1.06.2008

喂 喂 喂 〈守基的故事一〉



我最憎厭的接聽守基用語:『講野!』

我最憎的守基開場白:『係邊?』、『做緊咩?』

我最憎的守基通話:『你幫我搞好dxxx....你地叫tea,我又要..我要.....』 全段對白都無問題,問題佢
係同緊我講電話,但不停同其他入講野,同當住情人面前偷情無分別!

我最憎的守基接聽鈴聲:『所有近期大熱K歌!』

我最憎的守機鈴聲:『一個唔知邊Q個翻唱吳卓犧隻「別怪他」版本』 我拍ATV時,其中一位拍擋就係用呢個
鈴聲,已經開左聲叫佢換,但仍然不時受到滋擾,引起身心不良反應!

我最憎的守基voicemail:『你已經進入9xxxx892o既留意信箱,請係bi一聲之後留言,仍後掛斷電話,或
者按二字留低聯略電話...』 然後仲要等三秒先bi,唔聽晒又唔得!唔係話要你
好有創意錄個超勁口訊,但如果你體貼小小,錄「留口訊」,跟住bi一聲就可以
留言,咁你話可以慳幾多時間

我最憎的守基Wallpaper: 原則上是沒有,但如果你刻意把電話放於當眼處,讓人看到你跟情人的肉麻合照
呢個就會是我最憎

我憎厭的守基收線方法:『你等等,好快....』,但Call Waiting HOLD住分幾鐘都仲係DO DO DO....咪無癮收線羅!

我最憎的守基型號: 『所以自製金粉、閃珠、彩色、透明、迷彩外殼及長過密過DRAG-LOCK頭的電話繩』,
因為我每次見到,都會覺得自己好老!

我最憎的守基牌子:『MOTOROLA』 無得撈喇!啋! 啋! 啋!

我最憎的守基號碼: 『當然是舊情人的』 ,所以我從來只會記錄於PHONE BOOK內,一分開就DELETE,唔
記得就唔會忍唔住打俾佢,或者飲醉SEND SMS俾佢!



有無漏?有冇補充? 請係睇完之後當言~~ 高~`

28 comments:

Anonymous said...

我最憎守基爛牙肉麻名: 豬豬
(真係見過好幾次! sigh~)

Anonymous said...

我都最討厭人地一打黎的開場白"做梗咩?"
佢係次次打黎都係咁,係同一個人!!!
仲要係差唔多日日打黎
同埋有無事搵你都係lee句....
勁討厭!!!
但lee d人真係習慣左就改唔到..
我話過佢無數咁多次,佢到而家都係咁....

仲有我好憎果d一聽唔到你講野or電話收唔到or太嘈
就一口話你部電話有問題....=.=

好無奈..

Anonymous said...

基本上你最憎既我都係最憎.

除左守基開場白,我真係打親電話開場白都係呢兩句嘻~.

我有補充 !!!!

我最惜手機有套 !!!! 仲要係膠套....好核突 !!!!咁怕電話花就唔好用啦.....咦.....

sugar19sugar

Anonymous said...

『一個唔知邊Q個翻唱吳卓犧隻「別怪他」版本』

那個係卡通片「我們這一家」內,花師奶洗緊碗時唱的花師奶版~~

我最憎係我專心咁傾电話時,對方又唔專心咁傾而去做緊其他野,令我一句話要講3、4次。

非常非常討厭的行為!!!!!!!!

Anonymous said...

我最憎果d留言信箱:『喂?喂?你大聲d?咁大聲做咩呀呢個係留言信箱黎架』次次比佢地fake到.好冇癮

Anonymous said...

哈哈哈!
我無呢啲問題呢﹐因為無乜人會搵我。
有時太耐無響過﹐都唔係好記得個鈴聲﹐無為意個守機響。

Anonymous said...

我最憎守基全日都無嚮過
我最憎守基嚮過之後只留低無來電顯示既miss call

我最憎守基被放於腰間既黑色安全套上

我最憎守基留言信箱只收錄對方好大聲既收線聲
我最憎聽到對方既屁股與守基既磨擦聲(如果你個英文名係 A 字頭, 通常都難逃此劫)

我最憎見到情人守基裡面有好多我唔識既女仔既通話記錄或 sms

櫻記士多*Ada* said...

我最怕係顯示名稱用什麼"豬豬""愛你的"...你SEND野比我都唔知收唔收好?
最怕係喲人自己都唔記得用咩鈴聲,電話震耳欲聾響左半日佢先接聽!
最怕係你越急搵佢,就編編比段水蛇春咁長既留言你聽!

Anonymous said...

