撈碧刁

日日在想應該點介紹今次本新書，終於諗下諗下，連本書已經出左都唔知！不過「撈碧刁」啦！本書咪就係想講呢野囉！ 凡事唔駛咁緊張，咁用力，享受過程，其他都是「撈碧刁」！

呢本書你應該十五分鐘就可以睇完，因為呢本其實係「工具書」，根本無話幾時睇晒，你需要時就揭揭吧！希望大家都可以從「撈碧刁」中得到快樂！

革命成功 ！

有份出過力的烈士，齊來狂YEAH十聲！今晚（13/7）19：52收到了出版社R小姐的通知「《麻不甩》決定翻印！」 YEAH ！ YEAH ！ YEAH ！ YEAH！ YEAH！ YEAH！ YEAH！ YEAH！ YEAH！ YEAH！

但由於成本問題，呢個版的麻不甩，訂價會比原來貴少許，但我會加插少許新野，作為「補償」，希望各位到時鼎力支持！千祈唔好EMAIL左去話會買，但到頭又DA 咩，搞到存貨仲高過我！咁到時就不但瘀爆，我又無晒公信力及面子，人家仲要蝕錢！所以各位「刁員」，記住幫襯呢個「特別版」，唔好搞到佢變「特別慘」！刁？

救救OUT海灘

關於我的新書，請繼賣留意，好快好快就會有「大披露」，新書未講，先來過舊書回顧！

隨著流動電話3G網絡、智能手機、電子閱讀器、平板電腦等技術的興起，「電子書」在出版界引起一陣衝擊。天窗出版社於今年書展期間，將與iPhone/iPad電子書製作公司Innopage合作，推出多本iPhone/iPad電子書，當中重點作品包括袁彌明、鄒凱光、C君等多位城中名人的電子書。鄒凱光除了為舊作推出電子版外，新作亦計劃推出電子書。而書展新書《袁彌明28日魔幻煥膚全體驗》，更全港首次破天荒以創新形式同步推出實體書及iPhone/iPad電子版，創香港出版界先河。

Innopage聯同天窗出版社，邀請城中名人作家，與及香港互聯網協會會長莫乃光先生，於2010年7月14日(星期三)旁晚，舉行《城中喜「閱」之 名人電子新書分享會》

日期：2010年7月14日(星期三)
時間：下午7:00
地點：海港城海運大厦2樓 SportX (近Freshness Burger)

嘉賓名單：
 香港互聯網協會會長 – 莫乃光先生
 電子書出版商
Innopage Ltd. – 李勁華先生
 出版社
天窗出版社行政總裁 – 李偉榮先生
 電子書作者
袁彌明小姐 –《袁彌明28日魔幻煥膚全體驗》作者，新書與電子書本全港首次同步推出
鄒凱光先生 – 編劇、導演、電台節目主持，作品《愛情補藥黨》將推出電子書版本
項明生先生 – 香港首本中文旅遊電子書《足足五千年》作者
江康泉先生(江記) – 本地人氣漫畫家，曾推出廣受歡迎的電子書漫畫《飯氣劇場》
何故先生 – 跨媒體創作人、中文大學兼任講師、電子書《月華輪舞曲》作者

得閒就來見見面吧！btw，有冇人可以一日之內話我知「電子書」是什麼呢？！秘書我就搞得多，電子書我真係未掂過.......HELP~`

配合出動

耆英倫又搖又滾仿真人聲組合《KUeung奶 識架》為左配合我出新書，全新大碟「Mountain吞」將於書展內同步發行，你想聽乜？到時現場可以即時點佢地唱，暫時睇住封面同各首歌推介先




主打派台歌 「相聚很久R羅柚」 ，一首關於「R羅柚，其實唔係醜」o既勵志亂交響樂式跳草裙舞單曲，刁扑 雜誌今年跳舞十大第八位




第二主打歌「我在藍天下看那穿紅格仔的男孩而突然愛上了翠華造奶油豬果位師傅隻左手第二塊手甲」，從歌名就知道隻歌係走簡約路線，極少樂器（只得53種），二十九重奏，保証聽二百零次就會上口



