2.03.2008

一面唔夠用



我從來麻麻台灣女仔,可能在我成長當中,聽過看過大多人被台灣女仔弄得頭昏腦脹,家財盡去,到頭來都是兩手空空,換來一句「台灣妹真係功利!」o既人;八九十年代電影市道大熱,你面對台灣妹,只要說「我是香港電影人!」 對方就自然投懷送抱,我不是好人,但我對燈發誓,從來無羅過呢D著數,因為我尊重我O既工作,咁當然有時都會後悔自己咁正直啦,哈!

自此,所有台灣妹,我都只會遠觀而不會....當今世上,就只有舒淇,小S同范曉萱,令到我對台灣女子仲有興趣,但可幸地,我到現在同佢地都唔熟,否則可能我連呢三位都會怕埋....

唔怪得人,台前同台後如果同一個樣,點夠搵食!

S H E 由出道到現在,我都麻麻,因為我覺得佢地好「娘」,我覺得裡面果個ELLA好煩,好粗魯,到上次WILD DAY OUT,係後台見到佢地,又嘈又叫,毫無巨星風範,但跟住佢地出場,係台上面,原全係兩班人,回到後台,佢地又變番自己!

已經唔想再講藝人千祈唔好見到佢真身呢個題目,我只想講,係呢個世界搵食,無論你有幾自我,如果想搵到大眾O既錢,你總要有另一面親到民....放諸四海,做自己,真係好難搵到食!

12 comments:

Anonymous said...

有無數朋友話過我,我做人處世太真太自我,注定一世無運行。
其實虛偽並不難做,只是真的過不了自己。
每個人的價值觀也不相同,我覺得只要過得自在開心已足夠。旁人升官發財,自然有他的道理、付出,不用羨慕或妒忌。
只管用「心」走自己的路吧!

kathy said...

totally support!!!
好可惜我就係一個咁直ge人, 有時都覺得自己好低b, 但係忠於自己ge感覺我先唔會對自己後悔~
(當然, 唔係純粹覺得對方樣衰就同人講咁坦白啦, 呢d叫唔尊重對方je), 可能將來我受過教訓, 就會對自己不忠啩~

櫻記士多*Ada* said...

要在任何時候,任何環境都做返自己...談合容易呢?犧牲的遠比得到的大!
明知係咁依然故我咁做落去,LEE啲咪形囉...才是真英雄!!

20 said...

唔單只因為要搵食
就算係日常生活
係唔同人面前就會有一個唔同o既我
時真時假,睇黎好容易會思覺失調~

sukie said...

灘叔,我和你對SHE的想法一樣! 不過他們台前台後不一樣又幾有趣!

小紅 said...

要做到忠於自己,我都想,但係極度有難度,尤其係响公司。尤其呢輪對上司既不滿與日俱增, 但係仲要同佢保持笑容, SIGH~~~

Anonymous said...

http://www.hondaracingf1.com/images/gallery/tnl/4901_3aaf_tnl.jpg

大家覺得呢個鬼佬似唔似灘叔?

Anonymous said...

-helenato-

台灣女仔會搞到人頭暈腦脹?
唔會啩,
佢地講野有好多尾音啫,
國語講得多,把聲會變得嬌變得柔,
更甚者會好嗲添.

舊時我睇台灣tv,
好怕見到年輕時的大小S同小萱,
佢地把聲好吵耳,仲係連珠炮發式,
上到去小燕姐同哈林個節目都係咁,
有時都會失控.

講明,我唔係s.h.e.嘅fans黎.

willy said...

~ 係呢個世界搵食,無論你有幾自我,如果想搵到大眾O既錢,你總要有另一面親到民....放諸四海,做自己,真係好難搵到食!~

啱聽到爆!!!

豆豆 said...

我認同有時真相真係好令人失望。我可以理解有時大家為o左搵食唔可能完全百份百做番自己﹐不過我真係接受唔到有d人個搵食樣同真身差十丈遠。o甘太假je~

shan ^-^ said...

所以每一個人天生都係演員...
演繹不同的自我...

「人生如戲」其實係咁解﹖

Anonymous said...

S.H.E 只有一面
是的, 她們很吵,如果你不喜歡她們是因為這個理由, 我原全明白.
認識她們深一點的, 就知道她們台上台下一樣吵, 有時還像瘋女人. 所以希望你不要對認識不深的人進行批評.
在wild day out 的專業表現,是因為她們在認真地表演, 難道你以為她們會一邊吵, 一邊唱嗎?
工作時工作, 遊戲時遊戲, 有什麼不對?難道這樣就是雙面人????

YoYo