12.04.2008

Red



有朋友患了怪病,十日就來一次period,她叫我講一個笑話安慰佢,我話笑話就無喇,真相就有一個,就係我近來日日都M,無錯!就係傳說中的「日經」,日經平均指數仲好高添!
一到年尾,就會好迷失,不竟因為要來個年結,就惶恐要面對自己無所事事的成積單!一個創作人同男妓一樣,無貨交等同收得檔!但一個創作人最重要的是吸收,我都無時間去吸,點會有野出到來!
「這都是失敗創作人的借口!」

就是因為這把聲音,我又再次下定主意,要加入「做也硬、玩也硬」的組織!但可惜我只能完成組識一半的理念,我玩得好硬,但工作上就處於性無能的態度!我開始憂慮,我是否已經無能力再當一個創作人,但有天電台不要我,那我還可以做什麼?我又想起媽媽由我第一日入行,就開始勸我的說話 「穩陣d!去考番個的士牌旁下身啦!」如果我肯聽佢話,我尋晚就已經有份堵塞機場快線!好運d俾人拉埋上差館,我就成為的士界「大英雄」,知名度一定比現在高至小十倍!
「你慳番諗呢d無謂野o既時間,已經可以諗到個劇本啦!」

於是我又回到那個乾涸的創作世界裡,但我真的需要去玩!我一個星期就只有星期五晚可以無後顧嬉戲,見我想見的人,想食我想食的東西,飲我想飲的美酒,看我想看的事景人,點解唯一一晚都要工作!

「No Pain!No Gain!」

又係呢把衰聲,仲要迷我講左一百次「我好鍾意創作,好鍾意搞劇本!」,說罷我的而且確有一股熱量由心出發,直湧向身體各處,然後我就好疲去左訓,訓醒我就發現自己好Red,每樣東西都響起了紅色警號!仲要加埋果把衰聲係度講「加油啦!衝完聖旦可以有得玩!」呢次我決定相信呢把衰聲!

講左咁耐,其實我係想講今年gathering定於十二月二十六號,地點會在尖沙嘴區,今年配合大時代主題「change!」不過係呢d日子我地都會想起個EX,所以今年主題就叫「exchange」,大家帶一份自製或購買的禮物來(嚴禁安全套,負等無誠意),我會預備一份同你exchange!所以你報左名一定要到!各位請email到unklebeach@gmail.com報名,〈留低清楚聯絡資料〉詳情Ub40會有專人回覆!
記住我係「日經人」,好需要去玩開心下,所以二十六號係一個拯救Party!好有意義架!襟襟襟!

8 comments:

Anonymous said...

算把喇你,根本你不朽都有日經..咪賴係咩年頭定年尾吖~祝你早日收經!

阿湯 said...

咁你今年年底總結,電台以外的成績又點樣呀?我記得你出左本書!

jpky2727 said...

放十萬個心都得啦, 阿珍一定會買樣超級"唔"安全既禮物返來同大家玩exchange presents...see ya all SOON!!!

Unknown said...

Beach:我報左名喇!

櫻記士多*Ada* said...

我報左名喇!

Anonymous said...

好一個EXCHANGE !!!!

sugar19sugar

Anonymous said...

我又想join啊,唔係會員去唔去得架??

Anonymous said...

i wanna go tooooooo.