5.18.2009

換轉是你 易




上文題要:友人跌銀包後,以為遇到好人,原來最後被勒索,以一千銀買回屬於友人的「謝安琪吶喊演唱會」入場卷兩場,而友人因怕煩無報警,轉向我求助,我就順勢將個波踢俾同友人一齊訂票的另一位朋友身上,令友人叫呢位朋友到時在現場,質問旁邊座位的那兩位 「但另一位朋友機智過人,先下手為強說「我果兩張飛一早賣左俾其他人!」,後友人良心發現,但打電話找那個「賣票勒索黨」的電話號碼已取消,而令友人放下心頭大石,不必再擔心因為自己「怕煩」而姑息養奸!故事似就此結束之際,竟然那另一位朋友良心發現,其實票從沒有出讓,然後問我應該點做?真的要問旁邊的人「你地張演唱會飛係邊度得番黎!?講呀~~`」

我怕煩,唔想一而再,再而三討論呢個問題,所以我索性叫這位另一位朋友不要去睇!因為就算人到,個心都只會關心在旁的那兩位,忐忑於如何開腔問他們「你地D飛係點得番黎?!」,咁煩點會有心機睇個演唱會,所以「唔去睇就唔駛煩!」
另一位朋友聽罷極之認同,收線之是決定不會赴會,但俾了大拿拿八百大圓,無得回水但無得睇,越想越覺得無道理,講俾其他人知,都一定俾人笑,無理由為「怕煩」,而失去親眼看看謝安琪的機會!都說另一位友人機智過人,她無情情向男友重提舊事,當年男友送她回家,巧遇屋村公園必備的 「疑似黑社會的無聊無賴」,男友為保護她,一個打三個,最後擊退對手,「好MAN ! You re My SUPERHERO!」

〈要女人開心,讚她靚;要男人開心,讚他叻!〉

一個人開心,分折能力及判斷能力都會同時下降,這一位SUPERHERO竟然應承代她出頭,到時問旁邊那兩位「你地D飛係點得番黎? !!」,咁都應承,你話佢係咪傻左?伯原來傻果個係我!
十五分鐘後我收到SUPERHERO電話,又由頭到尾將〈跌銀包〉事件講一次,然後話口快快應承到時要問旁邊的人「你地D飛係點得番黎? !!」,現在後悔莫及,但應承左而到時唔做,之後肯定有排煩,所以求我幫佢諗條橋,來避過這一煩!
其實助人是快樂之本,幫到應該幫人,但我回心一想,我如果諗到條橋幫佢,佢女友又會搵我幫佢諗條橋逼佢肯就範,然後佢又再搵我諗條橋推搪佢女友....咁我咪永遠都諗唔完,同自己鬥自己?於是我將就計,順水推舟「你有冇搞錯呀!?你係咪男人黎架?!竟然連咁小野都幫唔到個女友!妳女友仲咁崇拜你呢個SUPERHERO!原來你你係SUPERZERO,零分人!」
終於SUPERHERO遇到寶藥黨,火海刀山都為你闖!SUPERHERO臨出發前,係屋企做左一百下掌上壓,仲練左兩個鐘拳,然後谷到件加大碼恤衫都爭D著唔落,然後就出發為民除害!

然後....我就再無收到關於呢件事的消息,我有不祥之兆,SUPERHERO嚴刑逼供,錯手逼手疑犯,但翻睇報紙,只有謝安琪與陳奕迅的緋聞,沒有任何死人...我怕煩...所以寧願知小D,都唔會主動去八,但換轉是你,你會不會想知真相?

11 comments:

scarred v said...

點解你識啲fds咁趣致,咁搞鬼?
佢地又咁好彩識到你呢個fd幫佢地諗橋,
嘻嘻... 証明你喺朋輩之間幾咁重要,佢地知道你一定幫到佢地。 真羨慕!
如果我都有個咁嘅fd成日聽我講啲無聊話就好囉...

Chrixcape said...

轉載o左呢句

〈要女人開心,讚她靚;要男人開心,讚他叻!〉

放在 面子簿 profile 中


出奇地好多女性朋友產生共鳴 orz ....

Marcus said...

唔煩都 煩左咁耐 la..
我一定會問返 佢 件事 搞成點..

Chubby YY said...

唉~ 煩爆﹗

Anonymous said...

快D出結局啦~~~

aiya said...

問題是應該問左手面定右手面的人?

五尺二 said...

認同Marcus講法,就係因為你地怕煩,煩事點都要纏住你hahahahaha..........這便是"吸引力法則":p

Mak said...

慶幸我沒有這樣 "怕煩" 的朋友.

Anonymous said...

humm, 我好耐之前, 同學話有Alan Tam貴飛兼前排兼好位0既Concert飛, 重平成100張, 我二話不說就買咗兩張,去睇show0個日, 坐低無耐, 就有兩個警察0黎捉咗我同我朋友入後台0既報案室, 0的警察話我0地0的飛係人0地趺咗, 報咗案, 警察話有權懷疑我0地0的飛係偷番0黎, 又或者我0地接贓, 而當時0的飛0既真正主人亦出現咗, 攪咗一大輪, 0的飛0既主人為咗趕住睇show, 就話只要我0地比番0的飛佢, 佢就唔再追究, 而大會方面亦明白我0地既情況, 最終安排咗我同我朋友坐山頂睇show, 我諗都算執身彩, 如果唔係, 都有排煩.

小泉 said...

我唔會,因為真相來來去去都係咁上下,d飛可能已換手n次,睇concert的人跟本唔知道飛的源頭亦未必追查到。佢地都好似上面位朋友咁無辜。除非報警啦!咁不如一早報啦!所以其實點解要問呢。係咪諗多左?

alankalun said...

想知答案!
好奇的水瓶.唔該.