3.21.2010

會會會會會會會會會會會....



我的工作就是「會」,一日到黑都係開會,一個會之後又有另一個會,既然咁多會,開會的地方是好重要!




呢度係我尖東office,有人流但不算嘈吵,有露天但不算大塵,呢度係可以會好耐的地方!





你睇下幾多人陪我會,仲全部都係女仔,真係會好幫到個會,腦分秘都唔同晒!






旁邊個日本妹陪足我全程,我唔走佢都唔走,我舉咖啡杯,佢就舉相機,態度幾一致!走果時差d想相約佢,不會可惜我跟住仲有會!



係「演唱會」




個個去睇EASON,我睇薩頂頂




我就係鍾意唔知佢唱乜!如果心靈可以溝通,是什麼語言已經不重要,喜歡這個「心靈相會」,更欣賞妳遷就港人,把這一會變得簡單易明兼高潮起!



星期六晚睇完演唱會,好應該去同其他人相會,但我繼續要去開會,本來真係想扮唔舒服取消,不過對方一句,有個地方你一定鍾意!咁又去睇睇羅!




呢度我黎過幾次,但周末就第一次,不錯!人不算太多,但又有D野睇下咁!





想不到現在,周末夜出的,大部份都是全女班,係一班又一班,其他就係全班都係仔,個個好乖咁坐係度飲野,傾偈,玩下啤牌!我睇見佢地都悶!我終於明點解女仔一有人媾就會發左癲!因為家下最多係「死悶仔」,最少係「DUM女仔」,有人肯媾真係會好似見到「北極光」咁 癲左!

各位悶男,唔好再對部電腦,遊戲機同睇波啦!出黎睇下個世界,好多好野等緊你地架!個會變成談論新一代的感情世界,開會講約會,呢個都算係誤會!

終於咪要第二日再開過會羅!



呢個開會地方仲勁,要撘船去!逢星期日就會人同狗一樣咁多,其實住到咁遠,都係想寧靜一下,星期日可能係唯一假期,但係成個島嘈過返office!香港究竟仲有冇寧靜地方?!

呢個會得到的結論係 「或者係我地太唔香港人,所以才要靜!正常香港人,根本個個鍾意熱鬧嘈吵,每一分每一秒都不要靜下來,否則會感到好不安!」




同檯食飯,各自修行。我雖然一日到黑都會會會,但我點都要有靜下來的時侯,越多會就要有越多靜下來的時侯!所以詐肚痛,我都要蛇過來靜一靜,看海是一種廉價的高級享受!



「離開工作檯,快去望望海~`」

給忙得不可開交的各位,包括我,又繼續會會會會會會會會會......

16 comments:

Anonymous said...

我都曾經被小島景色吸引而慕名入住,可惜後患無窮,堪稱景色雖美,但風水奇差,住滿一年走都走唔切。其實命硬如我者,無野可怕,不過都係他朝退休先再入去住過啦 ....

不過見到你d相,又真係幾掛住個無敵海景lor ....

騷緋 said...

幾時和我開會呀?

vy said...

up in the "meetings"? ;P

Fionne said...

用mute住心情去望完海,比個腦refresh吓,feel到你心情真係唔同D~ 睇你寫d嘢仲好好笑^^ 我鍾意你最尾那張喺愉景灣夜景相,個mood好正!

pvc said...

好正咁享受生活!

龍兒 said...

我呢到無海啊,不過有花園。

york said...

香港人都市生活總是忙忙碌碌.......可以忙裡偷閒己經很不錯.......

灘叔, 可以好似你咁樣........爽爆了..

JJ said...

Should be 珀麗灣 ...

Anonymous said...

你有一個很好的攝影師,用左幾錢請????

Fion Mui said...

灘叔~ 咁我地4月個會會會會會...有終極結論未呀??

annie chan said...

我好鍾意望住海張相啊

Anonymous said...

飲野個地方好似好舒服,好想知係邊度黎架?

Chi said...

Haha, just noticed on the first photo, all the lights had gone out apart from "FEE" The richest coffee shop in the world, showing it's true colour

Yan Wu (Novia) said...

我都好鍾意睇海...
屋企附近就有個海,
所以成日去睇...
放假會落沙灘睇...
平時放工因為夜,
係海邊睇就算...

Jackson L. said...

夜晚掛晒燈籠果間好有氣氛呀..有冇人知係邊叫咩名?
thanks!

Anonymous said...

我都有睇頂頂姐
不過上坐面..好難睇..
其實都係聽佢唱姐xd