3.05.2008

給男朋友



男人最有魅力的時侯:「忘我工作時」

男人最冇魅力的時侯:「猶疑不決時」

男人最窩心的行為:「在寶福山買了雙連單位」

男人最嘔心的行為:「替女友抽著手袋,有時另一隻手還拿著送給女友,但女友要他拿著的大束玫瑰」

男人最無心的時侯:「熱戀中的男子,無論什麼年紀,什麼身份,都會變成低能仔,對方電話一到,聲線變得溫柔得可怕,對白肉麻得令人不安,收線時連環吻別驚嚇得令人失禁....但他們都是無 心的,通通都因為被鬼上身...」

男人最痛心的時侯:「幾十歲人仲失戀,但無法接受那種幼稚無知的挫敗感,越抗拒去接受,就更失落,到迷 茫....」


男人最開心的時侯:「幾十歲人仲失戀.....幾十歲人仲有失戀感覺,証明心境還很年輕,可喜可賀」

男人最多心的時侯:「迷茫找不定方向時」

男人最虛偽的時侯:「欺騙自己可以接受某些東西時」

男人最豪爽的時侯:「爭臨門一腳時,我愛妳放題」

男人最吝嗇的時侯:「對情人的ex-boyfriend寬容」

男人最型的承諾:「工作受氣辭工吧,我養妳」

男人最屎的承諾:「認承養起對方,其實無能為力」

男人最賤格的時侯:「表面正直時」

男人最正直的時侯:「講大話狡辯時」

男人最多雜念的時侯:「他說:『可以讓我靜靜嗎?!』」

男人最想回家的時侯:「太太不在家時」

男人最有責任感的行為:「提供性行為」

男人最賤格的時侯:「寫以上東西時」

男人最歡喜告別的方法:「不辭而別」

男人最緊要的:「還是朋友(兄弟)」

男人最引以為榮的:「傷得起,復原得快!」

17 comments:

Anonymous said...

有無續集?
給女朋友

unkle beach said...

遲d有!

櫻記士多*Ada* said...

灘叔:
男人最有魅力的時侯(忘我工作時)and男人最型的承諾(工作受氣辭工吧,我養妳)絕對~讚讚讚!!!!!!

Anonymous said...

全中~

Anonymous said...

"男人替女友抽著手袋"絕對係最嘔心o既行為...替女方攞公事喼都還可以囉!

我今晚响火車站就見到個老外幫佢個亞洲籍女友抽手袋!我响荷蘭生活咗幾年都好少會見到呢啲情境,但係當老外同亞洲女性拍拖就會可能有呢個情況出現...!嘩,咁樣唔係袋表係shweet,嗰個女o既可能覺得好自豪...如果連自己個手袋都拿唔起的話,咁佢唔應該帶手袋囉~

我覺得嗰啲要男友幫佢抽手袋或咩手袋o既女性要好好檢討吓吖!

Anonymous said...

男人最型的承諾:「工作受氣辭工吧,我養妳」

我鐘意呢句,雖然知道男友未必做到,但係聽到都係感覺到最窩心~~~

Melody said...

期待"給女朋友"

Anonymous said...

男人最失落時,喜歡躲在洞穴靜一靜;女人最失落時,喜歡言語上的舒發;當男人在靜一靜時,女人為了表達關心,就會不斷和你用語言有溝通,結果~~~倆者同時變得更失落。

Anonymous said...

"男人替女友抽著手袋"絕對係最嘔心o既行為...替女方攞公事喼都還可以囉!

不如把女友的物品,全部放到男仕的背囊再出街;但偏偏又不會這麼做,因為這樣,無法突顯出一種征服、降服的象徵語言。

相反,女人幫男人拿東西也是一樣。

Queen said...

"男人替女友抽著手袋"有咩問題呢?鬼叫個男人將自己的銀包鎖匙電話nds煙借0的咦統統塞進女友的手袋咩?咁重,點拎得起呀?

Anonymous said...

我覺得男人幫女友抽手袋係好有風度的
一件事~~

Anonymous said...

-helenato-

好有亞灘自己的獨白feel.

Anonymous said...

我唔中意男友幫我拎手袋
但佢偏要拎...
咁仲算唔算有風度??

Anonymous said...

我唔中意任何人掂我個袋,除左男朋友,我諗可比佢ling下,係呢個時候如果加埋ling住扎比我既花,同時亦要顧住拖住我又要睇車過馬路喎,我估呢個男人係完全屬於我勒.咁,男朋友幫女朋友ling手袋係咪好sweet:>


WendyH

Anonymous said...

系大學,見到D男朋友成日幫女朋友擰帶~~
好核突~
如果我男朋友要求幫我擰帶,我唔會覺得man

Anonymous said...

所有女人都想男人全部遷就, 但是做女人都要有溫柔一面, 才可以一起都永遠

Anonymous said...

我都唔會要我男朋友幫我拎手袋...有時一齊買完野我都唔會比佢拎個膠袋,男人拎住個膠袋咁"肉孫"...除非真係好重啦,如果唔係我情願自己做吓師奶仔拎晒啲野~