3.06.2010

最緊要信



我愛電影,是因為每次入到戲院,當所有大燈關掉,我就可以進入另一個忘我的國度,在那裡沒有人騷擾,你可以盡情狂歡大笑,也可以哭得死去活來...
我不愛現在的電影,是因為每次入到戲院,當所有大燈關掉,在這個國度裡,聽到的只有「高科技」的效果聲,手機各式新穎鈴聲,各人暢懷傾談的嬉笑聲....我欲哭無淚,誰偷了我看電影的真正感覺?

作為八九十年代靠香港電影養大的我,看過無數好電影,見過無數真正愛電影的電影人,如果沒有看過羅啟銳先生的「秋天的童話」,我不會想入行做電影,沒有看過「我愛扭紋柴」,我不會揀選「編劇」這個崗位..這些電影高手曾經棄我們而去,使我們認為香港再沒有好電影,但只要你肯信,他們是總有一日回來的!
多謝你們回來,多謝你令我再一次重拾看好電影的感覺,真是很久很久沒有看過這樣出色的電影,很久很久沒有在漆黑中哭得死去活來,那種快慰是睇阿凡達得不到的!真心感謝你們!

完場我第一時間發了個sms給君如,內容是「如果要捱十部〈花田喜事〉,先得到一部〈歲月神偷〉,我願意!」,未幾她回覆我「妳覺得呢部戲香港會收得嗎?」 「會!一定會!因為香港已經好耐無呢d好戲!」
我不是吹水,像戲中所言,「最緊要信!」,你是香港人,都應該去支持這部電影!

23 comments:

Anonymous said...

灘叔,近年好少去睇戲了,但近來竟然去睇72家,亦竟然覺得「ok」。
我對羅張組合很有信心,我會去睇「歲月神偷」,唔係因為佢得獎。
「秋天」是我的少女時代,我呢個土生土長剛入中年的婦人,好想念以前的香港,我覺得我應該可以在個多小時的黑暗中好好懷念一下依家搵唔番o既情懷...by茶狗

騎暈你 said...

嘩!咁推!咁我都高高高!

Fion Mui said...

我都會去睇呀~~ ^^

騷緋 said...

絕對支持!!!

Anonymous said...

灘叔你放心
我呢個80後每個week都會入戲院睇戲
(不論中外)
當然要睇呢套真正"港產片"啦

Anonymous said...

我朋友正在讀電影, 她一直崇拜某香港導演,想跟佢學拍戲,但佢話咁樣同人講會被人笑自己冇大志,我聽到之後十分氣憤!

邊個話香港沒有好電影,
我深信香港係有一班有心的電影人,拍有質素的電影!我同我朋友講,佢一定要堅持自己的信念!將來一定會成功。

灘淑,我信!
因為我都支持香港電影!

Joyce M.

StellaC said...

光聽主題曲 "歲月輕狂" 已令我想喊啦..

jem said...

可惜太少人欣賞

esonkwong said...

是咯!这部戏其实我很期待...可是在大马这里还没上映..其实那天我但看预告,就有这股冲动去看了...

esonkwong said...
This comment has been removed by the author.
esonkwong said...
This comment has been removed by the author.
Alexandra Ho said...

好電影一定會有人睇, 好書一定會有人買

的確他們會回來! 確信他們會回來!

我睇 阿凡達 , 結果是沒有驚喜 , 幸好還有 4 個字記得 , I HV SEEN U (我看見你), 打仗時段比較長, 睡了 , 眼鏡又重, 如果睇 3D 時不需要帶眼鏡, 多好, 指日可待 !

龍兒 said...

如果唔外國著名影展拿左獎,真系唔會有人關注,D人人口口聲聲話中意同埋出力,只不過系等人地成功揚名後黎抽水。可悲啊。
希望多D真心人。

Anonymous said...

要從外國人口中話比香港人知香港電影有幾得....是喜還是悲?

~艾菲

sophia said...

我都好期待。
認同樓上所講,好電影一定會有人支持既。

kk-alex said...

一套好電影係唔驚人唔識寶既,雖然香港近年上親畫都係大片大投資,但又有幾多部係收得?(近日亦有位香港國際巨星部片完全係仆直),呢部片雖然暫時未有好多人睇過,不過我相信,如果睇過呢套戲既人一定會推薦比其它人睇既,就如多年前既一樣,希望大家香港電影人唔好棄累,只要有好電影,我地係一定會入場睇戲既,你地並唔係(當聽到灘叔係電台話而家d電影人係乞衣,要乞人比錢投資,拍片時又比人趕時,真係好心酸.).希望大家加油!!!

Eva*依 said...

灘叔~我一定會去看這部電影!
我愛君如的「真」!
很懷念兒時看的香港電影,當然包括秋天的童畫,想起發哥,我更愛他另一部電影「阿郎的故事」,這部電影使我在戲院內哭死了。
回想以前睇戲的感覺好好多,感覺到周圍的人都很投入的。
現在3D電影的流行,使我更擔心香港電影的未來,大家似乎都沉醉在視覺上的刺激...
香港電影很需要「有心人」!

Anonymous said...

我願意

Unknown said...

我都好喜歡電影,曾經的電影,對於我來講係一樣好高消費的活動,但如今,我一個星期起碼會睇一套。

但的確,我會越來越覺得,最近的電影的確少左好多好純粹的野。大部分的所謂的大片,無可否認,的確好睇,但好睇的畢竟是效果,特技。即使Avatar,如果無效果,無特級,會好睇咩?
Dear John如果無靚仔靚女,會唔會收得?

所以,我反而覺得,最簡單的電影,最純樸的電影,更加可以觸動人的心弦,雖然,好多野已經一去不復返

HT said...

我都等O左部同香港人連結的電影好耐了…一直等緊呢類不大排場,唔係賣大陸的電影。對上兩部我最鍾意的已經係茱麗葉與梁山伯AND細路祥…

Siena said...

今晚看了<>,流了不少淚,但看得很舒服...

再聽主題曲,真的會有想哭的感覺~

Unknown said...

好戲, 難一步, 佳一步, 最緊要信, 最緊要珍惜.....

Anonymous said...

多謝你e篇文章
於是自己一個都走左去睇
絕對認同e出野win people's hot tears

笑位好自然..
好enjoy..
左面難右面佳..
入戲院睇過廿幾出戲唔多,
而e出係見過最多人喊..
後面個2個係抽泣勁大聲'甚'埋鼻涕

多謝你提到e出好戲.