最後個人訓身推介 《黑超,叉腰,撈碧刁》

新曲簽名會，於二十四號我本書個簽名會同場上演，到時希望你會現身支持，刁餓撈刁？

行動代號

呢個星期一過，世界盃一結束，就係我行動時侯，應該話就係「我地」行動時侯，行動目的好簡單，就係無限量支持我！行動代號為單字一個「刁」，刁員見面，互「刁」一聲，就可以核實身份，越多人「刁」，就証明越多力量！如果你已經決心成為刁員，請留低暗號，我就會通知你行動日期，地點，同準備.....所以盡快留暗號啦！
個暗號係乜？咪又係單字一個「刁」囉！

燈

Everything is 燈！今天一切排版已經燈，其他同志繼續挑燈，迎接新生命降臨，Well 燈！


還以為第三次做老豆，應該無乜感覺，但今日完成排而版後，對呢本新嘗試的怪書，一直抱著質疑態度的多年老友兼編輯小姐秀秀，竟然衝口而出地說「頂！本書幾好睇喎！」，我忍唔住笑反問「好睇都唔駛頂呀？」然後佢鬆一口氣「我真係好擔心你本書，我都唔知係乜o黎，家下至放心d！」「唔駛咁緊張，一件事能夠燈，就已經彥笠芙，其他都係撈碧刁！」不過安慰完佢，我自己竟然有點第一次做老豆時的既緊張又興奮的心情，正！仲有十七日就可以同大家分享~`超期待囉！

七月最應該做的事~`

無論外面有多熱，無論其他人有多燥，我行我素，我節奏沒有被影響，就依然活得精彩~`



長氣都要再講 「能夠到處睡，其實是一種福氣！」

悟

收到了天窗老闆的回覆，內容大致是「由於成本問題，翻印「麻不甩」擔心銷售不佳，會引至虧蝕，所以翻印的機會不大，但就承諾會趕快於八月推出「麻不甩」的電子書，連同「愛情補葯黨」一起面世......」

這算是失望中的希望嗎？我們再可以做的已經有限了，除非各位email去聲明會訂購，而人數又有二千人，咁「麻不甩」就有可能翻印，有心人可以考慮呢個方法，又或者我會問佢取回版權，自己搵方法再印，但要俾小小時間我做野......








突然覺得自己好執著，其實係咪無咪算羅！邊個想睇，一定有人可以借到俾佢，唔一定要擁有，分享才是最重要，所以邊個無麻不甩，但又想睇，我仲有一本可以借俾大家！因為我有兩個好錫我o既老友，阿wing同annie都搵左本俾我！我可以借一本俾想睇的老友！想睇就出聲！

都係放下最舒服~`

eclipse

黐左線！好似十八歲一樣，急不及待到部戲未上，就狂煲隻soundtrack，仲一日三次，八個鐘一次，起身就聽，臨訓又聽，未食野前又聽，飽肚後又聽，所以我心裡面已經有晒每場戲畫面，好心急想知電影跟我想像差別有多遠，仲有幾日，就可以見到bella！正！至於男主角，由於我睇完Remember Me，對佢有點膩，暫時沒甚感覺！無所謂啦！我都係想聽歌同睇bella，呢仔走開啦！

很多人話覺得頭一二集真係好悶，唔知點解我會咁鍾意，原因只得一個，「我太鍾意女人，我太鍾意知道女人在想什麼！」各位如果你有日覺得Twilight好睇，你就一定唔會媾唔到女，但如果你反應是「我都無男主角咁靚仔有型大隻！點會媾到女丫！」，我勸你繼續再睇多幾次Twilight，或者返入房繼續上網打機吧喇！