3.05.2007

人生得一知己




小時侯,家境並不算富裕,父親是斯文(seaman),一年先會回家一兩個星期,妹妹未出世時,媽媽除了照顧我之外,可以同我玩的,就只有自己。
媽媽有見及此,怕我孤單(當時未有自閉概念),但又未有時間,對手,能力生多個陪我,於是媽媽選擇放我周山走,而我同樓下五金鋪老板個仔,同我年紀相若,好自然我就同佢玩得好埋,俗稱「Friend左」,一玩就五六年,到我十歲時,我要搬走了,好友要分開,大家都難捨難離,承諾以後要保持聯略,一星期至小要見一次面,終於我們再次見面已是我中三的時侯,大家長大了,相對無言,對方不停向我重述昔日開心片段,但我一點感覺也沒有,對方心痛得要死 「你唔當我friend喇?!」

道行未夠的我,竟第一時間說了個大話 「梗係當啦!聽日再約出黎玩丫!」,在逃躲他的那一天,我心情好亂,其實我真係同唔到佢再做friend,當時我唔知點解,只係覺得自己對唔住人~``

我跟一個男同學, 由中一至中五都是同班,抄工課、走堂、出貓、識女仔、睇咸戲、賭馬、踢波、去P,做每一件事都是一黨,理所當然地得到「死黨」的稱號。畢業後他到了台灣讀書,起初還有聯略,但發覺大家有了距離,我已經在社會打拼,凡事以實際為本,他仍然虛蕪飄渺,我發現根本大家是不同世界的人,我開始疏遠佢,無聯略,收到信都唔回,怎至唔睇!

多年後在一個朋友婚宴上再遇到他,我只是跟他打招呼,沒有刻意走近,後來大家喝多了,我跟他喝光一杯酒之後,佢鍊住我膊頭同我講 「你唔當我friend喇?!」

「friend乜X呀?咁岩安排同一班,同學黎咋!」

酒精讓我坦白,也令我傷了一個人的心~`

我近十年沒有見過他了,直至....

今朝做完節目,我在荃灣銀龍食早餐,突然有人親切地拍拍我手臂,然後坐到我對面,我同他微笑,以為我的FANS,心裡想這個麻甩佬駛唔駛咁熱情呀?

「我呀?!阿mil呀?阿狗呀?」

「係咩?!嘩!我真係唔認得!」 然後呢個近十年無見的人,就滔滔不絕把佢近十年的景況講我知,我凝神聽著,但一點也聽不入耳,只感覺到有個似曾相識的人,在我面前show off,又當是我唔夠訓心情燥而過敏,佢跟住問番我
「你掂啦,做有線」 「我做完羅喎」 「係咩?!同阿毛毛打牌果個喎,咩四方城喎!做完喇咩?」
「係呀!岩岩上星期last集」 「係呀,我無裝有線.....我成日出埠,一年都無兩個月係香港,無謂裝啦」

如果是真話,咁都俾我撞到你,都算係我倒霉~`

呢個世界,救你果個永遠是你最憎果個,我的電話響起,我從未覺得cool call是這麼可愛,這麼溫暖,這麼知情識趣,我是多麼有興趣聽你推廣你們公司的會藉,「唔明喎!妳再講清楚d....慢慢講,唔好心急...」
「喂!唔阻你......」 理應完結,怪就怪自己口快,慣性同人講再見,仲會加多句「再聯」,「我個我個電話你」 我示意電話正在使用,無法入電話號碼 「你講俾我聽幾多號」 我又即本講,反正我知你入完就算,一定唔會SAVE,「打俾你」 佢講完就走,「唔該!我唔join喇~`」 「先生,其實...」我收線之後,電話又再響起,我以為cool call覆桌,正準備收佢線,發現是有一個有顯示的電話號碼,響了一聲便收線,是剛才的人打給我,我驀然有點內疚,我把他的電話save了,反覆問自己「他其實也算是我朋友?」問到自己肯承應為止。

不是每一個人也可以成為朋友,成為知己,上天安排他們出現於你身邊,就是希望你們成為朋友...反覆自我催眠,讓自己相信這一套想法,正當我迷惑得頭昏腦漲,我在傍晚收到他的來電,深呼吸後,我決定接聽,「喂~``」 對方呆了一呆 「喂~`你係~``係咪張生呀?」 我還以為對方給我開玩笑 「唔係呀,我姓歐陽架」
「歐陽生?!你邊間公司?唔好意思,我唔知幾時打過呢個電話黎~~`」 「咁我估我打錯!」 對方靜了三秒後,再見也沒說便收線~`

收線後,我把他的電話delete~`

我不介意沒朋友,卻很討厭你同我扮朋友,人與人有無數的相處方法,形式及關係,同學並不一定要成為朋友,同事、合作伙伴可以有合作上的感情,但不代表可以轉化成朋友。

在某個階段交匯過,然後各自到自己要去的方向,我們不是朋友,只是萍水相逢的一場相識,勉強只會破壞最好的關係。

人生得一知己,就是自己~``

18 comments:

Anonymous said...

-唔係導彈女-
好唔認同你呢種人生觀,
希望不要藉此蔓延下去,
人生就如一幅puzzle,
每個人都係不同形狀的小拼塊,
就因為不盡相同,
大家結合起來至可以睇到自己的真像.
社會都唔係屬個體及單一化啦!
鄒媽媽太疼你了!當你少爺仔咁待你!
世界有太多野不得由人去選擇,放棄及緊握呢?

Yee said...

很真實的事實
但從不想接受

近日從新朋友口中得知中學同學對自己的看法
還加插些無中生有的故事

自問重感情但現實卻可怕得不能接受
可能我的角色是你的朋友們 現在明白對方的感受
明年開始出來工作不知會怎樣

summer said...

