感人故事！好利害！成部戲講出黎好似無乜野，睇到ending你會叫左出黎「好！」
世界上真係有好多hugh grand呢個角色有錢仔，可能家族生意，已經有大把錢，而家最緊要守到，唔好俾人敗左佢，所以set 個基金，每月俾幾十萬佢駛，但唔好出去做野！搞生意更加無可能，錢敗唔晒都怕你敗壞家聲，呢班人每日起身就係諗今日點過，除左電台，電視台之外，佢地都算最需要諗「節目」人！
聽過有次一個有錢仔抱怨另一個曾通人朋友遲來到他的派對！朋友回應一句「喂！我要做架！」，有錢仔竟然哭起來「你好命！你每日有工番，唔駛諗做咩！」
做有錢仔做到咁慘，我成日覺得係個天懲罰佢！不過我都覺得自己好多業，點解你唔懲罰下我呀！天呀！
