10.09.2009

酒腳



我鍾意飲威仕忌,因為鍾意果份濃烈英倫味道,果份比飲紅酒硬淨o既男人味,一shot飲下去,像一個火辣艷女郎,纏著你的喉嚨大跳Pole Dance,令你變得像一輛即將要起動的超級跑車,如箭在弦,是最有自信的時侯!除了以上好處外,對孤獨的人如我,飲紅酒開一支飲唔晒,但又唔可以存起,飲威示忌就算支支飲一啖,都可以存起放一兩年,唔會浪費,飲貴d都捨得!咪笑我孤獨老人,大家不可不知,正所謂..

人生流流 酒腳難求

如果你睇到呢度立刻就留言俾我話「灘叔!我可以做你酒腳!」,hold住先,你搞清楚乜係「酒腳」先,一晚飲七jar威梳代表你飲得,但唔代表你係「酒腳」,你極其量都只是一隻「劈腳」,人生苦短,我慢慢嘆酒,你快快去劈酒,劈完好走!

真正「酒腳」好簡單,就是會看見你的威示忌時,會兩眼發光,喜悅之情由心而發出來,像小朋友收到父母玩具一樣興奮,這樣愛酒的人,就是好「酒腳」





想不到這一支我以僅僅可以見得人的GlenLivet 21,可以令Paco講足一個飯局話我是好「酒腳」,認識Paco很久,見佢飲醉好多次,嚴格地應該話好少見佢醒,但我第一次見佢攬住支酒,開心得像我十一歲表弟攬住老豆送俾佢部遊戲機咁!係咪好「酒腳」唔重要,飲得開心咪得羅!

同一支酒,就算同一班人一齊飲,唔同時侯,就會有唔同感覺!酒好少變,但人不停在變~~




有樣東西是不變,你第一次醉了是怎樣,永遠飲醉都是一樣,哈哈~` 唔駛叫佢,佢轉頭會突然醒番





btw,我地唔係約埋飲酒,係去左「東周」 金牌飯局,下星期二出街~`

15 comments:

Jenna Michelle said...

灘叔好man呀!

芷君 said...

下星期二麻, 記得買架啦 !

Sav said...

ok, 下星期二,準時入貨!

Season said...

酒腳是酒逢知已千杯少,他鄉遇故之的濃縮版,請繼續威威,上次的黒牌我送給了一個世外獨居老人,他喝到一半後乾脆用餘下的沖咖啡,真識嘆,人生這樣活才是照燒少年,中年,老年,晚年。

龍兒 said...

飲得開心就好。

Chi said...

I can really do with a drink right now - in fact I dreamt I ordered a JD last night...

for once I'm not looking forward to a weekend - allow me to be drunk and not have to wake up til monday

Anonymous said...

講得好0岩啊灘叔... 酒腳係好難搵到...好好彩,我搵到幾個~ 我0地可以一支酒4個人飲,飲0左一晚...

commander2010 said...

上次你比我個支黑牌仲係度...
我會等到一個真正係我酒腳嘅人先會開黎飲

騷緋 said...

Yeah, totally agree!! 我有支Macallan 18 wor. 有無興趣呢???

Low b said...

I love to drink with friend and talk...I hate to 劈 with friend...coz no point ar....when will u free to have a drink ar???

aiya said...

你醉喇灘叔
paco個名都串錯
真係離哂大嫂

粒米 said...

最尾嗰張相的灘叔好溫柔哦

Little Fat said...

完全同意,喝酒永遠也是伴著三五知己、不影響聊天的輕音樂、一些合適的小吃;而不是吵耳的卡拉OK音樂聲、骰盅跟猜拳,超級討厭!
不過本人較喜愛溫和一點的酒如紅酒、白酒或香檳等,對烈酒始終也有點抗拒...
順帶一提,去澳門的時候酒也是最佳的手信,不要剩是買巨屁跟女香園,因在澳門渡過廿四小時後,每人能帶兩瓶超過30%的烈酒回港,而價錢幾乎便宜一半!我常常也頫道買酒回港送給最佳酒腳的說!^^

Sav said...

東周。。。昨天到手了!

M. said...

海灘叔,威仕忌一shot喝下未免太浪費吧!嗰種木香,應該配合自己喜歡嘅慢拍音樂跟朋友或者自己慢慢dap先美好.....