12.11.2007

只怕不再遇上





如果可以有得揀,你遇見舊情人,最想對方跟你說的是什麼?


『咁岩呀?!近來好嗎?』

『我仲好掛住你!』

『你仲有好多隻DVD係我度,點樣俾番你....』

『你仲有好多隻DVD係我度,你有時間可以上黎羅番...』

『你可唔可以還番xxxx俾我,出面買唔番...你寄去我公司,郵費我俾』

『你仍然嬲我嗎?』

『可以再俾一次機會我嗎?』

『不如我地從頭黎過丫!』

『我轉左做保險,有時間出黎傾傾丫,我最清楚你o既需要...』

『你瘦左又靚左喎?』

『遲d出黎飲野丫....』

『遲d出黎飲野丫,電話無改丫麻?』

『遲d出黎飲野丫,介紹xxx俾你識....係呀,我最近同左佢一齊...』

『我戒左煙..』

『我搬左屋...』

『世伯、伯母好嗎?』

『聽講你最近出埠工作,xx靚嗎?』

『天氣轉,你的鼻敏感有沒有發作!』

『記住今年要換車牌...』

『我下個月會去日本工作半個月......』

『有冇幾千銀借住俾我....』

『有冇幾百銀還住俾我....』

『Amy Winehouse OD 到成個鼻都係,you take care!』

『1800放晒未,記住入390長渣...』

『有冇劉華演唱會飛?』

『你買xxx仲有冇折頭?』

『以前幫我地訂機票個sales,你仲有冇去電話?』

『你好腫呀?飲好多酒呀?』

『一定要睇「投名狀」,李連杰做文戲原來好好睇!』

『聽ASA,岩晒造愛時聽,so sexy~`』

『你今日著得好好睇!』

還有什麼,還有很多很多,這一刻,如果我能夠重遇舊情人,如果對方仲keep到舊水準,或者有超越的情況下,我最想聽到的是對方的大笑聲,然後笑著跟我說

『I still LAUGH you !』

28 comments:

Unknown said...

若果對方真的把最後一句說出
你會給甚麼反應?
不發一言把她擁入懷?
轉身就走口中輕唸「so am I」?
遇見舊情人, 無論做甚麼說甚麼好像都不對
正如質疑自己當初分手的決定...

unkle beach said...

ml

我大抵會流淚,呆站

Melody said...

若果對方真的把最後一句說出
我會告訴佢:
"我知道的,多謝你"

多謝佢一直對我的感覺都沒有改變過...

Anonymous said...

係咪個夕陽……
令你想起她?

Anonymous said...

最想他說﹕「我已經冇嬲你...」
可惜「只怕不再遇上」﹗
就是從不遇上﹗﹗
that's our fate?

Anonymous said...

再見亦是朋友一般都係對大方0既人講0既;但係如果彼此都仲可以有對朋友0既量度,大家又點會分手呢?!

Anonymous said...

偶爾响街撞到舊情人, 我諗我希望聽到係

『我拍緊拖啦!』

然後佢就會從我的祝褔中離開!

Anonymous said...

灘叔, 你呢篇出得好o岩時候, 我上星期先見完, 人家已經有仔有女, 我亦都已婚, 好耐無見, 特登約出o黎聚聚. 感覺好奇怪, 好熟悉, 又好陌生. 人年紀大o左, 就好想找翻以前o既戀愛感覺 ! 令我諗起學友o既舊歌 ..

在這春風秋雨中 共妳願望已不同
還是有點故夢 想傾吐

櫻記士多*Ada* said...

對我來說沒有再見亦是朋友!分左手見返一定尷尬!最好大家扮見唔到比我轉身走人,因我必定已眼淚盈眶!

Pessimist said...

「呢排天氣冬咗,不如去轉short trip囉?!」

Anonymous said...

無論講咩或者講唔講野都好…..見返舊情人….我只會不知所措 !!!!

sugar19sugar

Melody said...

TO Nicky he

唉..有對朋友0既量度, 不等於有對情人既寬容..

Anonymous said...

