10.18.2009

茄榮及些榮



十多年前,我寫過一場戲是這樣的,一對男女初次相遇,男的帶初約會的女孩子,到一間奇怪的餐廳吃飯,這餐癮裝璜一般,食物也不是驚天動地,但這間餐廳有一條怪規矩,你order了的東西是不會來的,因為你order的東西是給下一位人客,而你是吃上一位人客 ORDERED 的菜式,如此類推,而這裡不設獨立檯,你同檯還會有五六人撘檯,而大家是可以"夾"其他人的東西吃.....

這場戲被ban了!還得到某前輩跟我說「想天馬行空前,最好學識腳踏實地先,唔係一定會跌死!」,我一直唔知自己犯左咩錯,乜做創作唔係要「情理之內,意料之外」嗎?我們每次去一個地方,看著餐牌,都會有一種莫明恐懼,究竟應該揀食乜?當你在一個揀乜都唔會好食,在揀食定唔食之間,你揀了食而要焗要揀一樣東西去食的情況下,等如揀「死」定係「唔去活」,即係無得揀,咁你點會有心機去揀,而如果有人已經事先幫你揀好,減小煩惱之餘,仲每次都有期待,何樂而不為呢?而幫人諗食乜,一定易過幫自己諗,你可以不負責任亂叫,也可以好好心地為下一位客人好好設想,一頓令呢位客人食得開心滿足的飯餐,人家開心,你亦都開心,何樂而不為!而你每次去到茶餐廳,看著餐牌,其實每樣東西想吃小小,但一個人,最多加埋你情人兩個,唔通叫八樣野食咩,但如果同檯有十個客人,大家可以「些牙」人家的東西,吃得多d,開心多d...是我唔腳踏實地,還是前輩固步自封呢?!

我是一個很易放棄的人,但對某些無謂野,又會好堅持!我經常問撘檯的人「不如叫兩個餐一齊食丫?」,我估我試過近一百次,大多都是無回應,或者叫我咪搞gag,只有唔夠十次是成功,而最主要成功的原因是「好呀!灘叔你話點就點啦!」,但我是深信,就算我是noboby,這個「些牙東西,食多d,開心多d」的方法是WORK的!而我真係經常係一間相熟茶餐廳,同個老闆講「幫我叫杯濃齋啡」俾下一個坐在我位的人,因為我知道我吃午飯的時間,正是一般人一日最疲的時侯,坐係我呢個位的人,都係想回一回氣,濃齋啡幫到佢,但老闆次次都係笑下就算....

點解淨係由自己出發,唔可以為其他諗左先!?

終於最近我看到在日本有一間名為'Kashiwa'的餐廳,賣點就是「不能主宰自己所吃」,你所叫的是給下一個客人,你只可以無選擇地吃上手人客給你ORDERED的東西,餐廳說明「請款待你的下一位客人,給他最好的」 「請喜愛食物,就算是得到你最憎的食物,也請你開心地吃」

我看罷熱淚盈眶,心裡面響起了那首老歌「You may say I'm a dreamer But I'm not the only one I hope someday you 'll join US ,and the World will be as one」

或許你會說「我自己d野都未諗掂,仲點幫人諗?!」,但其實當你多一點關心其他人,為其他人所想,你會發現你的所謂問題,根本是微不足道,根本不需要方法就已經解決了,而你幫人想多一點,你就改變了人家的命運,同時也改寫了自己,而人家又改寫了其他人及自己的命運,何樂而不為!向撘檯的人說聲「不如一齊食丫?」,你肯開聲,命運已經改變,對方肯答應,就大家的命運也改變,何樂而不為!

我們的命運,都是由我個性格決定,你是什麼性格,就會有什麼行為,有什麼行為,就有什麼遭遇,這些遭遇就組你的命運,所以性格決定命運,但性格是可以改的!你改不到,是因為你懶!




自己的世界實在太細小,多一點「茄牙」自己以外的事,多一點與人「些牙」,我們的世界才會更大更開心!

16 comments:

秀秀 said...

我鍾意呢篇 ^^

audreybrenda said...

我讚同你的講法, 但有時真係有心無力, 我希望可以好似如你所說,你的說話每句真係對任何人幫助很大呢, 我正努力想著怎樣可另多些人看你的文章, 我好相信當活在困境或失意的人看過你的文章後, 好肯定幫助他們很大, 而我是其中一個呢! 多謝你!

團長 said...

wow 若果我去到一間餐廳係咁,一定好有趣...但想問一下,埋單時點算- -

Anonymous said...

Thank you for your sharing.

龍兒 said...

多謝你啊,灘叔,用呢個辦法肯定可以識多D朋友。特別系男仔。

Anonymous said...

喜歡你節目 , 喜歡你的文章, 除了因為有 insight 之外 , 直覺覺得你是心地善良 , 有愛心的人.

Fm: Sandra

Scarred V said...

思想已置身於烏托邦的海灘,你比起現世代的人走前好多呢…
如果你是中古時期的人,一定被視為異端,雖未至於會被燒死,食嘢啫…
我們往往被現實的環境壓迫得只求生存,不奢望生活。

你要多啲喺大氣電波宣揚茄榮和些榮,可能世界會因而潛移默化的慢慢改變,好讓我們有機會跨進你的理想國度,開心快樂的生活下去。
好希冀的幻想着那樣的世界…

Fayeh2o said...

Thanks for your 些牙 & 茄牙....

daidai said...

daisuki~ daisuki~ daisukidesu ^^

Dear D said...

好衰地覺得,我唔會食緊上一手幫我order嘅菜式,而係食緊餐廳買唔晒又就嚟過期嘅餸!

Anonymous said...

I also have your idea of sharing food with strangers at the same table...
While we are always wasting food, many people are starving at their lifetime.....

~~Stranger AT~~

Anonymous said...

love yr idea, 癶如果可以同下一位來賓人客交換食飯partner咪多一份期待lor~~

fleur said...

http://cheukwanchi.blogspot.com/2009/10/mystery-google.html

灘叔,睇睇阿芝呢篇blog,佢講的google wave同你呢個橋段極為相似!

Anonymous said...

間Kashiwa係邊架? 我想去呀!!
話我知呀! 唔該晒!

Yvonne said...

The song 'Imagine'~ Love it!

高立 said...

http://www.mysterygoogle.com/

You're not the only one~