10.20.2007

越是苦,越覺甜



最近心情跟天氣一樣,乾燥到爆,要做的工作未完成,皆因生活乏未無趣,毫無衝擊,無入到新貨,又怎可以有新貨賣,想去個trip又根本無時間,無心情,想見一些恨見的人,又怕自己的『負能量』影響到對方,每天呆呆對著電腦,終於弄得肩背腰梗硬,已經做了多次物理治療,還有做運動,但成效不大,我知我的病緣是在心裡面,在黑暗困局中,最易病的緣頭就是「想得太多,做得太小!」

每次電話響起,我都會好興奮,因為無論工或私,我的電話是極小會響起,每次馨起就有一個希望,就算有時是自己不想接聽的人,也總好過感覺到全世界已經忘掉我,所以往往面對無來電顯示的「missed call」,我只會黯然對自己說 「放心,世上還有cool call會找我!」

今朝又收到一個missed call,我亦不以為然,但不知何來呼喚,我就打電話俾一個我想找了很久的人,只要聽到她的聲音,心花就會好怒放,但另一方面,又知她極忙,所以一直不想打擾,再想多半秒,我又會住手,高高高!

電話響了很久,我已經開始後悔,終於對方接電話,第一句就招牌式笑聲加熱情地說 『妳點知我搵妳架,我電話有顯示咩?!』 『妳搵過我咩?!我掛住妳打下俾妳打牙較咋!』 『我咪就係想搵妳打牙較,所以打俾你羅,嘩!朋友磁場力量真大!』『勁過寬頻!』 『你左去邊?搞野呀?!』 『本來係想搞架,突然想起妳,無mood lu,咪打黎話妳知羅!』
耳筒又傳來她的大笑聲,當中加插幾聲『我整妳個掣丫!』

原來她從其他人口中,得知我近來狀態不俗,幾開心,所以打來「睇下我又幾開心喎!」,那一刻,我只顧在笑,根本沒有半點不快樂.....

做人從來是苦,就是因為苦,才知道什麼是甜,越苦的時侯,就越容易得到快樂:相反地,當你越快樂時,因為太甜,會好容易覺得其他東西苦!

我苦悶,所以聽到她說個女看到我本書封面,會指著說「哥哥」,我是甜到有點想嘔的






最後我說她在「康熙來了」 的表現,原全不似很久沒工作,順勢就試探問她,還想再出來「玩玩嗎?」,她竟然第一時間就答,「想呀!」,「做電台還是其他?」 「什麼也想做!」

以我認識的她,我只可以這樣回應

「好!一個月後,妳仍然是這樣想,就去做吧!」

她突然默然,低聲回應 『係羅....』,但三秒後又突然再開腔 『我放完假,我真係想做野!』

好!又睇睇妳講真定假,是否又是三分鐘熱度~``


PS:請不要轉載到其他「討論區」!!!

21 comments:

Anonymous said...

三姑出山有望~
個女好似佢喎!

Anonymous said...

3菇~~~~~
等左你成年o勒!!
復出啦!!

Anonymous said...

當我覺得苦時都會打電話比朋友傾吓計,唔一定係訴苦,就算無無謂謂傾一餐都好架,傾完個人會放鬆啲..加油呀!正所謂慢工出細貨(細心+細緻o既貨)!

Anonymous said...

君如復出!??
正ar!!期待!

Anonymous said...

中!

cc

Anonymous said...

好掛住三姑既笑聲呀﹗

Anonymous said...

-helenato-

你成日望住個腦,
不如出去游下水,
家陣你要出鏡,
順便可以修下身嘛!

Anonymous said...

三姑出山,我先會再聽番收音機!
三姑!我個收音機等緊你開!幾時先開得呀!?
快d啦!好心急呀!!

Anonymous said...

三姑~~等你好耐喇!!!!

Anonymous said...

嘩! 海灘﹐頭嗰2段完全講中晒! 好似講梗我。 你都好呀﹐起碼可以搵到個好似3姑咁正嘅FD同你吹。 極度羨慕!
近來一直在想人與人之間相處嘅關係、態度。

Katherine said...

親愛的灘,
麻煩跟朋友說,雖然很多人不喜歡他,但很多人都很需要他為大家帶來的笑聲、甚至3姑獨有的見解。Really miss her~~~

Anonymous said...

haha , ho cute , looks like 3 Koo so much

Anonymous said...

我都好掛住佢啊!
想開收音機聽到3姑把聲啊!

Anonymous said...

Unklebeach: Hope u have got a lot POSTIVIE energy from Sam Goo now. Miss her sooo much!!! Especially you both were broadcasting together!!!

p.s. Oh, pls disregard my earlier e-mail. Do not wnt to spread Neg. Engergy. I'm great now, heehee.

Anonymous said...

甜酸苦辣有時係好難分傢,一般黎講,味道係靠舌頭上唔同0既部位分辨出各種味道。但係,正路黎講,無一樣嘢係得單一一種味道,佢總係夾雜住其它0既味道,只不過係睇下邊種味道強0的,妳就話佢係咩味姐。仲有喔,年齡都會令到人對味道0既反應減弱,就好似人經歷得越多,周邊環境對人0既影響會減少、減弱;又可以話係人對適應環境0既能力會提高。乜味都好,濃淡又好,佢都一定有佢甜0既部分,正面0的啦。

Anonymous said...

君如, please come back!!

Anonymous said...

好開心, 知道三姑有意出山, 好期待, 唔該晒您海灘.
芷君

E.W. said...

唔該晒您海灘

Anonymous said...

有看那集"康熙"!really really miss her!

Anonymous said...

海灘, 開心的要做人, 不開心也得做人, 為什麼不開開心心過日子呢.

Regina

Anonymous said...

It's grat to hear that Sendra will be back !
Waiting for that day !


Beach , Long time no visit ur blog. Miss u so much !