7.23.2009

停停先諗真



每次撘車見到呢兩句說話,就自然有點不平,英文果兩句我仲明白個意思,但中文果兩句,唔知係咪為左要押韻,搞到後面果句好怪好怪!
本意是,要養寵物前,想清楚,要養就要養他們一世,第一句「照顧佢一生」其實前面應該有如果兩個字,「如果要照顧佢一生,就要點點點...」,但睇埋後面果句,「停停先諗真」,我估佢意思係「要照顧佢一世架,養之前停一停,諗真係咪做得到先?」,咁點解唔簡單d變成「照顧佢一生,養前先諗真」,或者「照顧佢一生,買前先諗真」呢?「停停」係個動作,但不是一個動機驅使要「先諗真」

其實肯定有更多更好的押韻句子,如「照顧佢一生,要心又要金」、「照顧佢一生,除非係大亨」、「照顧佢一生,一定好x金」、「照顧佢一生,要多個賓賓」、「照顧佢一生,不如娶朱薰」、「照顧佢一生,搵陸永C君」....而其實俾我決定,我會用呢兩句


「照顧佢一生,不如養雙親」

17 comments:

Winnie Chan said...

very nice article, 我深感認同. 現在很多人講到自己點錫點愛d貓貓狗狗, 但自己的雙親卻置之不理.

阿維 said...

「照顧佢一生,不如娶朱薰」 <-- 唔錯選擇喎...

Angie ma ma said...

好句好句 !

龍兒 said...

你估人人都系灘叔你咩?要有意思又要押韻唔系人人都踱得出嘎。

scarred v said...

唉,海灘,無啲咁嘅水準嘅人存在,點可以顯示出你的身價呢。 一分錢一分貨嘛!

裕烽 said...

多謝鄒SIR教導 =]

Brian Hui said...

廣州的酒家可能會咁樣寫:
「照顧佢一生,慢火蘿蔔紋」

裕烽 said...

醫院又可能咁寫:
「照顧佢一生, 不如打支針」

裕烽 said...

從事保險又會話:
「照顧你一生, 買份保安心」

Perz said...

haahaaaa! love you always.

Percy, pet owner @ Toronto

米路仔 said...

想起以前養的小狗

就是因為沒想清楚, 影響佢一生

KWAMING said...

照顧佢一生,sometimes they're not fun

(特別是病的時候)

Dear D said...

照顧佢一生,嫌煩咪失身!
XDDDD

jpky2727 said...

I really like your slogan:「照顧佢一生,搵陸永C君」....hahaaa....

說真的, 如果要養小動物的朋友們, 請你想清楚, 因為, 一帶牠回家就要responsible of taking good care of them for the rest of their life.... ^^

Phyllis said...

絕!!我愛你灘叔^u^

aako said...

好句

Shirley said...

A++++++++++++++ Love ur slogan