12.27.2008

你在何處~`



我的而且確有為過「你」不來而失望,沮喪,但冷靜下來,怨人不如想想人家點解唔到!今年是自己搞得唔好,我溜廢到忘記叫我個妹來,佢化好妝等左我幾個鐘,錯錯錯!準備左二十件tee,走先記得未送,返到屋企先知有成十份禮物未送,一大袋襟章未送,等我回回魂,想想點樣送番俾大家!錯錯錯!

我真係錯晒!所以你唔到係無錯,你只係錯過左一個好歡樂的「拆禮物日」~



















感謝UB40幫我揀的部 份禮物,無佢地邊有咁好玩`~






















今年Hilda媽沒有來,看不到issac仔,但就換來了Terry的兩位小朋友,放心!我個樣咁惡,並唔係因為你地特別曳,只係我特別憎小朋友




























認識了YUKI多年,每次我有活動,她都說很想來,但由於住得太遠,始終未能成行,終於等到今天,她在男友阿寧陪同下,由佛山走到來香港,為的就只是參加這個PARTY,真係令人「滾動」,更「滾動」係佢兩個思愛甜蜜到,今人擔心蜜蜂會飛過來以為有野採! 好耐無見到一對咁純真相愛的情侶!正!

竟然知道我除左MACALLAN之外,就係BALLANTINE,仲要係21,嘩!重手到咁,點可以唔請呢位Melody 小姐食飯...



我出年口號係「玩。攬完」,我當然要身體力行去做啦,高高高~`


















其實我一直都好地地,係食左呢樽〈A貨偉哥〉,就乜都唔得晒,單又無埋,錢又無晒,有周身牙齒印,仲有一個係大脾內側...DEE丫!我UNKLEBEACH以過來人身份同大家講,真係唔好亂咁啪藥!
我重看影片,先知今年大家玩得好開心,好多笑聲!DEE!我常常鬧自己「人家金枝玉葉,你就粗枝大葉!梗係難成大器啦!」,但鬧完又繼續犯錯,DEE!總之我會吸收今年經驗,下一次再搞,我知道我想見同想見我都會全部到齊,下次個Party一定不得了咁好玩!有冇好提議先?

34 comments:

pvc said...

真係開心 :) 希望出年個派對更成功!

點解大合照唔見咗sodaying o既!?

unkle beach said...

佢渣機,等d相齊番,再換

Anonymous said...

我尋晚返到屋企, 發現唔見一隻耳環, 一隻隱形眼鏡.

賠錢!

~fie

jessica said...

係度再向你講聲sorry, 星期一我會放份禮物在你商台接待處, 你做完晴朗記得取...呀..

bbaiko said...

如果可以, 出年我都要攬~

melody said...

真係抵, 枝酒換左餐飯^.^

更加多謝o既係..你令我知道我隻錶真係好靚..wahaha

撐你呀!!!

Yuki~* said...

真係好開心可以去到你今次個Gathering~!
你唔提,我都真係醒唔起我地識咗咁耐~
尤其聼到你話出年口號係「玩。攬完」,我就知道點解我之前次次都夾唔啱時間、次次都嚟唔到,因爲有D嘢真係整定嘅~!
攬攬~\(^o^)/

期待下次活動,撐!

Chi said...

It looks like everyone had a great time! I can't wait until next year! hopefully I'll be able to come!

BRING ON 2009!!!!

jpky2727 said...

我好唔開心, 因為黎唔到...因為我同姐姐攪錯了時間,MISSED了3天既CRUISE,仲要買多一張機票,仲要返唔到黎...我好唔開心JOIN不了您們的CHRISTMAS PARTY....唉....

jpky2727 said...

Merry BELATED Christmas Everyone...sad sad sad....

Fibio said...

我都有送酒, 點解無飯食????

Fibio

Hilda said...

I Promise...
我...hilda媽...下次...一家四口都會到!!
你其實係咪因為冇得見issac仔而失望先?
講!!!!????

candyyy : ) said...

冬天遊船河會唔會平d架?

pasLeSweetie said...

原來短聚真係好歡樂好投入,繼續搞啦 人數只有多唔會少。

unkle beach said...

Fibio:
因為妳就結婚羅,哈!

下次預埋妳兩公婆

unkle beach said...

Hilda:
妳....個仔無黎,我真係好失望架!

unkle beach said...

pasleweetie:
妳都要黎參與至會多歡樂架!

unkle beach said...

jenny:

妳唔係損失好多之麻!嘻

小朱飛刀 said...

雖然我地個口號係「玩‧攬完」,
但我會堅持...只攬ub40.hehe ~

janjan said...

Wow, it is a wonderful, happy gathering!!

Anonymous said...

小朱, ub40 係玩唔完, 攬唔完架.

wakakaka

~Alfie

unkle beach said...

小朱 做人唔好咁孤寒!

jpky2727 said...

Beach: I missed a lot of fun...

unkle beach said...

jenny
咁妳去美國又好好玩喎!我夠無羅!咁點計先?!

jpky2727 said...

美國唔係拱好玩嫁,不過我對肥仔肥妹好玩啲(my parents, heeee)...New York 好鬼死COLD,邊有你地拱死WARM呢,kakaaaaa...快啲再攪多個PARTY啦...我又玩, heheee!!!

Brian Hui said...

下次我都要報名,今次已經加班兩個星期日,同埋兩日聖誕假,先清得晒D工作,BUT 又幾開心,有加班費嘛!

BALLANTINE 21 真係重手,勁值得尊敬,身邊朋友都無咁好!

oversea member said...

those left over presents 不如就送哂俾我地oversea 的朋友la~~~~ ha hahahahah

unkle beach said...

海外會員:

無問題,但係點送先,仲有好多tee 同襟章呀!好靚架

bo said...

病左成個月, 半條人命黎唔到, 你重爭我件 T-shirt你咪意為我唔記得。 BTW你個「球來球往」做乜做到甘 touching, 平時你真係好難同個 sweet 字扯上關係, 但聽見你帶强哥去睇到加時, 真係好 sweet. 表面上你絕對唔係一個好人, 但一個孝順既人, 點都唔會係一個衰人。 不過真係敬請你唔好甘溜廢啦, 連個妹你都可以唔記得?? *(*^%^$$#$&^)(+__)*&*………

unkle beach said...

尋晚個segment我一聽完,就sms阿bu「多謝佢!」
i love it so much!

Season said...

有兩樣開心的就係幫完人影相,個隻手出現係何樹網誌上,第二樣係搵到位朋友,真人站係面前一樣個名有個寧字又係男性感覺好親切,下次要再來,有樣唔高興的係我唔多出聲的問題,被你放大左,依過我會進步,喂強哥個幾干銀你想點用,快d搞好隊廣播道怒火,睇波呀四眼班主。

pvc said...

我相信有啲人冇嚟唔係唔錫你,只係夾唔啱時間啫...或者下次搞BBQ,要响真係海灘搞喎~haha,雖然我唔係住香港..都係提議吓啫~

Anonymous said...

冇嚟嘅個個對號入座,高招喎...
我都唔執輸先...
我26號舉家去"磡"呀,都係尖沙咀呀...

Elaine Ma Ma

林小姐 said...

looks very fun from the pix...
next party 一定到 :)