5.22.2009



同操啤唔順要「倒牌」,打麻雀好黑要「過三戙」一樣,面對困局就要轉一轉!



同一樣東西,但位置改變,看到的會是不一樣,因為新鮮感是讓我們發掘好東西的催化儕...



雖然咁整齊唔多似我,但我係得到空間與改變自己當中,我好明顯係揀了前者,然後做埋後者;以後要找東西,將會易如反掌,不過......我依然懷念在混亂中,終於搵到的興奮「終於搵到你喇!」,「原來係呢度呀!」,「我以為唔見左,原來係呢度」、「肯死出黎呢咩!」嘩!果種重遇失散家人的激動,真係想起都立刻把書櫃搞亂!或許下一次要轉的時侯,才是要重拾這種感覺的最佳時機,「亂!你要等我呀~`」



細屋轉大屋,唔見一欏BooK,我的書越來越少,酒越來越多,影碟越來越少,藥越來越多,但最多的竟然是「舊相簿」,不禁令我想起,在cd的年代,我最多的是黑膠碟,但到現在,莫講是黑膠碟,就算cd我都已經唔多,在這個數碼攝錄年代,我依然有很多用藥水沖曬落「相紙」的舊照,到某年某月某日,我們擁有的,可能只是無數咁多個sever,仲係見唔到,因為放晒係虛擬網絡上面,我們得到過,擁有過,存在過什麼?我們又是什麼!?當我們什麼都不是,我們還怕什麼,煩什麼,憂什麼?放心!我唔會跟住唱「為什麼生世間上...」




當你轉動一樣東西時,這東西就會發出動力,然後變成能量,去轉動你腦袋,去胡思亂想又好,去思考人生又好,去思念家人、愛人,賤人都好,想民族,諗咸野都好,只要你肯轉,個腦就同步轉動,生命亦同時有所轉變
「你的一少轉,人生的一大變 !」
















8 comments:

蘇菲 said...

我也有同感,人耍變一變通! 其他人不會為你而變,為了令自己活得開心和舒服,只有自已變一變,換個角度,快樂就在你面前!

bo said...

喂有冇抄到隻玉置浩ニ? 我呢論 short short 地, 聽乜都唔鐘意, 最鐘意玉生同小虎隊!

小紅 said...

放心啦, 好快就會亂返ga la..然後等到有一日你發覺唔多順眼既時候, 你先會再執.... let's wait and see la..haha

米 said...

我都係咁話, 睇你個樣, 話咁快又亂哂啦...

p.s. 個紅色書櫃好鬼型

櫻記士多*Ada* said...

beach : 書少唔緊要,再入貨囉!酒多更加無問題搵我們啦! 諗死你3個月後會話間書房好亂...不過越亂先越搵到野and寫得出野!哈哈哈....

Brian Hui said...

我做人就是做口碑,最近一轉,揭露了我是江湖百曉生的身份,事無大小都有人搵我,精神上非常困擾,麻煩你叫速遞送幾枝老威過來,我要減減壓!

Fayeh2o said...

Matt, 你講到有咁多酒,係咪叫我地唔好再買黎送比你呀?

Good-bye days said...

五輪真弓 (Mayumi Itsuwa)
〈一葉舟〉

http://tw.myblog.yahoo.com/djabgosun-djangosun/article?mid=979&prev=982&next=972




YUI

http://www.youtube.com/watch?v=VH-IepVKzXo