愛是...

如果你相信有「愛」，請不要問情人「你愛我什麼？」，愛是無條件，無原因，無回報，我因為xxxxx愛你，那是等價交換！但我們現在都為這種交換改了一個糖衣名字，「互動」，愛是互動，是give & take，咁咪即係係交換羅！
我不喜歡兒女，因為我見爸爸媽媽好辛苦先養大我，但從來無要我回報，只要我生性就足夠，我無佢地咁偉大，要我辛苦養大兒女，唔駛佢地還，我做不到！但要佢地還，我更加做不到，或許愛是矛盾的，或許有時去愛或不去愛，都是取決於自己要個什麼的說法，什麼的借口！
你可以因為那人太好而愛上，你也可以因為那人太差，你覺得你唔愛那人，世上就沒有其他人再鍾意佢！愛是時景人+人物性格而產生，愛是千篇一律，但頁頁新奇，只要妳肯去繼續揭，永遠都不會是最後一頁！

好煩惱

仲有咁多件TEE 同襟章未送出去添，我點都唔知應該點做好，我個心好亂，煩死人喇！





你地有咩提議，當幫下我丫，唔該~`

你在何處~`

我的而且確有為過「你」不來而失望，沮喪，但冷靜下來，怨人不如想想人家點解唔到！今年是自己搞得唔好，我溜廢到忘記叫我個妹來，佢化好妝等左我幾個鐘，錯錯錯！準備左二十件tee，走先記得未送，返到屋企先知有成十份禮物未送，一大袋襟章未送，等我回回魂，想想點樣送番俾大家！錯錯錯！

我真係錯晒！所以你唔到係無錯，你只係錯過左一個好歡樂的「拆禮物日」~

感謝UB40幫我揀的部 份禮物，無佢地邊有咁好玩`~






















今年Hilda媽沒有來，看不到issac仔，但就換來了Terry的兩位小朋友，放心！我個樣咁惡，並唔係因為你地特別曳，只係我特別憎小朋友

認識了YUKI多年，每次我有活動，她都說很想來，但由於住得太遠，始終未能成行，終於等到今天，她在男友阿寧陪同下，由佛山走到來香港，為的就只是參加這個PARTY，真係令人「滾動」，更「滾動」係佢兩個思愛甜蜜到，今人擔心蜜蜂會飛過來以為有野採！ 好耐無見到一對咁純真相愛的情侶！正！

竟然知道我除左MACALLAN之外，就係BALLANTINE，仲要係21，嘩！重手到咁，點可以唔請呢位Melody 小姐食飯...



我出年口號係「玩。攬完」，我當然要身體力行去做啦，高高高~`

其實我一直都好地地，係食左呢樽〈A貨偉哥〉，就乜都唔得晒，單又無埋，錢又無晒，有周身牙齒印，仲有一個係大脾內側...DEE丫！我UNKLEBEACH以過來人身份同大家講，真係唔好亂咁啪藥！
我重看影片，先知今年大家玩得好開心，好多笑聲！DEE！我常常鬧自己「人家金枝玉葉，你就粗枝大葉！梗係難成大器啦！」，但鬧完又繼續犯錯，DEE！總之我會吸收今年經驗，下一次再搞，我知道我想見同想見我都會全部到齊，下次個Party一定不得了咁好玩！有冇好提議先？

假日迷思

飯島愛之死，我半點也不震撼，但飯島愛之死，竟然可以上港聞頭條，仲要揀係一個大節日頭版，就變成了我這個假日的迷思！

安迪窩河講過「每個人都可以成為幾分鐘明星！」，飯島愛生前有幾紅，都仍然係小眾另類明星，點都唔會及佢死後今日咁紅，至小你完全唔知佢係邊個，今日見到報章咁大個字，無興趣問人佢係邊個，但佢始始終係你腦海停留過，我相信佢生前點叫點做點博命，認識佢，記得佢的人，都不會及今日多....
我從前有個劇本，臨門一腳因演員問題開唔成，戲名叫「製造明星」，我劇本的封面寫著「明星.....是製造出來的！」，下面加多行借用了鄭秀文 〈星秀傳說〉的一句歌詞 「EVERYONE is SUPERSTAR 」，後來這個劇本故事不停走過無數電影公司，到最後我聽到關於她的評語是「現在還有明星...還需要明星嗎？」
捧出一個明星，動輒要一千幾百萬，還不保証一定成功，現今瞬息萬變，幾年捧一個SO CALL 明星出來，倒不如一年內捧幾個用完即棄的偶像出來，既化算，回報率可能更高！要捧名星，等死了之後，為她或他大造文章，身世有咁慘寫到咁慘，遭遇有咁坎坷得咁坎坷，要讀者去尊敬、歌頌、愛戴被製造成「生前時不與我，死後才得到認同」的〈無奈巨星〉，或許你明天已經忘記，但她或他這一天始終是星途最爛燦的一日！
我們要感謝傳媒，讓每個人亦有希望成為明星，有機會上報紙頭條，更感激的是你們讓我知道 「我們可以這樣看待生命！」

埋黎睇，埋黎玩

holiday mood真係世上最好的偷懶借口，既然都無乜心機工作，不如玩個遊戲，好簡單，立刻走去照鏡，然後用兩個字形容自己，例如我呢幅，大家一定用「白癡」來形容，但亦有人會覺得係「樣衰」，但我堅持係「無聊」

