2.23.2008

疲周



剛過去這個星期,兩個字形容 「疲累」

星期日(17/2)一日都係親友聚頭,倦得令人十點就熟睡在梳化上,然後到十一點半,竟然收到吳君如電話,
她竟然替陳可辛約我星期一開會時間,說罷便匆匆收線,收線後,我竟然無法訓番!就是這樣,惡夢開始...

星期一(18/2)滿以為節目後,可以先回家急叉三個鐘,然後再出去開會,但由於要替另一位老人家整電視,於是我由星期日晚十二點,一直踩到晚上十點,回家後,第一時間衫都唔換就去訓,點知十二點半收到美國朋友電話,告之後Edison應該星期四開記召,一個我知完但對我完全無關的消息(我可以在節目內說嗎?),再一次打亂我,有質素的睡眠,不是長短,而是能一覺熟睡到醒...若果不能夠, 還連續兩日的話,後果會是.....

星期二(19/2) 由節目完到之後開的兩個會,我的腦和口完全無法協調,說每一句話要先行寫低,還試過寫低,看著讀,卻無法recall到其實想說什麼,到六點幾,我像小孩一樣「扭眼訓」,回到家中,把所有電話關掉,倒頭就睡,可惜三點又驚醒,茫然四顧,不安進襲,再睡我怕返唔到工,於是我開始看電影,到三點九開始睇歐冠,但腦海裡還是一遍空白,似在等什麼進駐

星期三(20/2)節目如常進行,知道新聞人物下一個應該由陳冠希轉為郭炳湘不愛江山愛美人,一方面替edison暗喜,另一方面卻對未來要抖纏的話題,感到極之沮喪,我明白這是我工作,但的而且確我生理上是感到沮喪,即是說我狀態不佳;我走進廁所,洗了個面,跟自己說「今天你不能跌watt,今天很漫長!」 然後我自答多一句「漫長得過人生!」
節目完了之後,我想申請唔開早餐例會,我想去按摩,但未及時開口,已經收到肥肥離世消息,大家又要開會,研究一二台晴朗有什麼搞作,但當時大家的心情都很震撼,根本個個呆住,沒有人可以說話,個會就在死氣沉沉下完結,根住繼續去開會,做做做,想想想,晚上突然收到 來電「你還有多久才到!」
一言驚醒,今天是妹妹生日,我們約好了去吃飯,第一時間撲去,到定神開始享受一家人吃飯的溫馨感覺(那晚也是媽媽的舊曆生日)時,突然又收到馬偉豪女友的sms,說晚上會為馬生搞一個「驚喜生日」派對,我才醒起「係喎!馬生的生日是我妹妹生日後的一天」,但當時我已身心俱疲,口說盡量會來,但其實已有心無力,那派對在十點開始,我九時左右吃完飯,還有近一個鐘,我可以往那裡去,終於我還是回家去,又第一時上床,可惜仍然是三點幾就醒,繼續睇歐冠

星期四(21/2)我已經感覺到渾身不對勁,但比我更加發現身體不適的,是盧覓雪,節目開始前,他支持永住,兩個人做節目,會比平時用的氣力大倍半,節目完,我有一種魂不附體的感覺,幸好劇本會取消,我第一時回家...「要訓鑊金」
點解一間屋要裝修完又再裝,打電話落管理處問要搞幾耐,佢答一個上畫,終於十二半,一齊完工,我第一時間浸個熱浴,然後就去訓,上到床的時間是下午二時,我已經打算直訓到第朝,點知兩點半收到電台電話,Edison會開記召,其實我好想講「我知道好耐喇!」但卻被對方的另一個消息嚇醒 「返黎電台一齊睇記召,然後開會,明天兩台一齊點做呢單新聞」
終於我又無得好好咁訓,回到家,已經是十點,終於我不再是三點驚醒,因為我搞到三點先訓...看到網上網友對我的批評,我想起林海峰某一個早上的一段閒話「從前軟硬做節目,阿葛請假,就會有人fax來批評林生,你一個人做個節目無咁好聽....林生話 點解唔怪唔返工果個!」
Anyway,我會繼續努力改善!

星期五(22/2)終於來到星期五,沒有想過今晚會去邊度玩,因為我最後一個會安排係晚上十點,我七點完了劇本會,還有幾個鐘,其實我應該去按摩休息一下,但我驚訓一訓,醒番要好耐先run it番,但星期五晚,臨時臨急,可以找誰吃飯,又或者咁講,可以星期五晚臨時被約到的,都不會是值得去的約會,於是我出陰招,約迪偉出來「傾工事」,其實當然是搵人飲酒鬆一鬆,終於我同迪偉飲左一支白酒後,我本應跟佢同佢兩個朋友吃日本菜,但途中竟然被我碰見一班很久很久沒見的朋友,說在附近吃飯,我決定留肚,終是我只喝SAKE沒有吃東西,又飲了一支330ml的太白,八點鐘我離開迪偉往舊朋友那處,他們原來在打邊爐,好友拿了一支Macallan 10,嘩!利害,我飲了兩杯已經想即刻買一支返屋企嘆,然後還有無數不知名,但好飲到癲o既 Vodka、Brandy.... 九點三十分,我決定打電話取消下一個會.... 但十一時四十五分,亦即是拍攝完以上照片的時間,我離開廁所,發覺已經身處朋友的「私竇」內,也是原先要開會的地方,我打話給朋友說「對不起,太疲無狀態開會!」朋友不停在大笑,我收線望望四周,我幾時返左屋企!
原來我有去朋友到開會,仲sell左條好橋俾朋友,朋友開心到開左支紅酒飲,我飲完一杯,佢就車我返屋企.....

