3.29.2007

Most Wanted




他不像游乃海,有杜導演庇蔭,他亦沒有彭浩翔的包裝,更加沒有溤德倫 ,鄭忠基的名星效應,他只有默默苦幹,希望有日大家從他的作品中,去認識他,他的名字叫 郭子健,他是位導演!

他也是一個編劇,大家留意葉偉信的電影,就會發現他的名字,坦白講,他還未有代表作,在這個圈,你無賽績,如果不是社交技巧一等一,想上位談何容易。然後總有人跟你說,你有個好劇本,實有戲開,但我所知他寫好了劇本,找了年幾才遇到曾志偉這個老闆,說他的劇本令他在飛機上,哭得死去活來,同機的乘客以為他失戀,決定幫他開拍這部戲,叫他準備,但一準備就兩年,對呀!他等了兩年,這種執著,對電影的痴愛,我望塵莫及....

終於等到今天



關於他的Debut,我來說實在太唔公平,大家去看罷,畢竟電影是拍出來看,不是拍出來講,但我肯定,他是屬於電影,他是值得屬於電影~~`





看罷在這裡留言吧~~`

12 comments:

Anonymous said...

海灘, 我今日都睇左野良犬..我覺得好ok..完場後有發問時間..我唔知你走左未..但係導演d對答真係正到想死..勁搞笑..
"中間點解加d字幕..因為接唔埋囉..."

其實我覺得佢同你都幾似..講o既野都係咁搞笑...政府總部都係有個摩天輪好...

pvc said...

我都有興趣睇但係荷蘭冇得睇呵..又如你所講佢未有代表作,咁睇番之前嗰啲係咪真係唔得呢!?

噢,拜杜喴,你指"但白講 = 坦白講"係咪 ;) 嘻嘻

多姆 said...

"畢"竟電影...............(笑笑地)~你好啊~第一次光臨~

Pessimist said...

郭子健係不久嘅將來,可能亦會受到「便利」邀請做專訪~

講起「便利」,對上個次買佢要數到"Secure Wing" 嘅年代,當時「便利」仲係一本潮流刊物~

早兩日再次幫親呢本刊物,發現價錢竟然仲平過份報紙... 世界變~ 自己更變,竟然會為一段訪問而再次買雜誌~

但諗深一層,幾蚊睇一編訪問都幾係野... 為咗唔好浪費,睇完編訪問就"黎"手將本野比咗個拾紙皮嘅呀婆,物盡其用也~ =)

anyway, 「便利」應該多謝您個編"Flattered",如果唔係今期又會少咗一位讀者~ 您也要加「710」! 「710」係乜?!老外笑話~ 自己諗啦~

Paul said...

對不起, 我真的無留意, 是否司徒錦源? 如果是的話......又對不起.......不知為否, 他寫的劇唔知點解比我感覺有陣"黑氣".........睇完後唔太舒服......可能e啲叫"好"掛......!

皮里 said...

郭子健

我支持你 !!!!!!!!!!!!

unkle beach said...

toPAUL:

我寫住係「郭子健」,你仲要問係咪 司徒錦源,你係呈心,定係司徒FANS呢?!

unkle beach said...

TO 桃

我當然睇到開晒燈,D人走晒先走啦

唔係咩叫撐場呀!

paul said...

sorry sorry! 睇漏眼!!! 我只不過search 葉偉信, and 編劇....... and see the list of him...... you metioned 曾智偉ma, Then I think is him.

郭子健..... I've only watch "小城大事", will see 野良犬 if it's on show!

qt芝士 said...

灘叔叔, 好掛住你呀~

現在幾乎一個月才有時間來探你一次, 收音機呢, 越來越少聽, 忙得要吊頸~

首映我也有看呀~ 還見到你呢~ 坐在你後兩行

散場時你走得好快, 在大堂還見到你的大頭鶴立群眾, 下樓梯後就不見你蹤影, 好想拍個照呢~

導演好搞笑, 電影亦充滿童真, 特別是樹妖那幕, 彷彿只有卡通世界才出現

期待更多郭導演的作品 :)

Anonymous said...

之前睇戲果陣見到trailer都想睇, but宜家唔起香港所以冇得睇.

Anonymous said...

我又留!!
海灘,首影我都有去睇,咁大個女第一次睇首影.
野●良犬的格,令我諗起sabu/杜琪峰,之但係又唔會覺得唔統一甚至核突.
郭生佢好清楚自己要做一部點樣的戲!

Q