最憎人喺條街度用守基傾電話,因為所有人一傾都會慢無目的噉四圍行,兼會行得好慢阻住晒條路,仲會走入人地舖頭傾好耐and左攪右攪...所以我嘅守基大多數只用黎聽歌and電台,完全唔似一部守基......XD

Anonymous said...

我最憎的守基voicemail:『喂...喂...聽唔到...等等呀...喂...(搞左7-8秒,然後先講)sorry 呀,我而家唔得閑聽你電話,有事就請係Bi一聲之後留底口信啦......』

Anonymous said...

都無乜話憎唔憎乜野開場白既,都要有一方面問左第一句先可以再傾落去.我有個朋友唔會問"係邊?"而係問"位置!",哈:>

Anonymous said...

我憎厭的守基收線方法:『用鼻”唔”一聲就收線,又或者聽完你講既野覺得暫時唔需要解釋就一粒字都唔講就收線』

非常討壓,因為當時自已仲好On居咁Hold實個電話,但其實對方(老闆)已收線。

unkle beach said...

厭討的人:

絕對認同!但試問有邊個未試過丫,又或者其實自己都做唔小!SIGH`~

Anonymous said...

我都最憎人接聽守基即話"講呀"
心諗你好趕咩,明明興致勃勃打去都想收線
好討厭好討厭好討厭!

unkle beach said...

20

又或者「開緊會」,咁趕咪唔好接電話羅

Anonymous said...

最睇唔順眼: 係比地拖還要長既電話繩+吊飾!!!
最頂唔順既答話:"轉頭打比你"!!
最"行"既收線對白:"電聯"
最難受既對白:"電話無電"
最乞人憎來電:~請問係咪9xxxxxx機主,想講番比你聽我地有個優惠....
最老乜土係勁急搵對方既時侯聽到:"你已經接駁到9xxxxxxx既遺言信箱"
記得叉電,飛返條線, 同帶電話. 願大家共勉之.

Anonymous said...

「我最憎的守基號碼: 『當然是舊情人的』 ,所以我從來只會記錄於PHONE BOOK內,一分開就DELETE,唔
記得就唔會忍唔住打俾佢,或者飲醉SEND SMS俾佢!」

其實我同意既。delete左個電話就好似一了百了。但最慘既係~~~已經記得果個人既電話號碼~咪又係忍唔住打電話同sms~

仲有呀~ 最憎d人收線之前就會話我轉頭搵返你~但到最後咪又係無左件事~但可能呢一句話~會令你足以等足一日。望足一日電話!!!

Anonymous said...

哈...我屋企人一打黎就會問"係邊"...
唉...其實唔係好鍾意,唯有唔答佢,問佢咩事

Anonymous said...

灘叔...........
我由上年10月尾開始已經冇同人講電話
而且我電話好耐都冇響過嚕=3=

unkle beach said...

chlona:

妳可以試下主動打俾人,世事無不勞而獲的

Anonymous said...

自己收線口頭襌都係 "遲d打俾你"
不過被人話得多,都要改下~

我之前男朋友一路同我傾電話,一路同人msn.於是我就對住d打字聲講野.到我講完佢就問:"下,咩話?" 到你表示不滿,佢就會話"我唔講野唔代表我唔係聽緊你講野"

其實尊重比談話內容更重要.

Anonymous said...

半夜三更打電話響一聲就收線,跟住又冇打第二次。第二朝睇miss call問佢有咩事,佢又會話唔記得左,或者冇野搞掂左,甚至係:冇呀本來諗住打比你傾計,但驚你瞓左最後都收左線!
”你響第一下已經嘈醒左我啦-_-”
所以半夜拎起電話打比人之前諗清楚,如果我比你嘈醒左,都希望會係有個原因囉!

Anonymous said...

beach:
係鬼"開緊會","開緊大"多d

Anonymous said...

我其實只是最憎人大聲講守基和無論任何時候無分地域都拿住守基在講的人.其他甚麼最討厭的開場白,嘻,我都係咁!

Anonymous said...

我最唔鐘意d人一打黎就問"點呀?"
我都想知咩點囉,你打黎問我點?
我次次都學灘叔套"pr girl"其中一句對白答個個人,"點咩呀點?我自己都唔知自己想點呀"

Anonymous said...

-helenato-

總之,
有電話入就煩,
無電話入又煩,
但係,
3G就一定唔用.

Anonymous said...

Uncle Beach , Long Time No CCCCCC~

我最憎沒有內容的守基留言, 即是聽到一至兩秒雜音然後斷線那種。

浪。費。時。間

Anonymous said...

我最覺得無聊係d人聽到個電話響>>於是接聽>>但係講句而家唔得閒>>即刻收線