5.14.2007

Gallery










我無睇 溏心風暴 ,因為我過左紐約投藝術品,用億三係騷褲脾投到五件藝術品,錢都是其次,最緊要係買到心頭好!

大家又一齊討論下,如果參與唔到,咁你可以番去繼續你們的溏心風暴同師奶兵團,藝術呢d野,真係唔係人人識!

先講番上面果幅,買左二千幾萬,名叫『異男張開眼睛雪沉詩』,當中把城市人喬裝多愁善感活靈活現,充份表現到藝術家與大懶蟲唇寒齒亡的淒美









接近三千萬的作品,『 C9 上牆 』,打破傳統c9年紀限制化,力証C9也可以年輕,非鄧萃雯,葉童之流可以高攀.....
























其中一幅近五千萬的作品,『 Elvis Resurrects 』,有識之士多次認為,呢幅作品拿到貓王墳前參拜,皮禮時利絕對有可能即時彈起身!











飲下午茶時,一個年輕法藉藝術家力荐給我的一幅未成名作,照法文直譯,名字是『兩鞋三錶搞傳銷』,睇個名就知是代表住年青一眾,虛蕪迷失,有計劃地無計劃,歷史見証,昇值潛力極高





其實呢次過去,最主要都係為左以千萬金圓投以下呢幅心頭好,各位觀眾,stay tuned....

scroll down











































































































『香港一定得』

一幅四十年代魔幻寫實主義的作品,代表住未來的太空人,以大姆指表達出,遠古人類的未來世界的憧憬,冀盼。
我會送呢幅巨著給「慶祝回歸十周年」的主辦團體,就當我出番一分力,希望呢幅畫可以帶出香港人對「悶親慶回歸」的恐懼..



唔明我講乜唔緊要,藝術並唔係人人都明,等如我都唔明 溏心風暴,師奶兵團有咩好睇~~`

17 comments:

gloomyandpity said...

Ha Ha Ha~
My friend also has that pic on the cell one.

Anonymous said...

本來釣緊魚zzz﹐都被你對藝術作品鑑賞的追詣之高拋到跌落地!
你唔明我地呢啲凡人嘅低層次娛樂o架啦﹐所以乘機曬命show吓自己投番嚟嘅名畫﹐以宣示主權地盤不容被低品味訪客拖垮。
嘿嘿... 明啦... 收到...
我最鍾意香港一定得﹐簡直比2001太空漫遊更具劃時代感!
發放出外太空﹐Alien和ET見到都即刻要Contact你呀。
但你識唔識Sigourney Weaver﹐Dew Barrymore﹐Jodie Foster先?

unkle beach said...

scarred v

藝術品通常賦與人眼訓感覺,能夠幫你提到神,我呢億幾駛得相當值

Anonymous said...

億幾乜o野先?

Anonymous said...

我都覺得會心微笑,我都想變身做瑪麗蓮夢露或者系美人魚兼有識貨之人收藏...

3 (avis) said...

我出七億買你幅「香港一定得」
點睇?
有興趣既, call我~
囧rz

unkle beach said...

avis 3
有闊太出七億六,我都唔賣

Anonymous said...

很可愛的海灘!

Anonymous said...

海灘﹐個幅『兩鞋三錶搞傳銷』你無披露買咗幾銀喎? 億三條數砌唔掂...
睇嚟你對年輕未出名的藝術家幾支持喎﹐我相信呢幅會係史上昇值得最快嘅藝術品﹐仲要肯定那位藝術家走埋。 鎖釨呀!
幾時搞個gallery show等我地見識吓﹐沾吓藝術氣息呀? 不如就西九啦﹐我放工就腳喎。

DOUBLECHIN™ said...

我仲雲英未嫁, 以係都係著少d長袖白tee, 老牛加con屎為妙~

unkle beach said...

chinkerbella

咁妳打算著乜呢?

Anonymous said...

藝術品係好難明啊,不過我只係唔明點解,我又明藝術品, 又明溏心風暴點解甘吸引窩...兩樣都中意...唔得嘎?!嘻嘻..仲有第三樣的, 海灘的BLOG咯..嘉嘉

Anonymous said...

It will be an unanimous vote that you are a prominent fine art collector:}}}}} heehee!

小朱飛刀 said...

海灘抵得諗, 又一次令我開懷了!

Anonymous said...

我都無睇溏心風暴and師奶兵團...

Anonymous said...

唔好意思,我知我慢咗幾拍 :p 嗰張香港一定得型過楊利偉嗰張好多喇 :D

Anonymous said...

一面睇一面爆笑, 我今晚更加唔駛瞓啦~