3.24.2007

最佳距離




有人會認為我沒安全感,有人會認為我不信愛情,有人會認為是心理變態,講不中的,我是不會回應,正所謂「心事有誰知~`only U & Me」

人與人之間,可以保持到最佳距離相處,關係至可以恆久遠,你認同,恭喜你!你是U,我是Me,如果你唔認同,唔緊要,我地由呢首歌詞講起

最佳位置



我也數過 排著隊等討好你有幾個
還未有新空缺 來容納我 正選只得一個
後選經已太多 我細心想過
停在今天這一處也不錯
越過知己的親密 然而未有擁吻過
共你這麼的曖昧 已得到的甚多

* 無論你喜歡誰 請你記住留下給我這位置
時常在內心一隅 空出幾時為我堅持
同度半生 亦有張椅子 是否愛還是其次
只想你依然 亦想得起我不是 任你處置

女友一走過 鄰坐空位都可以坐一坐
若你珍惜我 不如從來沒有愛戀過
互有好感的尊重 更加可貴麼
Repeat *

比不上戀人 但廝守一輩子 無論你喜歡誰
請你繼續留下身邊這個位置 時常在內心一隅
剩低幾時 留給這女子 誰共你好 都不礙事
我都會衷心支持 未必所有關係 亦受得起刺激
但我可以

虔誠地 熱戀一輩子 共你也許
真的不容易 喜歡你 最好不要講 安守這位置

詞:黃偉文


有人認為歌詞導人放棄,甘心做那些花花公子的永遠後備,重點就是這裡,「永遠」是要付出代價的,你夠愛對方,就會想出難以想像的方法去遷就,去容忍,知道難得,你才會知足,不奢求,就會有永遠的快樂,這已是超越以退為進的智慧,跟『野孩子』一脈相承,我做的一切,就是要我不在你身邊,但永遠在你心裡面

明知愛這種男孩子,也許只能如此,但我會成為你最牽掛的女子

這份愛來自尊重,而這份尊重來自他們之間的距離!或許我完全曲解了黃生的意思,若果是真,對不起`~
但保持距離,我是從黃生身上學回來的。

文字、創意上,我是黃偉文的hardcore fans,曾經因為在電影上經常以不同形式合作,算是混熟了,而我也混淆了,工作上的熟落,是因為工作而熟落,工作過後,未必是朋友關係,就算是友人關係,亦應該在某個距離下,同時享受相方自己及共存的空間,過了界,問題就會出現!上次跟黃偉文吃飯,是因為錄完節目,佢仲有個幾鐘先到下個appointment,而我等夠鐘做節目,就是因為咁,我竟然得到黃生邀請共膳,過程仲傾到兩嘴,對我這個小fans黎講,甜到有d擔心係咪應該去醫院check check有冇糖尿;我再沒有超越這個距離,不會得閒打下電話約佢食飯,好耐無見約出黎飲杯野,總之anytime撞到有野做未夠鐘又有mood,咪互相做下「牙簽」,有時跟車太貼,嚇怕對方,踩油遠去,那份失落包含著自卑,保持適當距離,就算對方突然急煞,你都仲有時間收慢,選擇超越了對方,還是繼續安守你的最佳距離。

至於什麼是最佳距離,當你一次又一次發現自己「早知同佢唔好咁熟啦」、「如果無同佢拍過拖,就唔會知佢咁多衰野」、「我一直對你咁好,點解你咁對我」之後,你應該知道邊d唔好問,邊d唔好做,就唔會把大家拉到咁接近,我估那個離職警員李藝,或多或小會後悔跟除步高如此接近過~`

14 comments:

DOUBLECHIN™ said...

唔同階段需要搵唔同類型吧! 如果要係呢個topic上分,
1)commitment-phobic (eg. 你!)
2)先commit後作反的 (人版為包二奶, 一腳踏兩船, 紅杏出牆等)
3)仍然對一對一愛情充滿憧憬, 仍然堅信one life one love (我想只有教徒吧!)


李藝又點會後悔呢, 男人十個有七個會係咁, (其餘三個係同性戀). 十個警察有十一個都係嫖賭飲蕩吹樣樣精. 佢有日死埋, 另一個李藝又會走出黎數返佢.

Anonymous said...

我覺得人與人之間一定有距離,就算係我ge家人,最好ge朋友.
而且要保持距離,有d位留白,大家都舒服最好

Anonymous said...

That's why 一生中最愛o既永遠都唔係最後同你o係埋一齊o個個。可能就係怕面對面見到佢粒鼻頭瘡就會嘩一聲大叫走o左去,不如留番o係夢中相會,起碼訓醒時會笑住流哂口水咁醒。唔係唔信愛情,而係相信愛情同糖尿病一樣,都係長期病患,有苦自己知。

Anonymous said...

海灘今次既文章,我完全同意.
以前細個覺得一清二楚地明白對方一切叫尊重.宜家大個左先知道,原來留空間比大家先係最有禮貌既尊重 ^__^

Anonymous said...

ummm....

relax...


thank u unklebeach.

Unknown said...

Unkle beach, I agree. But it is hard to keep the distance. I think at the beginning of each relationship, the first few months is the sweetest, then...distance steps in...sometimes this distance can drive people crazy. Asking questions such as "you don't like me anymore? Do you want to break up if not why you didn't talk to me for a few days..." 珍惜才是快樂 but...知易難行....

Anonymous said...

我係非常好同意架,同朋友唔可以太過近距離關係,即係老友可以多但係最好唔好個個都咩心事都講或勁投入地好,因為可能真係有一日會好離奇咁:

問我有沒有 確實也沒有 一直躲避的籍口
非甚麼大仇 為何舊知己在最後變不到老友
不知你是我敵友 已沒法望透 被推著走
跟著生活流 來年陌生的 是昨日最親的某某

所以保持距離好D...

Anonymous said...

海灘﹐非常同意! 但係知易行難﹐唉...
本來我算是幾灑脫﹐獨來獨往﹐我行我素的。
但近幾年結識了位比我年輕的同性同事﹐由普通到算係熟稔﹐都當係朋友。越來越覺得自己對佢有點依賴﹐不是同性戀那種。
可能我比較少朋友可以講心事﹐見面都只是風花雪月﹐嘻嘻哈哈的。 但可同佢傾到計﹐佢又會講佢嘅私事。
但每次見到同朋友或其他同事MSN、傾計﹐有點羨慕佢地有咁多嘢傾﹐令我覺得自己只是佢其中一位普通同事或朋友。 這類矛盾自尋煩惱的心態已困擾我幾耐了﹐簡直有點千年道行一朝喪!
成日想搵個唔識嘅好人﹐向佢傾訴我的仍未解開嘅心結。 我當在這裡舒發吓啦。
抱歉有點長氣...

Anonymous said...

您手寫我心,但求每句真~

Anonymous said...

灘,
很認同你的說法.

我都身同感受FANS跟IDOL之間最好都是要有一點的距離.

Anonymous said...

-helenato-
要keep住個呢個距離,
平日人同人相處,
駛唔駛計住數?記住數架?
我個老死禮拜六飛甩個老公,
陪我去食飯,咁我點計? 好驚!

Anonymous said...

唔...現在譚生及韋小姐正處於此階段, 大家步步為營。
想攻,卻有太多因素不能攻;
想退,但有違心所願...
海灘, 你又一次寫出我心所想...

Anonymous said...

應該早o的寫依一篇lor...
依家撞左先發現跟車太貼...
慘...

Anonymous said...

最可憐的, 是有些人一輩子也不知道該與誰, 保持怎樣的距離