4.15.2008

東京散步



有些故事,你以為開始了,其實經過多番轉折後,在某年某同某日某刻,你突然從心裡面湧出一句話來「原來故事現在才真正開始!」 周日下午,我影了這幅相後,便決定開始我「東京散步」的故事!

四月新開了深夜飛羽田 的班機,零晨一時半起飛,到日本大約當地時間六點正,由於羽田去新宿、涉谷等地,都比成田快得多,去新宿,早上半個小時就到;早上八點在新宿,可以做什麼?!答案是「零」,但酒店又未可以check in,於是大家只可以帶著極疲憊的身軀(就算在飛機上訓足,都不是有質素睡眠,對我來說,同無訓一樣),到附近咖啡店飲住咖啡....訓,我就覺得好尷尬,好浪費時間,至小要等到十點,才有第一間百貨公司 開門,就算開門,要行三個鐘到一點先check in,對我這些鍾意買東西,但不歡喜行百貨公司的人來說,半小時已經行通全間 伊勢丹,而日本根本就無我SIZE!齋睇就更疲!終於我走入廁所廁格訓左三次,又幾舒服喎!但我仍然是希望正正經上床訓....

好艱難先捱到一點鐘,上到房,知道一訓就無左個下午,但唔訓又頂唔順,終於訓左兩個鐘,出到街,無地方想去,什麼也看不起眼,根本就處於渾沌之中,雖然照樣飲飲食食,但無一樣是值得回味,我應該九點幾就醉到爬返酒店,但其實我覺得酒精還是其次,身體狀態差才是真正原因,第二朝醒來,腦海只有一句話「不要再重覆昨天!」但昨天是怎樣渡過,我其實是到現在才想起!

「唔好重覆」唔不代表有新野!都係出街,都係飲飲食食,直到我影了這一張相片後,我的感覺回來了!

「喂!坐低睇下野先!」





其實對我來講,到每一個大城市,如果只可以做一件事,我一定會揀「To See」,當然To been Seen我都想,但係東京,這個可能性不大,日本人基本是唔會望人,要吸引到比他們更吸引的人,你要有明星質素、打扮才有可能!

但正因如此,在日本「To See」可以好放肆,你越望得「衡!」,佢越有滿足感,當然表面上,他們是裝作若無其事,但他/她們的一舉一動,就代表著這個城市,你望佢覺得好睇,即係個城市好睇!如果香港人個個都咁好睇,香港就會更好睇!

而那一刻,我只覺覺得東京好睇,既然咁好睇,我做咩仲要睇住兩個「香港人」,梗係坐低「To See」啦!

只是簡簡單單的坐了三個鐘,我的油缸已經打滿特級一號油,充滿力量,飽到有點需要去散步,但我估更加需要的是跑步,「To See」完,就開始第二種see,叫「壽司」,見到不同的面後,就開始見第二種面,「拉麵」,同行的「余生」已經不放在眼內,眼裡只有「魚生」,沒有「暴走」,只有「清酒」,當心靈滿足下,飲飲食食,係 好到極!































離開的當天中午,竟然俾我無意發現這個地方,我沒有去考究,但我覺得這裡是電影「情意兩心知」,ending拍攝的 場地





在這種地方,如果無人拉我,我可以坐十個鐘都唔走,但我唔走,同行人好想走,所以無得 唔走!


談不上是假期,談不上休息,但以心靈取經的方向出發,今次我還是有收獲的~`

15 comments:

Melody said...

感覺好實在的TRIP

Season said...

日本的球迷好齊心,睇片都睇到好似去了現場,期待你下次是假期又有心靈成作的出發。酒乃穿腸物,飲多令人愁更愁!!!

Scarred V said...

好奢華啊!
飛轉日本飲飲食食﹐睇吓hea吓。
同好玩啱key嘅friends一齊去﹐已經好正!
羨慕啊!

Anonymous said...

looks very goood!
welcome home!!!

-jaymee

janjan said...

miss u at the radio show, but you surely deserve a break!! Hv a nice one!

CellCell said...

日本呀... ...
迪偉呀... ...
林小姐呀... ...
好想去呀... ...
肚仔餓呀... ...

~發呆中~

亞桃 said...

今朝聽到留你把聲,感覺特別溫暖...

333 said...

dear uncle beach!!!

i miss u~~~~~~~~~~~~~~
不過看來你這個是短假期~~~~~~~~~
but 短好過無 :)
hahaha! reli miss u ~

333

Anonymous said...

係東京銀座一個department store內既廁所都幾正架:>一入去就有暖氣包唔會係除褲時凍親,整個廁格內都係深橙色,入面燈光暗暗地,好乾淨relax咁,真係幾唔錯架..出黎時仲介紹比朋友添,haha :D

WendyH

20 said...

拉麵真係好好味
好掛d麵呀~~

bo said...

真係乜野人去乜野 trip

我好恨睇你同 Michelle 做一個旅遊特輯

Alex said...

嘩~~好玩啊!
飲飲食食!

bobby said...

uncle beach, you're right. the little quay that you visited is indeed is the shooting location of the last scene of leon's film

shan ^-^ said...

o my gosh~~~~~~
東京呀﹗﹗
miss it sooooo much!!

仲要unkle beach +迪奶+林村姑﹗
無得彈啦﹗﹗

LUV U GUYS!!
LUV TOKYO!!!!!!!

sin_h said...

好羨慕^^
旅行腳難求,而且是余生&惠美~