你係咪覺得好好笑,真正好笑仲未開始,如果你有心機睇到黎呢度,千祈唔好行開,睇埋先....












星期五晚零晨,我收線後突然醒起我未吃過東西,一直只在飲飲飲,於是我在「小食籃」內發現這一排「朱古力餅」


第一時間就放了一塊入口,趙呀趙,發現極鬆化,還有就是Sugar Free,朱古力餅無糖,竟然有咁健康的東西..... 當我正想吞下之際,隨手拿起招紙看看... 之前飲幾多都即刻無晒酒意,成個醒晒







我已經再無去想,點解小食籃會有炭係度,係咪我想過燒炭,更加無深究,點解炭o既包裝要同朱古力餅一樣,我希望我呢個歡樂滿東華食炭o既表演,可以得到善心人仕大力捐輸,幫助有需要的貧苦大眾,咁我就算再辛苦d,都在所不辭~~

39 comments:

Anonymous said...

你咁忙咁攰咁影相比我地睇,多謝你呀。
很喜歡聽你做電台節目。

Anonymous said...

休息好仲要!!!

我近排忙到透不過氣,終於病倒了。所以增取休息好重要!保重!!

Anonymous said...

哈哈哈! 好想睇你食住舊炭嗰樣﹐雖然好似好無同情心咁。
只可說句﹐年紀唔細啦﹐工作咁忙要爭取時間休息啊! 好似阿媽語氣...
因為我都知唔夠瞓﹐個人真係好不在狀態的。
完全唔覺那天你地兩支公做節目時﹐你狀態咁差喎? 做得好好呀! 繼續努力! 加油!
球來球往好正呀! 雖然我唔識足球...

Anonymous said...

睇完呢個post 我笑到痴左.....

你應該搵日訓夠24個鐘...補番之前o既損失

Anonymous said...

灘淑,
但果幾朝聽你節目都無跌watt呀,頂得住!
同埋,你食炭令我諗起'醒獅',可能會帶動一股熱潮呢!哈哈

保重身體
但歐冠照睇~

Anonymous said...

OMG, are you ok??? 你食嗰陣唔覺味道怪怪架咩? aiyaya..小心保重身體呀!我覺得係令人擔心多過好笑囉~點解咁奇會有人放包炭嗰小食籃到..aiyaya..anyway,你保重呀!

櫻記士多*Ada* said...

灘叔:
記得以前你同我講過(人人睇法不同,想法更你層出不窮,所以無可能令全部人都讚同自己,滿意自己!)
所以我們更加要做好自己,讓時間比空間其他人明白及認同!
大哥頂住同保重啊!唔係你點做想做又未做哂到既野呢!
無論係點....我都支持你架!!

Anonymous said...

我日日都有聽你做節目, 我覺得你做得好好, 好有heart, 真架.

原來背後你係甘辛苦架, 你要多d休息, 呢度好多人支持你架, 撐住.

你甘累都繼續maintain 個blog, 你好好呀 ^^

Anonymous said...

嘩, 睇到最後先發現, 你食炭!! 邊個放入個籃度架, 整古你既... 真係慘

Anonymous said...

灘叔:
我也很忙呢!
不過你冇Update幾日Blog,唔係玩到咁勁要食炭先飽吖~~
^U^

Anonymous said...

dear my unclebeach !!!

新年忘記跟你說 : 身體健康 !
小心身子呀你 ! 不要過份操勞 ~
多點休息 ! ! ! :)

ps 那炭是有什麼用途 ?!!?!??!

333

Anonymous said...

hahahaha=D
咩味架咁~~得呀呢個,食得出無糖食唔出無朱古力味,笑死~~~

Anonymous said...

你件事都好黑色幽默....酒可以飲,喝得過量有礙健康,哈哈华家堡終於一球氣走傑志,西非利呀。期待你有時間會再攪揻停。

Anonymous said...

你都得架啦......
碳當係餅....
你gum end 個 post 令我完全感受到你的眼訓囉-.-"

Melody said...

AFTER 一個咁既WEEK之後..你都仲可以寫到咁多字....我覺得好勁...

Anonymous said...

出陰招搵迪偉.....幾好丫~....

除手就有炭都ok丫.....哈哈......仲要極鬆化....呵呵~

小心身體

sugar19sugar

Anonymous said...

您咁攰都寫野俾我地睇, 非常多謝您, 請找緊時間訓一訓.

Anonymous said...

選擇性斷片 ~ 勁 !

食得出 "極鬆化" + "sugar free" but 食唔出冇朱古力味 ~ 更勁 !

