我只看到......

雖然出版社繼續小覷我們的力量，終於搞到簽名地方一轉再轉，我都未想過係個「詢問處」到簽名，但無論去到邊度，你地依然係度，I love U all！

我仲未可以重組今日的流程，係腦中只有大家的笑容，唔信你睇 睇~`

你們的笑容，是我最大的能量，些些~`

思U嗲牙

坐立不安，但唔係痔瘡發作，係好開心自己仲會有d緊張，就好似細個學校去旅行前夕訓唔著一樣，記得媽媽當時同我講「呢d就叫興奮，開心先會咁」 YEAH~` U damn龜！

期待聽日又有得同大家玩！正！記住著得靚d同小d呀！同記住刁我呀！聽日三點見，簽到無人就完！

些些~`

又其實

我第一個提供而被出版社反對的封面，就是這一個，反對的原因是「一來睇唔清個樣，二來個底好雜亂 三來你件恤d直條影出來會變形 四來佢地根本就唔鍾意」

雖然現在比較下，現在封面係比較合適d，但呢張「森林高射炮」，我覺得總會有一日逃出生天！如果有日我做「壯陽藥」代言人，呢幅肯定可以好藝術角度出發去配合到隻藥！

「森林高射炮 乜鄒都幫到」

其實

其實最先呢個並唔係「撈碧刁」的封面，影呢幅相係因為我好鍾意威士忌JOHNNY WALKER個KEEP WALKING標誌，好想影番一幅，然後影完之後，我直情覺得我比JOHNNY WALKER更加勁，於是我同朋友講「呢張相就係我要出果支酒標誌 《灘椰只走，KEEP MOVING》，我覺得好勁好勁，「灘爺只走」咪等同KEEP MOVING，「灘椰子酒」就同棵椰樹有晒關係，點知我朋友聽完一次又一次都話無FEEL，仲話威士忌已經過時，何況椰子酒，我本來想同佢再拗，點知佢突然出奇招 「呢幅相咪就係封面囉！」我心裡其實好想認同，但又依然想果幅相做到《灘椰只走》個LOGO，所以我就話「係可以，但睇下呢個景仲有冇其他選擇」



呢張太MOOD喇！好似著草等落船咁......




呢張就直情係跳崖前果刻咁......

「HA？！係得咁多張？！」

咁最後咪變成呢個封面，初時出版社好質疑，因為一來見唔清楚我個樣，二來個天好灰暗，三來我頭髮亂左，四來佢地根本就唔鍾意，『信我！呢個封面好！至少其他書唔會有，試丫！就算錯左都撈碧刁！』結果係點唔駛再講啦！些些~` 我真的很喜歡這個封面！
但又其實.......

待續



各位老友，你帶書來書展亦可以找我簽名，但照樣都要排隊；給阿BO及其他無時間來的老友們，你們可以把書放到電台，留EMAIL，我簽好EMAIL你來電台取！些些~`

撈鐵匙

鄒凱光會於7月24日，下午3時至5時，現身會展天窗出版攤位(1B-D 32)跟大家讀者歡聚簽名。買書得偶像簽名外，又可得《撈碧刁（No Big Deal）》 4GB記憶手指乙隻。

至於點換到，都係買滿八百就送，五百就加五十換，三百就加三十換啦！量力而為啦！最緊要係大家見見面，影下相，攬下同埋......

果日應該天氣唔會好好，但「好天氣是在心裡面的」，所以肯定無損你扮靚心情，記住著靚d呀！當然怕熱著少d都得，但記住要keep到個身香噴噴喎！keep唔到都唔駛驚，因為「I can give U GATSBY......」我估無六點都完唔到事，所以大家要靚d，唔係我頂唔住！hee~`

至於得到入場卷的朋友係.....


抄屎
雙璋之喜靠自己,
買本碧刁撐撐你,
送埋簽名夠老死,
我要兩張就夠皮


小泉
雙璋之喜靠自己
八十八蚊豪比你
買撈碧勺返屋企
UB網頁又快嚟
走寶嘅你拮大脾
強哥阿媽都話Hey,
Let's 些啦碑,babe!


Wing Chow
單拖都可黎恭喜....

最後呢句無甚特別，但她是第一個留言，所以應該送俾佢！ 幾位會收到我email點「收野」，其他到時黎到，包你有驚喜啦！24號見

東主有喜

喂喂喂！unklebeach.com有機會係呢個星期內開幕呀！等左咁耐，終於有個同大家一齊o既海灘喇！一個星期內兩個仔一齊出世，咁梗係要賀賀佢啦！

小小心意，四張書展入場卷，點可以贏到，方法好簡單，就係同我隊一句恭賀聯，對好連同你想要幾多張飛（最多四張啦）+ email留言，20號揭曉，準備好未！上聯係......





