12.14.2008

你老未



去麥兆輝、莊文強新戲「竊聽風雲」開工







完工時,麥兆輝有所發現地對我說「阿Matt!你都開始老了!」
聽罷不無感慨!
由細到大,我出沒的群組中,我的年紀跟身型都是不成正比,我永遠是群組中的「光仔」、「Matt仔」、「Matt Matt仔」、 「淫仔Matt」、「鄒凱光條友仔」、「Matt Chow兜o靚仔」,我永遠都是最年輕、最後生,最o靚仔的一位!而我係因為做到有d精神分裂才改名,我真係無辦法接受四十歲人係街俾人叫「Matt Matt仔」或者「淫仔Matt」(但淫Matt就可以,正!),所以幫自己「昇呢」,叫自己做「灘叔」,主要目的都係加快自己接受呢個「新定位」,縱使我每天努力訓練自己去淡然接受現實殘酷真相,但到真相來臨時,你仍然難免會有點欷歔,我又想起黃霑叔說知道自己有病時的反應「到我喇!」





未到你的時侯,你可以沉默觀眾,作好準備,又或者找不同的人傾傾,有時三言兩語,就會把你的困惑打散!跟吳彥閒聊時,大家談起最近看過的大show,我們不若而同說現在愛看一百幾十人的細show,然後他帶點苦笑地說「可能個開始老!」,然後我開心得像帶著絲巾,在沙灘上奔跑的大肥佬一樣,拍拍他膊頭「你真係唔老!只不過係唔後生喇」

「不再年輕」,是另一句用以過渡到「新定位」的妙句,就等如人家問你「仲有幾耐到?」,而你答「就到!」,唔知仲有幾耐,但不遠矣!

看見現場的工作人員,十個有九個都是新面孔,我不怕老,我只怕被淘汰!

13 comments:

Anonymous said...

Keep the mind & heart young is the key to stay fit!:}} I believe you could make it.

Anonymous said...

薑越老越辣^^~~~

Anonymous said...

灘叔。。。自細你陪我成長。。
我吔一齊老啦!!!哈哈

Anonymous said...

matt matt~~ 加油~加油~

pasLeSweetie said...

"老未"係一種時間越耐味道越濃及細膩的,當中最著重係放咗啲咩去"老", 仔細品嚐好嘢嚟嫁~

Anonymous said...

-helenato-

好羨慕,又吳彥祖又有古天樂,
不過,呢排鐘意幅山雅治多d.

Anonymous said...

有人喜歡成熟的男性。。哈哈哈。

Anonymous said...

唔好怕, 我地會繼續支持您架.

ling kee said...

只想借你個blog講吳彥祖好靚仔ar~最近你同佢拍戲,唔該post多d佢d相!^V^

Anonymous said...

真的,沒有錯,大家都老了,皺紋也多了。

最近發現台塑推出,以四大醫院、兩大醫學院作back-up的「台塑生醫聯合研發中心」FORTE 品牌,拍得住外國的頂級美容保養品牌,連生產商也是那些品牌的oem西班牙大廠,加入9胜太科技(胺基酸鏈)。

拍難檔,你做一做白老鼠,你試過有效我就可以放心使用,哈哈、哈哈。

Anonymous said...

此戲必看

Chi said...

Act your shoe size! not your age!

Coolbird said...

淫Matt之名,當之無愧,最後一張貼圖可為佐證。Matt叔叔,你在看什麼?幸好這setting不是廁所,不然,毫不知情的靚仔Daniel虧大了!