我心裡面有一個「我最想聽見的答案」，中左請你食飯！來吧~`我什麼都歡迎~`

三龜人

嘻嘻嘻嘻~`除左笑，我都唔知點形容自己家下心情，搵女仔對我黎講，完全無難度，但係搵呢隻龜女，我搵左十幾個月，終於搵到妳喇！JEJE ~` 歡迎妳




你可能會話隻隻龜個樣都係一樣，但其實佢地隻隻都唔一樣，不過你無心情細心睇，所以才以為係一樣！




加入了新成員，但可惜屋住環境依舊，唔係唔想幫佢地置大間屋，問題係我無辦法搵到一個我鍾意而又size適合的透明膠缸，有冇邊位老友知道，邊度有得訂造「自選膠缸」，如有提供，三龜人感激不盡

強

潮童真名叫阿強，無錯！佢就係傳說中o既「鄒強」，今日同佢入場睇波，阿BU都忍唔住問句「你 鄒強？」，強哥不慌不忙，輕撘我肩「我唔強，點生得出咁大個仔！」，其實鄒強只不過係佢花朵，佢真名係鄒子強，我係注定委以重任，由阿爺果代已經開始計算，阿爺改自己個仔個名做「子強」，即係所有希望放晒係個孫身上！我真係唔該晒兼多謝晒厚愛，點解阿爺你唔改你個仔個名做「子嘆」、「子玩」、「子食」、「子飲」、「子溝」，叫子強但我又唔多強，同叫阿龍O而做乞兒一樣咁諷刺！不過強哥成日同我講「唔強無所謂，唔太弱就足夠了！」

有道理！但其實要唔太弱都並非易事！當我一直苦思什麼是「不太弱」，強哥突然安慰我「你搬離天水圍，人地就贏波捧盃，你都唔算太弱喇！好有影響力！」

強哥！我DEE你呀！


食甜筒啦你！

我淨係知咁多...

其實我想找今年xmas的icon作為呢個invitation的照片，但負責的20話26號果日就會見，聽講仲有襟章，至於二十六號詳情，有關方面（UB40）其中一位發言人ALFIE叫我咪理咁多，果日帶禮物同錢去就得，所以我只可以講我所知的，其他報左名就會收到EMAIL，未報就快D，因為預禮物其實要好多時間...
我知果日大家去要預備一份禮物同我交換，如果你份禮物，中我想要禮物LIST，你就會得到特別大獎，唔中就只得大獎，而聽負責禮物部阿ADA講，其實大獎都已經好勁，叫我D特別大獎要再勁D，另外仲有遊戲玩喎，而負責玩耍部門果位傻紅勸我唔好參與，否則後果自負.....時間下午二至六，尖沙嘴區...聽講話玩得開心.夜晚繼續.....「阿SIR.....我係知咁多咋....其他你去到咪知囉....唔好打呀...」

些榮無罪

很久前我有幸地活於這樣美麗的黃昏之中，忍不住把美景拍下，mms給一位正在辦工室博緊命的好友，以示鼓勵，訊息發出後，朋友九秒九後就回覆「可以成熟d，顧及別人感受嗎？！我做到就黎死，你曬命搵錯人！！」
我體諒朋友工作壓力大，思想負面，斟杯靚威，一啖吞左佢落肚！但我心底裡深深處壓抑地叫喊著「些榮無罪！分享萬藏！」




同一個朋友，佢好鍾意食crunch cake，我就都唔知有乜咁好食，一pat cream，大pat甜野，細細件蛋糕，都唔知用咩力咬落去至岩！但你越唔志在的東西，佢就越會不停出現，我試過一個星期食三餐飯，三餐都有呢pat 「白英泥」，我又忍唔住手影了相，但終於還是不敢mms給朋友「些榮」，為對方設想，可能佢做到死唔死，早午晚餐都未食，收到你呢張相，真係好易會「跳掣」

昨日下午，無數sms都是同一個訊息，我自己結婚都無興趣啦，人家結婚點解要重覆又重覆咁話我知，有些還附送「點睇？」，其實係人身邊都認識到倪震咁o既男人，亦都會遇過為男人不惜一切的女人，而比她們更爆的情侶，滿街都是，一單咁平常小事，我仲有咩「點睇」，我根本不屑一顧，點知你地個個係要用黎煩我！我上晒腦想發一個muti sms俾佢地「可以成熟d，顧及別人感受嗎？！我做到就黎死，人家結婚關我x事咩？！」
但突然我呼出一口氣，腦海出現了阿榮，係「些榮」，人家都係想跟你分享，你咁樣回覆，同那個鬧你的朋友一樣，想錯晒辜負人家一番好意！
於是我向他們送出了crunch cake，得到的回覆，全部都是「多謝...」、「好好味！」、「好醒神！」，那一刻我忍唔住把crunch cake亦送給了那位朋友，不久後對方回覆我「yummie！！喂喂！倪震同周慧敏結婚呀！」，我看著不禁一笑，但「些榮無罪」，我還是回覆了一個「正！」字



" />
出面天氣都好「正」，點都要想辦法出去曬曬，我曬完喇！如果你仲覺得我係度曬命，你一定係壓力好大，更加要走出去抖抖氣！信我！高高高~`回來記住要同大家分享！

獨行 勿探

最怕探病，亦怕第時被探，病的時侯最樣衰，唔想俾人見到，病的時侯唔識搞gag，唔想俾人知道，唔駛擔心我悶，我會MSN online...醫院是很可怕的地方，無必要都唔好去！所以我唔黎探你，你亦都唔駛黎探我，返得出黎就自然可以繼續，如果見唔到就永遠記住我最靚果面！就咁決定~`



人點解要病，直接死咪好羅！「這就是人生！」我Dee你啦！