題外話
灘叔﹐最近經一個好朋友介紹﹐我睇左出大陸電視劇﹐叫"我們無處安放的青春"。聽到系大陸片﹐本來幾抗拒的。但卻被那清新的故事﹐演員精湛的演技深深吸引住﹐睇完之後久久不能平靜。此片給我帶來難以形容的感動與震撼﹐讓我對愛情有了新的體會。有機會你都睇下。

share完畢

灘迷summer

chinKerbella said...

雖然我不信大部份人只是萍水相逢, 但仍然多謝你的講解.

賀少 said...

我覺得感情就好似炒飯
當初有配料炒成飯
大家心如熱火
炒出黎又香又好食
到整飯"嘆"凍哂
都還可以入口
如果你仲想食碟飯
聽日再番炒,都仲可以食
食完又炒 炒完又食
但如果無心的話,炒完1次,就會88
突然太耐無見,當然無言而對
但碟飯凍到無可再凍果陣,連想番炒既心都無,就姐係話呢碟飯已經玩完

另1個朋友,中1-中5都玩埋一齊
但你竟然都話同班先玩
咁樣咪姐係表面fd?
姐係係班房就fd,出到街就唔so人?
原來你果代都已經有呢類心態
我以為以家先有tim.......haha
不過你都幾得意,樣樣玩埋一齊
最終只係1句同班,咁樣其實姐係有fd又得,無fd都得???
咁你係唔係有聽眾又得,無聽眾又得架?
XDDDDDDDDDDDDDDD

scarred v said...

非常同意你最後的三段!
每個階段的讀書、轉換的工作﹐那時除了周末、放假﹐幾乎天天見住﹐不由自主的熟絡起來。 但是離開後﹐再見時已或多或少有隔膜感。 套用倪匡說法: 友情的Quote用完了。
嘆息! 無奈!

Frankiewoo2001 said...

好細個已經相信朋友係有時限性既,到時到候夠鐘就會走架勒,呢刻係好朋友並唔代表以後都會係,咁當然如果做到就最好啦,但從不強求。

Pessimist said...

您禁嘅態度真係非常現實,但無奈呢樣又真係事實~

小朱飛刀 said...

今篇似乎灰了點...
令我想起阿兜故事中,ms chan與舊同學聚會的一幕。

我也是衰人,也怕煩。
普通的一場xx, 如無興趣,碰面時只會打招呼,不會多言,更不會留下電話號碼,msn, 試過當面對著某人說:"不用吧!"
所以通常識趣的便會say hi & say bye!

朋友這詞也不太適用我身邊的人,因能在我身邊,大多是我的愛人,後宮,Angel...他們已遠超了 "朋友"這名詞。

Anonymous said...

或者灘叔你做依行識ge人太多,有太多人會陪你hea...
我地d平凡人睇"知己"/"朋友"睇得好重,關鍵時候係生係死都靠佢地架喇~

joey said...

在成長唔同既階段身邊總會出現"best friends",今日回想返..當初既best friend 有幾多仲有聯絡呢 ?? 亦唔需要特別去搵人...特登做既野...唔會好啦

除非你是我...才可與我想在

ms.ng said...

有同感。多可悲。

Yuki said...

中學畢業的時候,同桌語帶不捨地跟我說:“好唔捨得你啊~!好唔捨得我地坐係附近嘅幾個好朋友~!你會唔會唔捨得啊?會唔會掛住我地啊?”
我好坦白地答“唔會”并且補充說明“或者你覺得我地幾個係好好朋友,但我祗覺得大家係同學”
不過幾年後的今日,出乎我意料地,我們真的變成了很好的朋友。(開始的時候,很大程度上,是同桌采取主動去維繫)
偶爾想起畢業時自己所說的那番話,覺得自己太殘忍了。
於是問那位同桌:“之前我講D咁嘅嘢,你點解仲會同我做好朋友?”
她說:“好朋友邊有得咁計嘎~!無辦法啦,鬼叫我想同你做好朋友咩~!”

有時候,原本以爲一生一世的朋友,結果未必如此。
但有時候,原本以爲只是過客的人,最後卻能細水長流。

說這些,祗是想平衡一下自己看完你的故事的感覺而已~!:)

鳳凰山 said...

睇完成段文章,最後一句最精竟,知己就是自己,我有好多兄弟姊妹,但由細到大都系一個人獨來獨往,又無同學鍾意同我玩,而家仲系無業添...灘叔...我唔知點算....

chair@Xcross said...

Is this the thoughts of a 40 years old? but how come, u sounds so lonely.

pvc said...

我返來囉...走開咗一個禮拜要慢慢補習番你幾篇卜 :)

我好同意你嗰句"在某個階段交匯過,然後各自到自己要去的方向,我們不是朋友,只是萍水相逢的一場相識,勉強只會破壞最好的關係"...係好真o既事實,有時以為有啲朋友係深(或心)交,但係會好奇怪咁唔知响邊個交匯處突然變成陌生人,我開始學識無論同邊個朋友幾好幾深交都好,唔會期望會一世係我個知己

波膽明 said...

唏! 我想起一首歌──《心靈的迴響》,歌詞是這樣寫的:(好BLUE的, 我不喜歡, 不過吿訴你也無彷! 等你也BLUE埋一份)

天空裡散聚雲片片
無奈月明星不閃
莫流淚悲歡合離是難免
祈求上主恩每一刻能抹淚面
世途裡恩怨恨愛定會現
心靈中多少困倦與掛牽
向前去不怕浪裡多風險
熱誠共創真美善
願主愛常記念
求恩主引導每一天
願真愛傳世上
永生福共享百萬年

qt芝士 said...

你燥起上來, 全世界都可以變為敵人