12.17.2006

Block Me



我MSN上的朋友不多,on list都係黑咭會員,會規專制,我一不滿就block左人,所以成日同朋友chat時會有句口頭禪「係咪想我block左你呀?!」

今朝我收到一個朋友的mgn「please block me from your msn list」 我問點解,一直無回覆,終於我尊重對方意願...但進行過程原來好痛苦,似唔知犯左咩死罪,仲要自刎....那日我block人,今日自己block 自己,有因必有果,block得人多,總有報應,仲好應添~``

10 comments:

賀少 said...

msn係一個工具
但佢唔係冷血
有時都會因為icq msn 鬧起情緒
以前係icq,真係會鬧架鬧到個心拿住拿住
wht id u are?
hahaha
我直踩到聖誕節完左先有得放假
仲要有3日通頂,做成15個鐘.......唔知自己死得未.........希望捱得過
果3日好恐怖!人地聖誕就happy!
我聖誕就crazy!

qt芝士 said...

有因必有果, 我以前拒絕得人多, 現在狠狠被拒絕, 這個報應, 應到冇得再應。

CRAZY!! said...

你同三姑做超級大細路好正呀!!HAHA~人地都唔想SO你...又夾硬拖人出去!!個細佬真係好乖...!!HAHA!!你地幾時錄影架...我想撞下你!好想同你影返張合照!

pvc said...

都唔明白,add得人就唔好block人哋喇..如果唔係add嚟做咩!? 雖則我都block過人,係因為add咗同事之後後悔囉,返工已經日日見,返到屋企msn又見,唔好喇呱...講真呀,問題係,既然add人咁做咩要block人喎,重要懶好咁比人add自己先..add之前冇諗過架咩,如果唔係add嚟做mud鬼呢...多鬼餘 :p

有時候我哋太多顧忌或顧慮,怕比人add咗之後又怕會比人成日見到自己online,怕要應酬啲人佢哋揾自己chat...其實家陣用msn開始好似用icq咁,啲user見到自己friend list o既朋友online又點!? 咪又係唔會msn大家...又係多鬼餘囉~

(淑)女(蘭)求 said...

星期五係會展見到你
想找你影下相
但你走得好快,叫都叫唔切....
~~~~~失望~~~~~

scarred v said...

我幾懷疑你有幾多時間上MSN?
可能你的list有太多其他links,你朋友唔想太被reachable呢?
我可能係全公司唯一上班時間無同人MSN,
一無乜朋友返工時可MSN,二我根本好少朋友。
嘻! 又在你的地方呻。

isa said...

咁奇怪既你朋友...
佢block左你未得囉
我都未聽過人叫人block自己...

樂高聰明豆 said...

似乎與你玩一場心理戰呢!

Macau Lucia said...

有因必有果, 我相信報應....

灘叔叔, 咁你以後要對list內0既朋友好d喇~~~ ^^

by the way, 聽你節目你地講起Edison跳bungy, 尋日我有去Macau Tower睇佢跳, 真係超癲! 我第一次親眼睇人跳bungy....原來睇人跳都已經好驚~~我想像唔到如果要我跳會點~~~~

Anonymous said...

msn真係好難玩
雖然佢好在唔怕dead air
但係有時d "啦"呀 "嘛"呀
打者無心看者有意
覺得 你咁咩語氣呀 姐係點呀
但其實打果個人佢心諗既語氣唔係咁
好易就有誤會