我對ada留言很有同感
既然當初不是和平分開
咁見面時算舊數好d
定計下新數好呢
灘叔你算係公眾人物
你既近況佢或多或少都會收到
咁重有咩可以講呢

say個hi咪算囉

Anonymous said...

朋友向我推介你的書,說:你一定有得著!
看後,很喜歡,真的很喜歡!
得著?的確有!
刻意找尋你的blog,一氣過橫掃了十多篇!
依然覺得--正!
所以,請不要放棄打blog!
在香港,你有很多隱形fans 的!

Anonymous said...

再見亦是戀人?!

Jenna Michelle said...

hum... 點解係要舊情人同你講呢? 你同佢講唔得咩?

Anonymous said...

都有撞見過,但當見翻時,話題上,並唔係大問題,最慘係自己當時身邊拖住一個,之後要向身邊這個解釋及找話題,先致要你命!

Anonymous said...

-helenato-

要視乎呢pair情侶係咩情況下分手?
雙方成熟度,交往又有幾深?

男人都係著重視覺同外覲感受為先,
我個人就選擇輕輕笑下帶過就算.
遇正佢主動黎傾計,
我都會好備重就輕咁講野,
過去就係過去,
大家比較近況就更無謂,
儘量去除彼此有多餘嘅幻想空間.

或者,
當係一個test,
睇下自己對誘惑可承受有幾深.

Anonymous said...

我n年前見過佢1次,那次係分開多年後自己1個坐巴士去我和他住的一區(不是同居),其實唔係掛住佢,但又想去睇下,諗住到總站就返轉頭,點知我響上層向下望時,見佢響條街行,那一刻,好開心,隨住架巴士越駛越遠,我不住回頭望,直至佢個樣越來越細,好似做戲一樣,跟住不停想,佢會唔會見到我呢......依家想起都覺得好笑......唔想再見了!就算見到,hi-bye已足夠!^^

조이-Erin L. Zooey said...

[只怕不再遇見],可笑的是,我真的從未遇見過那些"舊情人",真的好難想像我會有什麼反應.
我想我大多數都係會"阿呆"上身 ~

Anonymous said...

如果我見返佢,我諗我會同佢講.....
你借左我錢仲未還呀,好快d還錢呀!!!!死佬

Anonymous said...

不論說什麼,總覺得"這麼近‧那麼遠"

Anonymous said...

你話最想聽到佢講d咩...

反而我諗到我最唔想聽到佢講d咩

『遲d出黎飲野丫,介紹xxx俾你識....係呀,我最近同左佢一齊...』

如果我仲愛佢,呢句應該最難接受

Anonymous said...

點解~~~~~

Anonymous said...

說不定以上某段的一番感慨, 也就是由我的舊情人所留下的!! 哈哈哈!

Anonymous said...

雖然同佢分左手三年,但有時o係街,又會想撞見佢,但又怕見到之後唔知點.真矛盾.

不過最緊要唔想俾佢見到自己好霉/頹的樣..
哈哈~

Anonymous said...

最想聽到對方同我講"我宜家同我老婆仔仔過得好好"

Anonymous said...

你有冇覺得一到年尾人總會無意識咁回望過去,所謂回想過去响呢一年做過啲咩,有幾多得,有幾多失,甚至可能傷過幾多人的心(如果真的有...)

最近阿芝的一編"the trick is to let go..": 向 對 方 放 手 , 也 就 是 放 過 自 己 的 表 現 , 過 到 這 一 關 , 「 you've been there, you can go anywhere 」 。 放 手 , 當 然 是 不 情 願 的 , 但 這 是 你 在 這 段 關 係 上 的 最 後 一 課 。 畢 業 之 後 , 拿 證 書 , 世 界 通 行 , 回 望 當 初 , 你 懷 感 恩 之 心 , 多 謝 當 日 迫 你 完 成 課 程 的 那 段 失 敗 關 係 , 縱 帶 半 點 失 落 , 也 別 忘 記 , 進 階 另 一 層 次 的 , 是 自 己 , 畢 業 的 , 也 是 自 己 。

諗咁多做咩呢,响前走吧 :p