12.09.2008

撈碧刁


朋友往飯局,一行五人,兩pair情侶加朋友單頭一個;朋友全程SMS我訴苦
「DEE!有PAIR情侶全程打車輪,真係睇都飽,唔駛食....」

「個個車輪都打幾分鐘,抖兩分鐘食件牛肉又嘴過,做SHOW都無咁精彩!」

我斯斯然回覆她

「佢地有冇又嘴又互摷?」

「咁又無咁離譜!不過齋嘴都已經惡頂啦!」

「如果無摷來摷去,其實嘴下有咩咁惡頂?」

「喂!公共場所!雖然係間房到,但都顧下同檯其他人感受丫!」

「妳覺得有問題!點解唔禮貌開聲...如果妳唔好意思開聲,但又好介意,你可以唔望出房+以示不滿!咁多方法唔揀,妳揀最令自己激氣果個,妳係咪傻傻地!定其實妳根本係「妒忌」?」

朋友遲遲沒有回覆,我估我應該講中左真相


「其實打車輪同妒忌人打車輪都係NO BIG DEAL!」

朋友到現在仍然沒有回覆我,我估佢嬲到打死左對情侶,現在潛逃中,又或者努力計劃要親自或派人打死我!但就算我真係死,我都要再強調「周街嘴係.NO BIG DEAL!」你覺得大件事,是因為你妒忌!

熱戀中的情侶們,其實跟快要生離死別的情侶們是一樣的,都是無一刻願意分開,每一秒都希望活在擁吻中,所以他們無時無刻打車輪,是可以埋解的,你覺得惡頂就行開,否則你看過的每一眼,不滿的每一句,其實都是出於你「妒忌」
就是因為這種妒忌轉化成的所謂有傷風化,令到無數有衝動的伴侶們以為在公眾場所內打車輪,是一件有違道德的事!其實又有幾BIG DEAL!

同樣我覺得倪震在公眾場所內打車輪,都是NO BIG DEAL!如果你有看內文,那位HOT GIRL 跟倪震剛認識,然後大家就嘴起來,離開場所後就各散東西,那HOT GIRL怎至不認識倪震是誰,基本上,之前的一吻印象亦已經相當依稀,「車輪」可以打到咁CASUAL,咁車輪仲有幾BIG DEAL!如果你覺得BIG DEAL,是因為你妒忌,妒忌自己唔可以得到咁輕易的吻!如果你覺得倪震背叛了周慧敏,但你點知倪震會唔會曾經為佢捱過兩刀,捐過半邊肝,四份一腎,給予過她無比的幸福呢?如果真有其事,飲大兩杯鬼上身車左個輪,咁又有幾BIG DEAL呢?!

或許你對我的睇法好唔認同,但咁又有幾BIG DEAL呢?至小我慶幸自己能夠坦白,我無妒忌也無同情,打下車輪,NO BIG DEAL!

11 comments:

Jenna Michelle said...

十萬個認同呀!!!深信十幾年嘅感情唔會比個十幾秒嘅車輪影響到啦。

Anonymous said...

agree 'kissing' is absolutely 'No Big Deal'~~~ why should ppl be that serious about it???

Anonymous said...

如果我係你朋友,遇到那個情況我會好誠懇咁同那對車輪人講:
1/『喂!不得在食肆內餵飼寵物!』
2/『你條脷好多苔喎。。』
3/『你條脷伸唔伸到去佢粒喉嚨椗?表演一下助興丫。』
4/『劇〔泛指某些電視劇集〕毒上身呀?點解扮哂電視劇學人用口餵食?』
5/『你地面前有兩對刀叉 / 筷子,不必口傳身受囉。』
no big deal。。大家係朋友就分享下啦喂。

Anonymous said...

唔發生向自己身上就會好easy咁講句no big deal,
如果發生向自己身上呢,就大呼小叫it's a big big deal!

Anonymous said...

haha 我都係會好坦白咁覺得我會妒忌。

Anonymous said...

其實真係好閒姐。。。
其實弗洛依德既理論都有提過下。。
出於人既本能。。

Sophia Ch. said...

Nice!
對於別人的事,我們最好的做法還是「我無妒忌也無同情」!

阿湯 said...

男未婚、女未嫁,not a big deal jei~
不過倪生得罪得人多,耐唔耐就喺專欄度開晒名dee啲傳媒高層,咁梗係被人砌鑊甘啦!

pasLeSweetie said...

NO Big Deal, 不過有得揀我就想睇吓掉轉周慧敏係倪震嘅角色,效果更震撼。

Anonymous said...

Um...我就覺得"背叛"係唔可以用"犧牲"黎抵銷lor. For most of the woman "背叛" 仲大獲過你tone 佢兩刀,攞佢半邊肝,再加四份一個腎....... 所以好難講吧~

但點都好,邊個都冇同情lor.
it's just......too bad~

irene827 said...

好簡單,如果人車得咁激烈的係你條女, 咁你仲會唔會覺得no big deal