「雙璋之喜靠自己......」

撈碧刁

日日在想應該點介紹今次本新書，終於諗下諗下，連本書已經出左都唔知！不過「撈碧刁」啦！本書咪就係想講呢野囉！ 凡事唔駛咁緊張，咁用力，享受過程，其他都是「撈碧刁」！

呢本書你應該十五分鐘就可以睇完，因為呢本其實係「工具書」，根本無話幾時睇晒，你需要時就揭揭吧！希望大家都可以從「撈碧刁」中得到快樂！

革命成功 ！

有份出過力的烈士，齊來狂YEAH十聲！今晚（13/7）19：52收到了出版社R小姐的通知「《麻不甩》決定翻印！」 YEAH ！ YEAH ！ YEAH ！ YEAH！ YEAH！ YEAH！ YEAH！ YEAH！ YEAH！ YEAH！

但由於成本問題，呢個版的麻不甩，訂價會比原來貴少許，但我會加插少許新野，作為「補償」，希望各位到時鼎力支持！千祈唔好EMAIL左去話會買，但到頭又DA 咩，搞到存貨仲高過我！咁到時就不但瘀爆，我又無晒公信力及面子，人家仲要蝕錢！所以各位「刁員」，記住幫襯呢個「特別版」，唔好搞到佢變「特別慘」！刁？

救救OUT海灘

關於我的新書，請繼賣留意，好快好快就會有「大披露」，新書未講，先來過舊書回顧！

隨著流動電話3G網絡、智能手機、電子閱讀器、平板電腦等技術的興起，「電子書」在出版界引起一陣衝擊。天窗出版社於今年書展期間，將與iPhone/iPad電子書製作公司Innopage合作，推出多本iPhone/iPad電子書，當中重點作品包括袁彌明、鄒凱光、C君等多位城中名人的電子書。鄒凱光除了為舊作推出電子版外，新作亦計劃推出電子書。而書展新書《袁彌明28日魔幻煥膚全體驗》，更全港首次破天荒以創新形式同步推出實體書及iPhone/iPad電子版，創香港出版界先河。

Innopage聯同天窗出版社，邀請城中名人作家，與及香港互聯網協會會長莫乃光先生，於2010年7月14日(星期三)旁晚，舉行《城中喜「閱」之 名人電子新書分享會》

日期：2010年7月14日(星期三)
時間：下午7:00
地點：海港城海運大厦2樓 SportX (近Freshness Burger)

嘉賓名單：
 香港互聯網協會會長 – 莫乃光先生
 電子書出版商
Innopage Ltd. – 李勁華先生
 出版社
天窗出版社行政總裁 – 李偉榮先生
 電子書作者
袁彌明小姐 –《袁彌明28日魔幻煥膚全體驗》作者，新書與電子書本全港首次同步推出
鄒凱光先生 – 編劇、導演、電台節目主持，作品《愛情補藥黨》將推出電子書版本
項明生先生 – 香港首本中文旅遊電子書《足足五千年》作者
江康泉先生(江記) – 本地人氣漫畫家，曾推出廣受歡迎的電子書漫畫《飯氣劇場》
何故先生 – 跨媒體創作人、中文大學兼任講師、電子書《月華輪舞曲》作者

得閒就來見見面吧！btw，有冇人可以一日之內話我知「電子書」是什麼呢？！秘書我就搞得多，電子書我真係未掂過.......HELP~`

配合出動

耆英倫又搖又滾仿真人聲組合《KUeung奶 識架》為左配合我出新書，全新大碟「Mountain吞」將於書展內同步發行，你想聽乜？到時現場可以即時點佢地唱，暫時睇住封面同各首歌推介先




主打派台歌 「相聚很久R羅柚」 ，一首關於「R羅柚，其實唔係醜」o既勵志亂交響樂式跳草裙舞單曲，刁扑 雜誌今年跳舞十大第八位




第二主打歌「我在藍天下看那穿紅格仔的男孩而突然愛上了翠華造奶油豬果位師傅隻左手第二塊手甲」，從歌名就知道隻歌係走簡約路線，極少樂器（只得53種），二十九重奏，保証聽二百零次就會上口



最後個人訓身推介 《黑超,叉腰,撈碧刁》

新曲簽名會，於二十四號我本書個簽名會同場上演，到時希望你會現身支持，刁餓撈刁？

行動代號

呢個星期一過，世界盃一結束，就係我行動時侯，應該話就係「我地」行動時侯，行動目的好簡單，就係無限量支持我！行動代號為單字一個「刁」，刁員見面，互「刁」一聲，就可以核實身份，越多人「刁」，就証明越多力量！如果你已經決心成為刁員，請留低暗號，我就會通知你行動日期，地點，同準備.....所以盡快留暗號啦！
個暗號係乜？咪又係單字一個「刁」囉！

燈

Everything is 燈！今天一切排版已經燈，其他同志繼續挑燈，迎接新生命降臨，Well 燈！


還以為第三次做老豆，應該無乜感覺，但今日完成排而版後，對呢本新嘗試的怪書，一直抱著質疑態度的多年老友兼編輯小姐秀秀，竟然衝口而出地說「頂！本書幾好睇喎！」，我忍唔住笑反問「好睇都唔駛頂呀？」然後佢鬆一口氣「我真係好擔心你本書，我都唔知係乜o黎，家下至放心d！」「唔駛咁緊張，一件事能夠燈，就已經彥笠芙，其他都係撈碧刁！」不過安慰完佢，我自己竟然有點第一次做老豆時的既緊張又興奮的心情，正！仲有十七日就可以同大家分享~`超期待囉！