4.01.2007

老伴




無論你什麼年紀,有愛人無愛人,結了婚還是依然單身,夜闌人靜,總會想過你的老伴會是誰,出現了還是在遠方等得著。容我簡單直接,我所說的是老伴,不是丈夫、太太,身份並不重要,是究竟那個人會陪我們走到終點前....

下午同阿七在公園散步,我問她『妳會做我的老伴嗎?』,阿七冷冷地拋下一句『你都傻傻地!』,『妳食我住我,仲要食住我?!妳唔係嘛?!』,阿七瞪大眼睛凝視著我『如果你小心D,唔好再跌我落街,我一定長命過你啦,我龜黎架!』 『即係話妳一定做到我老伴啦!』 『我做你老伴,但你死了後,我就無老伴了』 『妳可以再去找其他嘛~~』

阿七沉默了~~`我們聽見的只有季侯風聲

季侯風之強勁,令我倆更加不想開腔說話,阿七驀然停下來,朝天兄單了一眼,風停了...

『到你死才找另一個老伴,太遲,太無計劃,現在就要開始覓尋.....』

阿七說罷,又再沉默不語,大風再刮起.....

夕陽西下,我倆回家去,阿七突然開腔問


『要早點找其他老伴,還有什麼選擇呢?』

回家路上,我一直在想,可以有什麼選擇,未幾腦內出現了一張清單

有人選擇『朋友』,因為朋友可以有很多,呢個無左仲可以有另一個,加上大家可以互相做對方老伴,呢個死完仲有另一個,但問題是總有一個會最後死,咁咪又無左老伴,雖然說朋友可以不停繼續識,但到時先識又違反了阿七的意願,太遲太無計劃,況且朋友未必能夠照顧你起居飲食,到時仲八成周身大病,要人貼身照料

咁仲有咩選擇

再聲明,丈夫、太太可能在傳統上有義務要照料另一半,但唔代表佢懂得如何照料另一半,當你周身病痛,你的老伴應該是一個私家看顧,男女均可,亦即是說我的老伴是可以用錢買到番黎,更即是說我的老伴是「金錢」,諗深一層更加認同,正所謂「金錢可以解決到的就不是問題了」

要有計劃,不要太遲,現在就開始努力搵錢,但其實現在才開始,是否已經遲了,anyway,又當我真係搵到「錢」做「老伴」,但夠駛唔夠消遣,當然你會說幾十歲仲有咩消遣?咁就睇性格喇,我咁鬼怕悶,無野做真係同等死無分別,即係話要搵d寄托,又唔可以太體力勞動,又要跟人物性物,咁我最大興趣都係識下女仔,但係到時幾十歲可以識到咩女仔呢?唔怕,我有錢,「金錢可以解決到的就不是問題了」,但有些感情是金錢買唔到的,即是說要早點識定多d,否則太遲太無計劃,亦即是說我要識定一d到我 七十歲 係二三十歲的女仔,即是說我現在要向剛出生 的女嬰埋手.....



『喂!你好似幫我搵緊老伴喎!』


我與阿七相視而笑,『我同我老伴行多陣先番去,你番屋企先..』,說罷阿七就轉身而去,我們不約而同唱起這首歌來...

「除非你是我,才可與我常在............一個人 同偕到老不靠運氣~~」

15 comments:

Anonymous said...

-helenato-

亞七同你老豆講:
真係頂佢唔順!
叫老豆快d幫你搵個伴,
唔要佢做你個伴,
佢比你食住係責任.
see!


p.s.尋晚"午夜閒談"明明錄音仲乜扮直播!

qt芝士 said...

這個題目, 突然感受很深。

爸媽有位四十一歲的男性朋友單身未婚, 他們叫我幫他找個女生。我盡人事, 向女朋友們宣傳, 但他們看到照片後, 頓然變得非常禮讓。外表這回事, 我亦幫不上忙。

與那個 Uncle 談天, 才發覺他是工作狂, 沒有嗜好, 不看書不看電影不愛音樂, 性格毫不風趣 ; 生活除了喝點酒, 就是工作。

他的挑剔, 來自身家。他認為有錢, 就可以找到女人, 偏偏又看不上內地佳麗。

這位 Uncle 的下半生, 很可能只與錢為伴, 孤孤單單, 數著銀紙過....

bo said...

老來是否要受苦, 那是要看個人的福緣。 耍能夠得到真正的「老伴」, 就只有那一份真正無條件的愛。我深想, 就算到了那天那位「老伴」不在人世,這份愛亦能足夠「伴」我走下去, 因為這份愛「與我常在」。

unkle beach said...

『愛』留心中,當然可以歷久常新啦,我講緊係實實際際的一個物體,叫「老伴」

sin_h said...

最實際的老伴,就係自己

unkle beach said...

你再反問我嗎,但又沒有問號

我都講左啦

bone said...

『與我常在』是否你的 " 有誰共嗚 " 中的一個選擇?

unkle beach said...

to bone:

唔係, 人來人往先係

j said...

原來uncle beach你這麼感性,
跟節目中的衰衰格形象很不一樣啊~~

我覺得找不到伴最可悲之處,
不是沒有人在身邊,
而是拼了命去找也找不到的那個過程,
以及那份絕望。

同樣找不到伴的j

Candy said...

做人,再幸運,也還是辛苦的.......

美豔人妻 said...

老老實實, 呢個世界咁多天災人禍, 可能未老先死... 有咩老唔老伴丫. 担心咁多做咩, 活在當下把啦

bone said...

終於睇翻你的 "有誰共嗚" 之選。 ^-^

鳳凰山 said...

而家搵個伴都難啦,仲講定老左嗰個伴,仲難個搵工,日日自問自答,自針自飲...-_-
我都系eason 嘅忠實聽眾,d 歌好有共鳴...

Lolo said...

我講的可能有點不能接受。 但我覺得愛情只是人類自我包裝。 但好似其他動物咁﹐ 我地天性是需要一個伴或者一個可以傳宗接代的人﹐又或者一個可以一起生活同建立家庭的人。 愛情只是開始那一霎那的感覺。 要維持一段長期的關係感情和包容才是最多。
不知道有多少人認同我呢?

Anonymous said...

RE: "再聲明,丈夫、太太可能在傳統上有義務要照料另一半,但唔代表佢懂得如何照料另一半"

i think this describes a lot of people who rush into marriage b/c it's an expected behavior and milestone in their lives. but there ARE people who marry, and CONTINUE TO GROW as individuals and WITH their spouses, learning how to deal with crisis that happen in life. it's valid to ask "what happens to me when i'm old" in this 老伴 post, but have you thought about "what happens if we give birth to a disabled child as a couple? what if our child has congenital disease and won't live past 2 years? what if our child is killed by a drunk driver just after high school graduation?" worrying about old age and dying seems narcissistic when there are many other life-long burdens for many people...

RE:「金錢可以解決到的就不是問題了」

there's care, then there's QUALITY of care. if the person you hire to wipe your ass or turn you over to prevent bedsores -- when you can't do it anymore, but they do it treating you like a vegetable, non-human, dirty laundry, etc...is it still worth it?

mid-life crisis comes in many forms, i sure do feel for it...