12.24.2006

今天應該很高興


我無乜大節狂歡慨念,我要狂歡,是因為我心情,不是因為某個節日。大節對我黎講,是與一些很久不見的朋友聚聚的好機會....


阿立,阿山,很久不見了,慨嘆從前拍戲朝見晚見,現在要約飲茶先碰到面,不是大家都忙,是大家都無工開,邊有心機飲茶!不敢奢望明年香港電影市道會好轉,只希望仍以這份工作養活一家幾口的,可以繼續有工開,糊到口~``



飲飽食醉,夕陽西下,風開始冷, 身體比我更瑟縮的, 是遠處一位身穿婚紗的少女,比我個樣更悶,是一位新郎打扮的廿零歲男子....








我堅信他們只是為雜誌拍照,如果不是為了工作,節日前夕,尖沙嘴碼頭,十幾度天氣當街影婚紗相做show,提出果個,一定是為了驗証對方有幾愛自己,對方肯做,只是因為對方傻。
或者有人總會認為這是很浪漫,對方肯為自己做這些事,才算偉大,我也認同,很多偉大的行為,與傻人行徑雷同!
驗証對方是否愛妳,並不是靠繁文縟節,婚紗背後,只不過是另一場馬騮戲,當然有人喜歡睇,所以有人喜歡做......

我其實並不喜歡看,因為總會忍唆不禁,還是轉身同阿立打番場友誼乒乓波好過~~`

7 comments:

pvc@holland said...

我同意結婚o既每一個儀式或所謂習俗已經變得全部一模一樣,真係好似做戲或所謂做show咁..要編排次序,度台詞,揾司儀,化粧,服飾,
場務,甚至連"jum"茶嗰個都要揾..曾經參加過一啲婚宴就好似睇show咁,仲要搞到玩遊戲..超搞笑..只係爭在未有抽奬囉..到我嗰陣,應該搞得低調啲好啲...

但係坐响到打乒乓波順咩?仲有你渣住嗰塊有啲似係放芝士或麵包嗰啲木板呢..哈哈 :p

Finally, wishing you have a Merry Christmas and continue success in 2007! =D

森西 said...

我幾鍾意 ''阿立,阿山'' 果張相.. D 反射攞得好好喎!

holycow said...

我在好奇點解灘叔飲下飲下嘢,會突然有只球拍噶?不過anyway...個拍几可愛~~啱你~

Bo said...

The better shall come, wish to you a merry christmas!

scarred v said...

海灘,你幾鍾意嗰間餐廳喎。 環境都幾舒服嘅,high tea hea個下午。 尤其家陣天氣咁正,最啱坐出面。
如無記錯,你個gathering好似都係呢度。 是嗎?

賀少 said...

心靈既安慰
最好不過就係同老友記一齊暢飲一番
吹吹水 食食飯
容咩易又1day
果個什麼拍婚紗
個女仔靚唔靚先!!唔靚我唔睇架!!
哈哈
喂,你果塊叫球拍?
點打呀.一打落去,彈到9丈遠啦
有塊膠皮是否好d?

naje said...

今天應該更清醒~!