5.16.2009

換轉是你...




前幾天,友人不慎跌了銀包,幸好銀包裡放了一張小艷照,照片後面寫著「錢全歸你,但補咭、補身份証實在煩死人,求大俠把錢以外其他東西,交往警局或到電9xxxx98x,聯略我傾談取回事宜,一定有薄酬」,而世上又真有如此好心地的人,肯親身把銀包拿到友人公司樓下,親手把銀包交還給友人,雖然內裡那幾百圓已不翼而飛,但友人仍然感謝這位難得的「好人」,給了對方三百大圓作薄酬,對方沒說「多謝」,袋了錢就走,臨行前跟友人說「有問題可以打「顯示」的電話找我」,友人心裡面反問「有咩問題?」,但表面上依然是笑笑點頭了事

幾小時後,當友人在MSN上大字標題寫著「世上還有小撮是〈好人〉」,同時亦收到另一位友人的msg,相約(16/5/09)去睇謝安琪演唱會事宜,友人才醒起,兩張謝安琪的入場卷,到手當天就放進了銀包去...友人急忙打開銀包一看,終於明白那位世上小撮好人,說「有問題」致電找他的意思了!

於是友人致電給對方,電話甫接通,對方開腔就說「放一千銀落於你公司大堂詢問處,收錢後會把門票放回大堂」,對方說罷就收線,友人拿著電話,氣得不懂反應,最後向我求助

「我可以放棄不去看,但對方也會把我的票賣給另一人,就算最後賣不出,佢自己去睇,我也不甘心!為什麼對方可以不勞而獲,助享其成!?」

我知道友人是那種「怕煩」的人,如果我勸友人去報警,友人一定不會去,然後就會用多一千個原因,解釋為何不想去報警,到時煩到果位,只會是自己!所以我第一時間大腳解圍,將個波踢俾比另一位友人
「你訂票時訂四張,就叫買另外兩張票的朋友,到時質問旁邊那兩人吧,『誰給你今晚的兩張票?』」
友人被一言驚醒,連忙收線然後致電給那位朋友;三分鐘後我就收到連環口訊,首先是那位朋友給了我二十個「賤人」,不久就收到朋友說「賤人始終贏不到聰明人,我已把門票賣了給其他人,煩不到我的!」,然後....個世界竟然慢慢靜下來,不竟在這個營營役役的地方,還有很多事情都比不見了兩張〈謝安琪吶喊演唱會〉入場卷,然後比人屈錢更重要,更急住去辦,看到友人的MSN上標題寫著《還好我的〈五月天〉不是放在銀包內!算執番身彩!》

事情看似就此完結,但今早友人突然說不能姑息養奸,決定假裝應承對方,引對方到公司大堂,然後報警,待警方處理,難得友人肯唔怕煩,我當然小說話,畫快收線去配合友人行動,免得友人轉頭又改變主意!但我收線後不夠一分鐘,友人再致電給我,語氣喜孜孜「條PK個電話停用了,今次算我不幸,佢好彩!」,友人之所以喜孜孜,是因為盡了責任,但又不用上身,不用受良心責備,亦同時讓事件完結!

我都是怕煩人,所以我明白友人的心情,亦替友人鬆一口氣,但換轉是你,你又會這樣處理嗎?你會怎樣處理呢?

十五分鐘前,另一位朋友來電,「我良心發現,我的票其實不是賣了給其他人,我今晚應該點做?真的要問旁邊的人「票從那裡來嗎?」

我還未想到點答.....

12 comments:

bo said...

三個鐘頭過眼雲煙姐... 為在三個鐘死三千幾萬個細包, 不如飲枝啤酒消吓暑重好啦

kahsandra said...

我係果d一定問到底既人~! 果個人真係賤!
不過呢d野, goes around comes around! 佢冇睇劉華套大隻lu嗎?

你朋友問唔問其實都好睇個人.. 佢問左但冇火地問都到唔問冇分別.. 都係算了~ enjoy the show擺啦!

Mak said...

要比 $ 取回屬於自己的門票??? 不會吧! 早已經可以報警了, 那人已犯了刑事罪. 怎說也好, 您朋友這樣軟皮蛇的態度......唉!!

bbaiko said...

其實你個fd如果係經城市電腦售票網&用credit card俾錢的話, 可以打去票網o個邊同佢地講番個情況, 佢地應該會幫到你個fd o既~

janjan said...

醜惡的人性!!Shame on this guy! I will report to the police!

yi said...

鄒凱光 ...勁常聽你做節目呀..係嘩嘩嘩開始...
你把聲真係好好聽聽

Anonymous said...

-helenato-

自己跌左個銀包,
遇咩事當買個教訓,
會唔會舒服d.
不如,
諗下點樣唔駛再跌個銀包啦.

aiya said...

報左警先算
總會trace到

Anonymous said...

" 而家唔係事必要你講, 但你所講既將會作為呈堂証公"

~Alfie

chrisbobuimonmon said...

hey beach suk suk,

your blog always cheer me up! really love what you write! saw you once in a mall and I was so excited haha...thanks for sharing your thoughts! =)

Brian Hui said...

人地會話上網bid 地鐵交收,標準答法,吹佢唔漲的。

五尺二 said...

唉呀....點解咁呀?明明受害ge只因怕煩就放左果d賤人,人一出生就煩(凡)ga啦,雖然你朋友轉頭諗過都係唔可以放過佢,但點解可以即做時唔做呢?小事煩就冇所謂啦,但呢種事幾煩都要做,咁樣即係養住個賊,其實阿朋友咪即係賊阿爸/媽,唉....我只係路過發口痕,帶比你煩惱唔好意思,早抖!! :p