12.13.2006

齊學擺鋪



我認識的明星中,擺鋪皇一定是吳鎮宇,挺胸收腹,雙手輕插褲袋,側身回首,堅定凌勵眼神,收緊的嘴唇,令面頰更感嶙峋,更有男人味!觀眾的目光是他的收視率,閃光燈是加冕的光環。

大家就試下跟以上程序,對鏡做一次,如果你做足但唔嘔,仲覺得自己有型,你咪以為咁就可以挑戰擺鋪皇地位,做一次梗係易,你試下一年三百六十五日,都處於呢個狀態,仲日日都唔嘔,仍然覺得自己型,咁你就有可能係新一代鋪皇。

扮型擺鋪並不是最難,最難是影硬照,但主題係搞笑,又或者係開心d、熱鬧d...個攝影師會不停同你講
「開心d、好笑d、得意d、搞笑d、趣怪d、鬼馬d、搞鬼d、賤格d、衰鬼d、淫dd、黑人憎d、慘樣d......」

大家又試下跟以上程序,對鏡做一次,不過限時三十秒,仲要每個表情做三款不同,如果你試過覺得自己得,咁你入到複賽,請你在眾目睽睽下,重新做一次,限時三十秒,但如果做完一次,圍觀的板口板面,一d都唔想笑,請你再做多次,因為何為收貨,就係要聽到有人笑,同好興奮話「咁咪好笑羅!」

但每一次聽到呢句,心裡面都會覺時好難受,原來自己最唔喜歡的表情,是人家最開心的東西!

扮型難,扮好笑更難,乜都唔扮仲難

「自然d...放鬆d..做番自己得架喇!」

越想自然就越唔自然,越想放鬆就越緊張,迷茫究竟自己係點,最後就會換黎一句 「你表情好生硬!」

三樣都難,做到其中一樣都好叻,如果你試完,做到晒三樣,記住留低個聯略俾我,我要我向你拜師!

5 comments:

VIVACE said...

第二段第一行第九個字!是""程""序....不是情序...

編劇先生...

SAKI said...

不如你直接向吳鎮宇拜師=]

Anonymous said...

上面果位v先生/小姐:
你以為'編劇先生'係中文教師..?

LL said...

鎮宇哥哥勁!擺鋪皇!!哈哈哈!

witchgar said...

其實黃秋生都係鋪皇,不過冇咁覺姐...