3.19.2007

其實......為了..



當年做電影,喜歡還是其次,其實我是為了唔駛番朝九晚五,逼車逼lift的沉悶辦工室工作,就等如求學時,唯獨對中國文學有興趣,其實我是為了接近心儀的學長...

人其實好多時做一件 事 都不是為了真正想得到的東西,正如林海峰說黃偉文做任何演出,其實只是為了著下買了的新衫,相反,林公子其實都係為左設計海報、封套,先會搞唱片同電影,最近跟他閒聊,他說做棟篤笑其實是為了可以放假,不用番電台,哈哈`~`

近年來,我努力做電台,其實是為了不用寫劇本,不過呢度我可以聲明,我並不是不愛電影,只是我需要想清想楚,要搞的電影應該是怎樣,無其他工作,我難以做得瀟洒;因此近年我看的書與電影,其實都是為了這份工作,大部份並非我興趣所在,但自覺已太幸福,基本上工作就應該是沉悶、辛苦、難捱,求生嘛?快快樂樂果D享受,我有時還可以享受一下,算上天眷顧.~~`

我不是Frank miller 番薯,我睇BATMAN,其實是為了捧Tim Burton同christopher Nolan場,所以 無睇到SIN CITY,是因為唔知為乜。前晚跟劉律師食飯,他說「300是真正的電影,去看罷,他會告訴你什麼是用畫面說故事!」 我跟劉律師的電影品味接近(但著衫絕對迴異!)就例如最近我看罷「Babel」後,覺得太過譽,部戲根本「膚淺堆砌」,但最怕同d大熱拗,一直藏於心底,不作評論,直至有晚劉律師給我對Babel的評語,竟然是同樣的四個字,「Bingo!」

我有時看一部電影,其實是為了看罷可以跟他有同樣睇法!不過今次去看300,我其實又是為了另一個原因......




曾經在這裡住了一段時間,可惜人逢不如意,總認為作出些改變,便可以扭轉乾坤,然後首當其衝的,就是居住的地方










從前我喜歡這裡,是因為它是『大站』,是接駁出城市的必經地,也是通往機場,走向世界的最後驛站,因此這裡的商店搞得有聲有色,熱鬧非常,每逢假日,我都不敢離家,怕被人潮淹沒,或者擇些老遠的地方,就像重陽登高一樣,要避開凶襲後,才敢回家去...」








話雖如此,我其實一直想搬番去住,為的就是這個人稱荃灣區「海濱公園」的地方,散步乘涼、岸邊垂釣,又或者在「意粉屋」與「扒皇之皇」的露天茶座享受微涼海風,好不快哉。我曾經有段時間,跟另一位編劇,每日在這裡度劇本,如此優美的環境,當然度不出好野,個劇本亦胎死腹中,再一次証明,工作環境太好,是交不出好貨的根源。

再臨舊地,竟然感覺一樣,太不習慣這裡的繁囂,甚至連海濱公園外,亦坐滿各式人種,還是有時間便過來逛逛,反而會看到它的優點,勉強只會令到大家更憎大家。

其實今日去的目的,是為了肯定自己不應搬番去~~`



講番部戲,我開始懷疑,不久將來會有部電影的賣點是『絕無特技加工,全部真實拍攝」,浩大的電腦特技場面,絕對不是我杯茶呢,我更加認為這是一部「女人戲」,妳其實肯忍受血腥暴力,都是為了兩個鐘可以目不暇及地享受戲中男主角們「實dikdik」 的肌肉,和他們有點過份的男子氣慨,各取所需,只要你清楚其實為了什麼,要得到的,你總會得到~~`

13 comments:

WendyH said...

呢句我讚成呀”只要你清楚其實為了什麼,要得到的,你總會得到”
為左盡怏完成手頭上工佢咯:<
宜家好累,仲做緊野,不過我一定會係今日臨訓前攪掂佢,共勉之:)

Anonymous said...

OH~怪不得我整天都糊糊混混.....因為我根本不知道自己想要什麼....難怪我現在什麼也沒有....呵呵 !

Anonymous said...

其實而家香港人好扮野, 本來係一部好電影, 但可能佢只係因為底本製作, 又或者製作人或演員唔多出名或紅, 又或者無乜影評講0下, 咁就比人打入冷宮"唔理" 當你無拍過, 睇你唔到. 不過又講番, 係呢2幾年hk電影乜題材都拍過, 要再突破吸引觀眾真係唔容易. 我一向都對幕後野好有興趣, 想過叫親戚介紹我入電影行, 最後沒有係因為父親不喜歡.....所以, 你呀,同你的同業, 唔好放棄, 比心機呀, 放完假就歸位啦! 支持香港電影! (我從來都不買老番和 BT)
好似離哂題! =p

Anonymous said...

"不久將來會有部電影的賣點是『絕無特技加工,全部真實拍攝"

洗乜不久將來﹐港產片大把係咁
你地班友不嬲都以此為傲架啦
攪到o的港產片題材窄到爆﹐埋沒晒好多有創意o既想法同片種..

Anonymous said...

THINK before you speak
T - Is it truth? H - Is it helpful? I - Is it inspiring? N - Is it necessary? K - Is it kind?
覺得幾好, 共勉之

Anonymous said...

徐步高都係因為人工高, 所以先做警察播!
咁你又因為咩, 所以考慮搬返外家住呢?

Anonymous said...

還有, 支持你的人, 是不會因為少了一個cbox而不再留言! 努力!

teresa said...

“為了接近心儀的學長...” what? 甘你即系间接承认你系......anyway,真正成熟理智的男人而懂得偶尔感性还有思想,绝对系charm 死人嘎~~ but,经常听导师讲迷失是做人的基本形态。
滩叔,你进化得太完全lar~~最近看到有句野:世界是一做桥,走过去,不要在上面盖房子。

Anonymous said...

因為唔想朝9晚5咁死板,所以去做電影
你真係得架啦 = =
不過呢個世界,你望人好,人望你好
勞動力的低下層,永遠都望自己入寫字樓安安定定,正所謂白領藍領
白領永遠都係高人一等之感

做人做事,永遠都係為目的而做
表面上係為份工,其實都係為私事
如你所講,做show有新衫
做碟可以唱歌 整封套
讀文學可以親近學姐
至於返工搵食,佔大部分因素都係想有3餐1宿!!你估真係為份工 為理想 夢想?
理想同夢想,係人類心目中係追不到的夢

你地住新界區既人.d地方又大又正
雖然係遠d.但真係一流!
剩係個公園已經值得我搬入去!!
我日日坐mtr都見到張海報
係咪講耶穌聖戰果d野架?
戰爭片?

moorl said...

recession 只是繁荣高峰的前夕!

Anonymous said...

嘩,好耐都無上過黎la!
uncle beach,俾心機做好d電影呀!

Anonymous said...

-helenato-

工作就算係重覆又沉悶,
一班同事有傾有講都ok,
所以人同事都係返工o既原動力,
有時關係有d屋企feel,
成十粒鐘點過呀,有野食大家食咁啦!

純粹八掛問下:賀少去左邊,佢人間蒸發?

Anonymous said...

有朋友仔說看到想嘔, 所我想看卻不敢看