訓多 d 啦 ~ 抖夠先可以在晴朗的一天出發架嘛 ^^ 加油, 撐你。

Anonymous said...

灘叔人生充滿歡笑,處處驚喜
你真係忙到傻左xdxd
anyway你都係訓夠先打blog啦,
唔係真係好快死架啦!!!

Anonymous said...

我呢個禮拜都超攰, 所以我好有共鳴地睇哂你成段野.....

Anonymous said...

我呢個禮拜都同你一樣訓得咁少同咁差,已經幾日都訓得幾個中仲要一訓著即俾人嘈醒,真係好陰功.......不過我又無你咁誇要食炭~~~只係日日返學都行屍走肉...無人明我仲乜咁支力@.@

Anonymous said...

你既溜廢程度已扣成生命危險, 敬請保重

Katherine said...

親愛的灘叔,你係咪想笑死人無命賠﹖我都好無同情心咁kei一聲爆笑咗出嚟﹗灘,你年紀唔細要好好照顧好自己呢﹗
呢個禮拜真係唔易過,你要努力加油﹗我都會。

Unknown said...

灘叔: 原來我和你妹妹, 仲有馬偉豪同一日生日; 我成個禮拜都忙到不得了, 病了兩星期, 感冒菌上眼, 左眼發完炎, 輪到右眼(幸好無事啦)仲要上大陸工作過夜, 前晚仲要做到零辰1:30, 身心疲累......

Anonymous said...

hi Uncle Beach.
I am often leave comment in here.Well, It's actually the first time cuz i got something ony my chest I really keen top express. Although it's a bit random. I went to 天比高 for some info couples days ago and I saw有耳非文 walking out from her office. It was the first I saw her in internet before. But I found her amazingly charming and pretty. Unkle Beach, YOU ARE A LUCKY GUY that can see her almost everyday!! I'm jealous

Anonymous said...

在我無眠的晚上(早上5:50),看你的blog後笑到精神番哂.Thanks for your sharing to start my hard working day.

Anonymous said...

unklebeach: the charcoal tablet looks like "Oreo" chocolate cake. So don't blame yourself that hard, but it's still very funny, heehee!

p.s. you're such a good KID that you would help your senior relative to fix TV.

Anonymous said...

你真係要早d唞啦~~
冇精神,做乜都事倍功半,
學下say no啦!

Anonymous said...

hahahahahahaha XD
粒炭個樣又係衰o既
真係幾次朱古力曲奇
似"無糖朱古力餅"
係咪因為有少少苦苦地呢?

take care~

小朱飛刀 said...

海灘, 不要怪我潛水,每天仍有到訪,只是與 你一樣,疲朱...
而相信此況會起碼至三月中...
God bless us!

鬆化的炭...真係唔趙唔知,謝謝分享...
嘩哈哈^0^

Chi said...

Seems like you're VERY VERY busy unkle, don't work too hard, otherwise you'll be ill again

I had to look at the final photo 3 times before i realise its CHARCOAL and not CHOCOLATE... haha!

Take Care

Anonymous said...

自從發現你個blog後,生活多左好多笑聲,大大細細都有。所以不時都會過黎呢樹牂下d新料,而幾乎每次都可以睇到笑笑口又或者笑騎騎。本來一直都係諗住齋睇唔會回應,點知睇完你既疲周後,當然睇埋你既精彩fund raising食炭騷喇,真係好想同你講聲生活迫人,gag佬唔易做,唯有順應天命,發揮你既無盡潛能,mallacan10真係幫到手喎!work it, man.

Anonymous said...

我星期六0係荃灣見到你呀~~~

Anonymous said...

灘叔~
我每朝都係由你o地叫我起身ga! 你要保重身體呀, 無o左你叫我起身o既話, 我會好唔慣ga^^ 最鍾意聽倒有你同盧覓雪o既晴朗~
加油呀!
Jennifer

Anonymous said...

原本打算做過客,同樣看到這篇忍無可忍。初時估,難道又係狗餅咁老土(gag from 同居蜜友)?時代果然向前行。

拍哂手。全文至愛哩幾句:
趙呀趙,發現極鬆化,還有就是Sugar Free,朱古力餅無糖,竟然有咁健康的東西.....


p.s.辦公室生涯,旨意晴朗日日陪我捱,
敬請work hard, sleep hard.


from
澳門聽眾.

Anonymous said...

唔好咁擔心la,我每日都有聽晴朗,雖然有人批評無左阿jan既晴朗無以前咁好,但其實阿jan做了電台成廿年,如果有佢同無佢個節目都毫無分別,咁就大件事la...

所以唔好咁擔心la,我覺得覓雪病左那天,你同阿喱既表演都好令人滿意呀...

加油....^.^

Anonymous said...

我諗年中都有唔少人中左招! 哈哈!
不過點解食物籃裡面會有呢? 應該係方便想XX既人隨時都可以....
話時話﹐韓國人而家好興用加炭既物品。連牙膏都要有炭(係黑色既)。

Anonymous said...

炭....係咩味?

Anonymous said...

OH my GOD....what's the taste of CHARCOAL, hehehee....Mr Chow...be careful next time when you are dranking... @_@