4.16.2008

手信



是朋友,就不要叫朋友去旅行時買手信,是我的朋友,就不會叫我去旅行時買手信,因為我是不會買的!因為我第一次去倫敦,就係因為要買齊一公司人的手信,趕唔切check in,好彩當時我二十歲出頭,演技又好,眼淚話到就到,聲淚俱下,不但准我上機,差點還想up-grade我上商務位!但一切都無法彌補我對買手信恐懼!

今次係日本我只買了兩樣東西,就係呢條頸巾同雨褸!竟然都有人話要,「當手信!」咁我好放心五月三號可以賣得出D貨!









可愛的球迷



串爆的球迷






節目中提及鹿島鹿角開波前想砌的字樣~`但搞緊都搞唔掂,全場大叫「姦巴嗲!」,最後都係搞唔掂....




半場完,再接再勵,終於成功!全場拍手掌~`!



真係要手信,唯有送呢張相俾你!

6 comments:

pvc said...

哈哈,你當年真好彩,我試過晨早check-in咗然後返工,跟住遲咗boarding,跑到去閘口喊都冇用,佢話唔比我上就真係唔比,仲的番我寄倉啲行李出嚟..我要改搭第二日嗰班機...anyway

我都唔鍾意買手信,仲辛苦過買嘢比自己..好在荷蘭人唔興去旅行時買手信,如事者,我就入鄉隨族..haha :p

喂喂喂,你六月會唔會嚟歐洲一齊睇歐冠杯呀!?

Anonymous said...

我都好憎買手信....無陰影....純粹唔想煩......嘻 !!!!

好多時送張自己影既相比人真係仲開心....不過都要睇下對方係咩人啦.....哈 !

sugar19sugar

brian hui said...

鹿島鹿角,好彩係作客,如果主場會怕怕,成個場d 球迷都好似江湖人物咁,有d 怕怕。

趕唔徹上機,我試過咸都無用,在台灣二期航空大廈,因為冷清及航班小的關係,我遲了五分鐘,但班機仲有40分鐘先飛,我就知咸都無謂,因為地勤已經拉隊去食Tea,拍檯都冇人理我。

芷君 said...

多謝您o既手信. ^ ^

慧美 said...

我都想投你條巾喎...

砌到一pair嘛

BeAr☆BeAr said...

Hi, 你好呀, 我都有聽到你係節目內講呢個日本之行, 好吸引...不過替你辛苦的是要等上機, 等check in...但都是值得的^^