7.16.2009

反對反對




我好想知道,發起反「o靚模」的究竟是什麼人?是幾十歲性生活苦悶的衛道之士,還是同年紀,但由上至下,都被「o靚模」K.O.的少女們,定其實是製作公司想出來的宣傳好橋,自編自導,借「反」來製造聲勢,定還是這只不過是另一位在「濫反成風」下的網絡喪屍,無意識的行為?

首先聲明,我覺得「o靚模」好悶,但我無打算反佢地,因為我無原因去反佢地!說她們影響社會風氣?沒有她們出現之前,香港的社會風氣好好嗎?你肯定她們的壞影響,比網上的所見所聞的東西嚴重?她們的出現與存在,只不過是另一個通俗流行文化的過客,路過都要反,咁咪好唔得閒!?

子曰:非禮勿視,非禮勿聽,非禮勿言,非禮勿動

不應該不喜歡不能接受的事景人,應該不望不聽不說不動,被冷落已經是最大的「反對」行動 !所以今年書展,我唔會放書落去,但書展有「o靚模」係呢個自由社會係絕對無問題,請不要大驚少怪!

13 comments:

龍兒 said...

E家太多人好似系為左反對而反對了,真系唔希望反o靚模系商業策劃行動,如果唔系被利用者,包括反對者、支持者與o靚模都太愚蠢同可悲了。

Anonymous said...

寫得很好, 很讚同你的說法. 有句話道:「你愈抗拒的東西會持續存在, 你靜觀, 它就會消失.」

Scarred v said...

有反o靚模、有反反o靚模﹐百花齊放嘛。
咁咪顯得香港有言論自由囉。
當事人有機會回應﹐報紙雜誌有嘢寫﹐想睇嘅讀者又有得睇﹐各取所需囉。
但我唔會再去書展﹐因為實在太迫啦﹐唔啱我啲老人家﹐嘻嘻...
這個期間反而書店冇乜人﹐仲好行。
海灘﹐仲乜你今年咁懶唔出書? 仲要大家等幾耐呀?

Sav said...

呢張相是人定mannequin? 條底褲咁。。。有趣既?

Anonymous said...

通常一條鎖匙,敲唔响~~兩條鎖匙,就…
又小學生,俾人改花名,越反抗,傳得越耐越持久…:P

pvc said...

同樣地“有unklebeach的存在”也不需要大驚小怪,對嗎?!

Anonymous said...

好鐘意聽你做節目
加油呀!!!

Candy said...

幾時再出書呀?haha~

melody said...

今年無書...好失望:(

Unknown said...

吓!海灘你今年書展唔出書.......
我又見你唔到, 上年因為返學已經簽唔到書啦
V.V

Chi said...

My only problem with o靚模 is their invasion into the 書展 mean there will be alot of people there. Never been one for the crowd plus Unkle beach not bringing a book out this year I will not be attending the 書展 as i had planned

3 (avis) said...

老老實實, 我係女仔, 但好鍾意周秀娜... 今年又係我人生第一次去書展 (之前居外冇辦法去), 又可以揸住個press pass打橫行, 仲唔係濫用職權嘅好機會?! 而家希望佢千祈唔好cancel個簽名會, 如果唔係我會打人~

Shirley said...

我只關心你本書lor~ 幾時出? :)