10.10.2007



在我成長的年代,染髮與紋身,就代表是「壞人」、「飛仔」、「黑社會」,頭髮可以染成任何顏色,最後總可以回復黑色,但紋身一紋就一身一世,所以當時我覺得紋身的人很蠢,以為龍飛鳳舞好有型,之後如果討厭卻仍然要被「它」跟足一生一世,呢一秒你可能很愛某人,但分手後,她或他的名字仍然永留身上,日日篤眼篤鼻,然後為了阻止它篤足一世,決定以另一個紋身把它蓋過,但望見新果個「紋身」,就自然會想到舊果個,同咭數一樣,跟足你一世,搵安信都未必救到你!

然後去到近代,紋身進化成「hip野」,fashion的一種,但我不是潮人,身上唯一的accessary就只有眼鏡,其他加上我身上,總是有多餘的感覺,而這個感覺也是我多次婉拒向威逼利誘我去紋身的人的原因,雖然我知道只是紋一個英文字,但我怕痛,更加無法接受身上多了一些顏料,最重要的還是,我不想有任何「記號」,要記的已經永藏心坎裡!

但近年又有人以另一種方法推銷我,「現在紋身興紋在只有自己見到,人家永遠看不到的地方」,我才知道「有人」把女友的名字紋又在手臂內側,只有在最肉帛相見,最親蜜時,他君臨天下時,她才仰望得到,好正!真是好正!但一想起手臂內側,對那痛的驚恐,比去脫牙更甚,所以『我是絕對不會紋身的!』,但我是真心佩服夠膽去紋身的男女們,就像她, 她是拍攝隊的化妝少女,在她的大動脈上面,已經紋了一個小小的紋身,我問她「在那位置紋身,跟割脈是否差不多!是否很痛?」,她一笑,沒有回答,這是兩天前的事。

今日開工,我看到她的打扮,已知道是有所圖,原來就是要顯示在腋下的新紋身





她說替她紋身的師傅有近二十年紋身經驗,但這個位置只是他第二次紋,上一次是個「外國人」,而「無人紋呢個位」也是她要紋這個紋身的原因,我還以為那個是她男友的名字,卻原來是另有意思http://en.wikipedia.org/wiki/Spes









無論咁做有幾型,我只感覺到好痛!

11 comments:

EDL said...

好型! 真係好型!
個意思型到顛!

nicky he said...

我都有一個紋身,係揀果真我就預咗佢會跟我一世。做人如果講一套,做一套;今日改,聽日變,咁我就覺得有d不知所謂!

紋身痛係一件事,係紋之前同紋之後要點樣去面對果個圖案或文字又係另一件事。

我去紋身唔係一時衝動,都唸咗好耐下傢啦,不過係揀選圖案方面真係用咗好多時間。係自己設計好呢,定係揀一個現成0既呢?如果係自己design0既,就梗係唔會同人撞啦,不過自己無天分,我最終都係揀咗搵個現成0既。就係5年半前係Melbourne0既一間tattoo鋪頭搵到一個,正啊!!唔係我搵到佢,係佢吸引住我,就係咁,我紋咗佢。

櫻記士多*Ada* said...

曾幾何時都有衝動去紋個Tattoo最後都無去因為人去紋空;所以千萬不要紋lover名變數太大免得以後尷尬!!

bba rock said...

以前我覺得紋身都ok型,
自從有一次在升降機內見到一件"五花腩"在前臂內側紋o左d梵文咁o既野.....
我o既感覺係....... 想嘔....

Anonymous said...

-helenato-

呢位小姐嘅手踭有d粒粒,
借問聲,係粉刺粒定油脂粒,
有d礙眼咁.

Anonymous said...

哈哈哈哈哈哈~
內側, 原來係咁解~~~

333 said...

dear beach

個tattoo似印上去多d呀。
但呢個位。真敏感。

ps 呀非首歌。好好聽 ! 真心~

333

Alex said...

紋身呢家野簡直係我畢生夢想,2004年去台灣旅行時更想先斬後奏紋完先同家人交代,
但....都係算吧啦,紋完後有好多手尾跟!

若然係我呢世人完結之前可以紋一次,
我死而無憾!!!

Cindy柑 said...

係幾型gei..
但我都會覺得好痛..
所以我唔會穿環同紋身

Lu said...

對於紋身,我不贊成也不反對.這是個人的選擇. 但給我選我便不會了. 一來像你一樣怕痛,二來如果將來唔興,點算? 就像穿耳一樣, 是潮,但如果想到萬一又痛又發炎咁, 我便不會穿了.
p.s.我成日諗點解d人紋身都是綠綠地色?綠色咁老土.

Anonymous said...

我覺得界手個D最蠢

娜娜子