5.12.2007

溜溜廢廢.....又一年



老友約我星期五晚飲野,我話要去我阿婆生日派對,老友「哦..」了一聲後回贈多一句 「真係快...溜溜廢廢又一年....」,我不其然放聲大笑。婆婆,你睇幾多日記得妳生日,定其實記得妳溜溜廢廢呢? 乜溜溜廢廢唔係話我咩?!話邊個都好啦,最緊要係「年年都仲可以溜溜廢廢~`」

妳唔溜廢,我地就閉翳~`





睇番一年前「溜溜廢廢」,我那個尊敬舅父撩我去睇「世界杯」,最後卻胎死腹中,呢位前輩,尋晚臨走時歷史重演,約我出年去睇「歐洲國家杯」,堅定流先?奧地利 定 瑞士 先?我呢次學曉好淡然咁回答,「好呀!出年年頭再搞丫」 「搞丫!你搞好叫我去,我一定去!」 「下!?我搞好叫你去即係唔駛去!」 舅父面露不悅 「趙!叫你做小小野都唔肯!」 「OKok~~我做埋手頭上工作,都應該明年頭,到時得閒咪搞羅!」

話題結束,一眾歡天喜地送外婆回去,臨去前,我鬼上身跟舅父說了一句 「得喇!睇波d野等我搞!」,舅父沒撘嘴,只伸手拍拍我肩膊,我突然鼻子一酸,面容扭曲,凝住要奪眶而出的淚水,別過臉,連隨說聲「有事走先!」 頭也不回就跳上的士去....

敬愛的人如醇酒,點點滴滴在心頭,久別輕嘗已足夠,竟然再約我去睇足球,都唔知呢次係堅定係流!

11 comments:

白雪山 said...

百行以孝為先, 去啦!!

janjan said...

Really!! Time flies, I still remember you mentioned about your "Poi POi"'s birthday event last year at 903. HAPPY BIRTHDAY to her!!!

bo said...

舊年呢個時候三姑差不多坐完月復工, 溜溜廢廢又一年..

pvc said...

祝你婆婆,開開心心身體健康!冇你咁溜廢 :p

上次我見番差唔多十年冇見o既阿叔,當時同佢扼手嗰陣,我個鼻都酸酸,當我面容嘗未扭曲嗰陣就即刻送上小禮物比佢,然後就轉身行開咗...當時都幾驚比其他親戚見到我眼有啲眼光! 我當時都好忐忑,除咗泛起細個嗰陣佢好錫我啲回憶,其實想同佢講,佢令我幾失望...anyway,舊屎沖咗去囉...

拜杜喴,點解你可以寫得咁壓韻架!正到用嚟做宣傳句都得! ;)

賀少 said...

我都記得阿婆話你溜溜廢廢唔知做咩
kaka
又1年.....
每當某d定律行程來臨的時候
又係大家反省呢1年做過d咩野
有好有壞!!!
母親節呢,你又有什麼表示@@
不過你好似話過,唔會特登係某d日子黎做
因為如果要做,平時都應該要做
right??

吹水呢家野,大家圍埋老吹
呢到吹,呢到散,唔好太認真
如果真係要去,老早約好哂d野
唔需要婆婆媽媽見面就提幾句
算吧啦~~~~睇住香港波得唔得呀!!
hehe.......

雞寶 said...

你d表妹個個都靚, 得個表哥唔靚~

Ada0816 said...

灘灘:祝你婆婆生日快樂,最重要係身體健康,每天開開心心,加多樣(醒目聰明)叻過你!!

溜廢廢 said...

long live 婆婆!

Candy said...

或者我年紀尚輕,唔係好明點解你咁感慨...

星屑醫生 said...

hi, 初次和你打招呼. 你好.

和你竟頗有淵源呢. 你相中的其中一人就是我的多年老死.

謹在此多謝你為我寫序. 謝謝. 今天出了.

qt芝士 said...

我與長輩相處, 常常有鼻子酸酸的感覺, 畢竟他們年紀漸老...